تجربة السفر لحالك ؟
 

السلام عليكم ورحمة الله وبركاته

صباح الخير على المزاعيط

انا سبق ان زرت مراكش بشهر شعبان طبعا كنا 3 اشخاص واحلى ما يكون
نسقت لطلعة ثانيه في نوفمبر بس للاسف الشباب الي معاي جتهم ظروف وكنسلو وانا مرره متشوق لسفره ثانيه للمغرب

هل الوضع يحمس اسافر لحالي اقراء ناس كثير تسافر لحالها بس عن نفسي احس صعبه :morocco_5 (186): يعني ابغى انسان اهرج معه اروح واجي معه
ابغى تجارب المزاعيط الى قد سافرت لحالها هل استمتعت وفليتها
وهل اغادير تنفع لشخص واحد

وشكراا :morocco_5 (27):

والله انا سبق ومسكت معي سفره لحالي علما اني حتى البحرين مااروح لحالي وجت المسكه على بتايا وكانت اول سفره لي لحالي ولاول مره ازور تايلند صح انك تفقد شعور الخوه في السفر لكن برضو فيها راحه شوي وان شاء الله بعد اسبوعين رحلتي للمغرب ولحالي بعد واول مره بكون في المغرب لحالي روحاتي كانت مع الشباب بس عندهم ظروف هالمره وقلت مااردها في الخاطر

انا رحت المغرب أربع مرات مرتين مع اخوياي ومرتين لا حال ترا الوضع عادي

اتعود تبسط حالك وتعيش الجو سواء معك حدا أو لاء .. إذا لقيت حدا بالصدفه أحسن شي .. وإذا مالقيت مو تكنسل سفرتك أو تسةفر وانت مو مرتاح .. والمغرب ترا بسيييييط وبالاخس أغادييييير أبسط وناسها بسطاااء فتعاملهم يعني ماتشيل هم من هالناحيه .. ولاتسمع للناس اللي بتهول الامور وتضخمها .. كم وكم شغله حلوه أجلها الواحد أو ماعاشها بس مشان آراء الثانيين .. الناس يا كنج كل واحد بيشوف الامور حسب زاوية نظره هو .. يغني ممكن شي مايعجبهم انت يناسبك .. او العكس ..


بالتوفييييق ورحله سعييييده إن شاء الله..

هالمرة اذا رحت لوحدك اذا انت مثلي .. راح تنسى فكرة تروح ومعك احد
بس انا اللي يعوضني لي قرايب باكثر من مدينة ازورهم واتسلى معهم.

طبعا هذا كله بشرط انك ماتضحك ع حالك وتفكر أنه ممكن تثق بأحد هناك. وإلا أكلتك الذئاب

احلى شي تسافر لحالك ,, لاتربط سعادتك بوجود أحد

اذا مالقيت الربع اللي تحطهم على يمناك فانا اوافقك وبشدة.
جربت السفر لحالي لضروف العمل .لم اتقبل الفكرة في البداية لكني استمعت فعلا وكنت حر طليق مااحد يقيدني ابدا.عكس لما نكون قروب فالتنقلات ووو تحتاج موافقة الجميع

لوحدك انت حر نفسك تسلم من التيارات المعاكسة والتى تحتاج الى مجاملة

لو كنت فى بلد غير المغرب كان ممكن تحس با الوحده لاكن المغرب غير
اعتقد انك بتعيش انطباع جديد و عدم وجود الصحبه بتشجعك انك تتعرف على المغاربه عن قرب
تصدق للوحده ميزه
فى المطاعم و المقاهى يتحدثون معك اكثر و تحصل على تخفيض و بعض المزايا
سهوله التعرف عليك من الجنس الاخر
حتى انت تتعرف على نفسك اكثر تصحا تنام و تعمل حاجات كنت تتركه مجاملاتمآ لاصحابك

تدرى وين المشكله فى الاكل لوحدك عاد خلك كريم و كل وجبه اعزم لك شخصا ما ههههه

يا رب تتوفق و ارجع ستلم غانم

انا سافرت اكثر من مره للمغرب لحالي واخرها قبل اسبوع راجع
توكل على الله وسافر لاتخاف بلعكس تبي تنبسط وتجرب شي جديد
خوياك معك ٢٤ ساعه حاول تختلط وتجلس مع وجيه جديده
وانصحك باكادير اذا لحالك
عيب السفره لحالك شي واحد الصرفيه
صرفيتك بتكون اكثر اذا انت راعي سهر

