|
... مراكش هل راح تكون حبي الأول ..؟؟
السلام عليكم ورحمة الله وبركاته مساء الخير يا حبايبي هذي اول مشاركة لي في منتداكم العريق والحق يقال ...(( أول منتدى اشارك فية ونفسية الأعضاء زي الفل)) يعني معقولة حب المغرب خلاكم مزيونين تسمحو لي دقائق من وقتكم الثمين: .... شويةاستفسارات وياريت القى منكم التعاون كما عهدناكم ... رحلتي بعد اسبوعين لمراكش ولمدة اسبوع إن شاء الله واحنى شخصين فلاوية بالنسبة للسكن : بعد استطلاعي في المزاعيط اتضح لي ان افضل سكن هو في الروز قاردن (هل تتفقون معي ) وبالنسبة للمواصلات : هل تنصحوني استأجر سيارة وإلا سواق يكفينا عن الضياع ( اذا انت تؤيد سائق ارجو ارسال رقمة ) اسئلة عامة : * ايش افضل تحويل العملة من الرياض والا من مطار كازا ؟ * ايش افضل شريحة اتصال وانترنت؟ * ايش افضل حمام مغربي ؟ * ايش افضل مركز تسوق ؟ (( اعتذر على الأطالة )) (( ما اعرف إلا انتو الله لا يحرمني منكم )) لا تبخلو علي بأي نصيحة أو توجية واي اي شي يا حبايبي تقبلو تحياتي احبكم كلش |
السلام عليكم اشكرك اخوي (( كازا وبس )) على رسالتك على الخاص * يقول الشاعر* لا تمنعن يد المعروف عن أحد*** مادمت مقتدرا والعيش جنات وأفاضل الناس مابين الورى رجل*** تقضى على يده للناس حاجات ( والله انكسر خاطري ... اكثر من مائة مشاهد ولا واحد تكرم ورد علي ) |
ما رحت لـ اغادير ...؟؟
|
للأسف اخوي احمد هذي أول زيارة لي للمغرب الشقيق |
انا بصراحه ما رحت لمراكش
ولكن جمعة اراء الناس استنتجت ان الاجواء افضل في اغادير وانا زرت اقادير ... ااااااه ياقلبي |
ما طلع باقي الكلام .... اعرف واحد يتردد على مراكش وعنده الارقام الي تحتاجها وراح اوافيك
بكل الارقام اليله .... |
ولكن ممكن اعرف ليش مراكش وانت اول مره تروح المغرب
|
وعليكم السلام ورحمة الله وبركاته
يسعد صباحك بالخير. حياك الله معانا في المنتدى وإن شاء الله تجد مايسرك معنا من فايدة وتوضيح. *- بنسبه للسكن مادام أنتم اثنين عندك : 1-الروز قاردن. 2- النخيل الدرقاوي. احدث من حيث الاثاث والتصميم الروز قاردن. * بنسبه للسيارة انصحك تأجر سيارة وتسوقها أنت بنفسك ومراكش ما تضيع فيها كثير الاماكن قريبه، واذا كنت تفكر تقول عندي اسبوع ومالي خلق يضيع وقتي واضيع بشوارع ومالي نفس استكشف ، اخذ سيارة بسائق بس بشرط يكون من اهل مراكش عشان ماتنشب بسكنه، وعندك صفحة في قسم بالمنتدى بخصوص تأجير السيارات بسائق او بدون سائق اخذ جوله هناك. * انتبه ترى مراكش اصحاب التكاسي ومن يعملون لحسابهم الخاص اسعارهم في المشوار الواحد غاليه جدا ، نصيحتي اخذ سيارة ايجار. *بنسبه لصرف العملة افضل صرف لك في مطار كازا بنك الشعبي او وفاء كاش في المطار قارن سعرهم واخذ افضل سعر. *شريحة الانترنت أنا افضل شبكة " انوي " وفيه آخرين يفضلون الاتصالات المغربية بخصوص مراكش شبكة الاتصالات المغربية اقوى. *بنسبه للحمامات المغربية في مراكش ما املك معلومه افيدك فيها ماجربت كثير هناك. * التسوق ساحة الفناء شارع جلييز بس نصيحة لاتشتري هدايا هناك لأنها غاليه كثير خلها تمشيه فقط. واسمح لنا على القصور :) |