خذها مني لاتردد احجز وسافر
بالتوفيق

انا سافرت قبل كذا وكنا قروب وحلوه

و إن شاء الله 15 اكتوبر ماشي لحالي
وعلى ماقالو لحالي احلالي

والله المغرب اذا مو قروب ماينفع

انا مستحيل اروح المغرب مع احد سفراتي كلها لحالي واعيش اجواء بعيد عن الازعاج والشوشره والتسليك لحالك كانك حر طليق وكل الأمور تتم على أوامر عقلك وراحتك واهم شي الراحه الراحه الراحه والبعد عن ادق التفاصيل المزعجه

بإذن الله ماراح ازور المغرب الا لحالي لها طعم غييييييير عن تجربه ولمدة ١٩ يوم بس تكون شخص واعي عشان تعرف تدير امورك وخاصة لو كنت مزبط نفسك هناك بالنسبه لي شفت المغرب بوجهها الثاني والجميل لمن كنت لحالي احس حتى تعامل الناس اتغير معايا وخاصة الطيور هههههه هم يصيدوك مو انت تصيدهم [emoji6] استغفرالله العظيم طبعا زي ماقلت لازم تكون شخص واعي لاتنسى هالكلمة

اهم شي تكون واثق في نفسك وشخصيتك المهاجره واغراضك تكون مومنه والاهم من كدا تفتح حساب في بنك وفاء كاش وتضمن فلوسك وقروشه الكاش المزعجه

راح اتكلم عن رايي الشخصي :
انا من محبين السفر لحالي تعيش كل لحضه بتفاصيلها ممكن لو معك احد تروح اللذه بالشرح والهواش ، للإمانة فيها نوع من الملل بس تسوي كل اللي تبغاه وتعيش التجربة ، لاكن تشتري راسك بصراحة . لو كانت اول مره جرب مو خسران شي بس عن تجربتي الشخصية وحداني افضل ولاكن مو أمتع . ذكرت لك كل اللي ببالي علشان اترك لك القرار .
للمعلومية سافرت كثير وكلها لحالي وشعرت بالملل بس المغرب بلد جذاب ومع الطيور الزينة لا ملل بِعد اليوم .

انا جربت السفر لحالي , ماينفع خصوصا للديار الي مثل المغرب ..

سافرت لوحدي اكثر من مره حريه

من تجربه شخصية السفر لوحدك في المغرب متعة وكذلك تتاح لك فرص لن تحصل عليها ومعك مجموعة

كل سفراتي كنت فيها لحالي واذكر مره كنت مسافر لاندونيسيا وقاعد في اللوبي وجاني واحد وقال ممكن اجلس شوي معاك قلت له حياك وقاعد يتكلم ومن ضمن كلامه قال ياخي حظك انت لحالك حر نفسك تروح وين ماتبي وتسوي اللي تبي وقول معاه اثنين وماياخذون رأيه هم يقرورون ولا يكلموني ولا ياخذون رأيي لين تحسفت اني جيت معاهم زبدة كلامي مو مشكلة انك لحالك المشكله اذا ماتعرف كيف تنضم وقتك بالنسبه ولا قد ندمت اني اسافر لحالي بس عيب السفره لحالك انك ماتدري وش تسوي اذا حدث لك شي اعقلها وتوكل روح واستانس وانا سفرتي بعد ١٠ ايام للمغرب لحالي ومبسوط

انا اقترح انه يعقد اجتماع هناك للي ناوين السفر بلحالهم وكل واحد ينقي اللي يصلح له ...انا باحضر اجتماع اكتوبر في اغادير اللي يبي ينقيني حيا ه الله هههههه

صدقت ياسمو
هذي اول سفره لي للمغريب ولحالي وزرت كازا فاس مكناس إفران مرورا بي ازور ومريت وخنيفرةواكلت احلي طاجين فيك يالمغريب بسعر خمس وثلاثين درهم في مريت
وطنجه مرورا بمكناس القصر الكبير شوق الاربعاء العرايش اصيله طنجة تطوان مرورا بالقصر الصغير الفنيدق المضيق شاطي مرتيل مراكش اكادير والا في مطار محمد الخامس راجع للرياض وااااااه يالمغريب فدددديته هي وتضاريسه
واجوها
علما قطعت مسافة ثلاثة الاف وثلاثمائة كيلو خلال تسع ايام
اول اسفر بحياتي انبسط فيها مع الاعلم اول مره اكون لحالي بس متعععععة لمن جربها بس اهم شي خلك واثق بنفسك
وقداااااام لايردك شي
للعلم مصروفي كامل سبعة الاف وستمئة ريال سعودي واخطط ازورها في فصل الشتاء لاشاهد ثلوج الاميرة إفرررران

بحييك والله .. سعداتك :-)

وان شاء الله سفرتك الجايه تكون أحلى من سابقاتها .. اﻹنسان وعشو اتعود .. في اللي بيقدر ينبسط ولو مان لحالو .. وفي اللي بيكنسل سفرتو كلها اذا مالقى اللي يسافر معه .. ومو بس بالسفر والله في ناس ممكن تغير خطط تنبني عليها حياتها بس مشان الناس ...

الوحده عباده
الله يوفقك

تبين الصراحه ياسمو
بهالمنتدي هذا يصور لك المغرب بلد اجرام وسرق فلوس وغاليه ومادري ايش
انا ودي افهم ليش يسوون كذا!!!!!!!
المغريب يانااالس ابسط مما تتصورون
وعماااااار يالمغريييييب

صدقت ابو ماجد
والا راكب الطياره الي ديار ابو فهد الله يحفظه لنا ويحفظ السعوديه وديار المسلمين من شر كل ذي شر
مع السلامه بدات الطياره بدووووس البنزين باااااي
والله يعين علي سبع ساعات محجور بالكرسي

انا سافرت لحالي المغرب وكانت من اجمل السفريات ، لان بتلقى من يوسع صدرك ويكون معاك لكن بلد ثاني فعلا تحتاج صديق يسولف معاك ويؤنسك

انا اتفق مع رأي الأغلبية

الصراحة انا سافرت 6 مرات المغرب لحالي والحقيقة ما تضايقت نهائيا من الوحدة

بالعكس راحة بال وما فيه إزعاج وشورك في رأسك

الشئ الوحيد في السفرة لحالك هي عملية المصاريف راح تكون على شخص واحد فتحتاج انك تكون شوي دفيان لما تروح

هلا بالشباب

اذا خويك على كيفك ومزاجكم وفهمكم ووعيكم واحد ومتفقين في جميع الأمور طبعا يكون احسن
تلقى على الأقل من يرد عليك الصوت
اما اذا كانت بينك وبين خويك اختلاف في الفكر والمزاج فالسفر لوحدك افضل الف مرة

السفر لحالك ( راحة و حريه و هدوء و استجمام )

انا مجرب كذا و كذا ..

انا اول رحله لي كانت لحالي كانت مغامره بس الحمدالله جلسة11 يوم و الرحله الثانيه جلسة 49 يوم تزوجة من المغرب الحمدالله و الرحله الثالثه11يوم و ان شاء الله قريب بسافر 31يوم بس ماحبيت الرحله لحالي

اي والله صح لسانك .. بسيييييييط أبسط منه مافي .. بس في عينه تحب تهولها على رواده الجدد عمدآ .. مشان ماتصير زحمه هههههه

رحت اول مره لحالي وسكنت فندق بالرباط باكدال وأخذت سياره من نفس الشارع ورخيصه ولا تعقيد وﻻشي وبعدها أخذت سكن في نفس الشارع أو الزنقه حدا الفندق وعشرة ايام كأنها ربع يوم صح زي ماقال اخوي بندر ليش يسوون كيذا

اول مرة تروح وماخذك الحماس
شوي ع حالك من قوة التفاؤل هههه
استمر بالسفر ومردك تاكل صدمات لين تفوق
كانو يقولوها لي اللي سبقوني واقول مبالغين
الحين ابشرك مرة عقلت

اذا ما معك رفيق تعرفه و ينحط على يمانك سافر لوحدك افضل
الشاعر يقول:

‏لا تصادق بخيل ولا تخاوي زعول ،
ولا تجادل سفيه ولا تعاند خبل !

التزم بالنزاهه واحترام العقول ،
وكان هبت عليك ريح : خلك جبل !

أنا سافرت مع أصحابي وسافرت لوحدي السفر لوحدك أفضل واحسن واجمل