اقتباس:
والله يا غالي اني مدري وش الطبخة معي خوي قال بنروح لأغادير قلت له تم بعدها بكم يوم قال كن مراكش اقرب قلت الي تبي ( مدلعة شوي ) فقررنانروح مراكش لكن هذي الزيارة استطلاعية ( نجس النبض ) اشكرك على تواصلك يا غالي |
اقتباس:
ياخي الله يجبر بخاطرك يكفيني مرورك الكريم وبالنسبة للسكن بستاجر في الروز قاردن واتفقت مع سواق يستقبلني من المطار للمطار (( ما حصل منكم قصور )) رايتك بيضاء ياغالي |
انا رحلتي بعد اسبوع لـ اغادير
ومدام ضبطت امورك بمراكش راح يجوزلك الجو الجو ما فوقه جو ب المغرب ترد بسلامه يا بعدي |
لا تنسانا ...نبي تقرير لسفرتك
ترجع بالسلامه |
مثل ما تكرم الاخ خالد المسلم و خيارك للروز ممتاز و اقامه طيبة
|
مرحبا اول شي رحلة سعيدة وان شاء الله رح تزور المغرب وتصير من مزاعيطو بنسبة لاسئلتك بسكن وسيارة الاخ خالد كفى ووفى عطاك كل المعلومات بخصوص السفر كمان عطاك معلومات حلوة انو تصرف بمطار كازا وبنسبة اللاسواق مثل ما قالك خالد في ساحة الفنا وكيليز بس لا تحاول تشتري هدايا هناك لانو الاثمنة جد مرتفعة ادا بتقدر قبل رحلة رجوعك بيوم تنزل كازا تنام ليلة بتقدر تتسوق من كازا لانو كازا اسواقها رخيصة وفي عندك كم خيار للاسواق فيك تشوفها وتقارن اثمنتها تسوق عموما بيكون بكازا احسن لانو بحكم العاصمة الاقتصادية فيها كل شي بثمن حلو وبنسبة لمناطق تمشاية بمراكش عندك ساحة الفنا وعندك كيليز فيه مولات حلوة وعندك نواحي مراكش لازم تخصصلها يوم مثل اوريكا وسيدي فاظمة هاي عبارة عن اماكن طبيعة وشلالات ولا تنسى بما انك رح تسكن بروز قاردن روح على قصر علي بالفلاح روح تعشى هناك رح تستمتع بامسية حلوة فيه بتمنى كون افدتك ورحلة سعيدة ورح تعجبك مراكش كثير لانها اكبر مدينة سياحة عندنا بالمغرب بتوفيق وتحياتي واي سؤال ادا بالخدمة
|
اقتباس:
رحلة سعيدة HAVE A NICE TRIP |
اقتباس:
الله يسلمك من كل شر |
اقتباس:
حبيب @<><> |
اقتباس:
اشكرك بلطف |
اقتباس:
تسلمين يا اختي الغالية معلومات جدا قيمة اشكرك على تعاونك وما راح نستغني عنك مع السلام عليكم |
رحلة موفقة
|
الشباب ما قصروا الصراحة كفوا ووفوا
|
رجلة موفقة
|
اقتباس:
مشكور يا غالي عقبالك |
اقتباس:
ايه يا غالي ما قصروا الله يوفقهم في جميع سفراتهم لكن ما زلت أفتقر للمعلومة تعرف مكان جديد عليك وأي معلومة راح تفيدك |
| الساعة الآن 11:30 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط