|
رحلتي للمغرب ( مراكش - اغادير )
سلام عليكم ورحمة الله وبركاته
صبحكم الله بالخير جميعا حبيت اكتب موضوع عن رحلتي للمغرب بداية الرحلة حجز من احدى شركات السياحة من الملز وصلنا المطار الساعه ٨ بالليل واقلعت طيارتنا الساعه ١١ على الامارتية وصلنا دبي انتظرنا ٦ ساعات واقلعنا من دبي وصلنا لمطار كازا الظهر انتظرنا في زحمة الجوازات والقرف وتعطيل الناس عشان البخشيش وخصوصا الخليجين تقريبا نصف ساعه حتى وصلنا وجلس يطالع في الجوازات واخرنا وجلس يلمح وحن سوينا مانسمع شي حتى ختم الجواز وطلعنا اخذنا شناطنا واخذنا شريحة وحولنا الفلوس وطلعنا رحنا لشركات التاجير تحت كلهم مبالغين ونصابين خصوصا المسافر كار سحبنا عليهم واخذنا تاكسي ب ١٢٠٠ درهم لمراكش وقفنا الدرك تونا داخلين مراكش وجلس يفتش وفتحنا الشنطة وشاف الشراب وقام يتفلسف وبعدين جانا السايق معصب ويقول عطيتهم ١٠٠ درهم عشان خويي الي ورى ماربط حزام الامان قلنا كيف تقولنا الراكب بس الي يربط حزام الامان والي ورى عادي لايربطة وجحدنا وقال ماقلته المهم عرفنا انها حركة كبس بالنور للشرطة وعلى طول وقفونا ويوم شافو امورنا سليمة ماتكلمو المهم السواق نزلنا في مجمع بابليون ويقول عطوني ١٠٠ درهم الي اعطيت الشرطة قلنا وين ورقه المخالفه قال انا بخششتوهم ب ١٠٠ درهم عشان يفكونكم ههههههههه المشكلة تعاملهم يحسسونك انك بزر ماتفهم شي الزبدة كرشناه واستاجرنا ٣ ليالي في بابليون ب ١٩٠٠ درهم لليوم امان والطيور تدخل اي وقت والحرس ٢٤ ساعه معبين المنتجع امورك كلها سليمة واخذنا شغاله ب ٢٠٠ درهم لليوم اخذنا ٣ ايام بمراكش رحنا لساحة الفنا كام فيه صديق لي من نفس المجمع بابليون رجل اسمه محمد سايق قمه في الوفا وزكرت المهم رحنا معه وصار هو الي يتكلم معهم بالاسعار وناخذها بسعرهم لانه قال لنا هو انا بتكلم واتفاهم معهم ونت خلوكم صاكتين لان لو عرفو انكم خليجين راح يدبلونها عليكم يشوفونكم يالخليجين بترول هههههههههه هالانسان ماشفت زيه في المغرب من الطيبه والوفا والصدق المهم من ضمن الاشيا الي ترفع الضغط اني اشوف الشحاثين على الخليجي مايرحيحونه والاوربي مستحيل يقربون منه وصار لي موقف عند ستار بوكس كانت الجلسات فل وجلست جوى الكافي وطلعت ادخن جاني واحد قالي ابي زقارة والشرطة كانو قريب مني بعد ماخذى الزقارة مني قال تبون حشيش على طول التفت يساري وشفت الشرطة يطالعون فينا عرفت انها حركة بينهم رميتي زقارتي ودخلت الكافي لهذي الدرجة يغبنون الواحد لي نفسة والسايق علمته بالسالفه قالي اصلا بعض الشرطة تبيع لك ماصدقت المهم روحنا من مراكش على اغادير على حجز مسبق من احدى الشركان في الملز رحنا معى سايق ب ١٢٠٠ درهم وصلنا على الماريوت نزلنا اغراضنا ودخلنا الفندق تفاجنا بالموظف يقول مالكم اي حجز باسمكم دقيت على المكتب الي بالملز قال حجزوكم اليوم الثاني صار لخبطة في الموضوع المهم قلنا شف اليوم قال غرفتين مافيه اليوم متاح فيه غرفة وصاله ب ١٦٠٠ درهم قلنا غالي بنجيك بكرة شالنا احدى التاكسي كام اسمه مصطفى الي واقين قدام الرسبشن وعلمناه بالسالفه قال عندي لكم الحل فيه الشقق التمليك الي ورى الكافيهات فيه سماسرة ياجرون لكم الزبدة دق على اكثر من واحد قالو يوم واحد ماناجر حصلنا شخص اسمه محمد قال اجار لكم ب ١٨٠٠ درهم لمدة يوم واحد فقط غرفتين وصاله نزلنا شفناها كانت بعيدة شوي المهم شفنا اغراض في المطبخ لسى جديدة في المطبخ شكينا في الوضوع بعدها جلس يقنعنا وحنا صدقناه قلنا بنروح مع التاكسي نصرف ونرجع وحطينا شنيطنا وقفلنا على الباب ومشينا صرفنا ورجعنا وحن داخلين سمعت اصوات اطفال في الشقه الي بجنبنا سالته قال هذي مالكها خليجي اذا جا اغادير يسكن فيها واذا طلع يعطيني المفتاح واذا بتجيبون طيور لازم تعطون الحارس الي برى على كل طير ٢٠٠ درهم يقول اهتم فيها واجرها المهم كان الباب مفتوح وسمعنا صوت باب الشقه الي جنبنا انفتح قام بسرعه وقفل الباب وبدا الارتباك عليه قلنا اعطنا ورقة الايجار عشان نحاسبك قال ماعندنا ورق قلنا هذا شغل نصب اخذنا شنيطنا وطلعنا وهو جلس يطاردنا يبي يقنعنا كرشناه ومشينا طلعنا رايحين للاستقبال وقلنا بنستاجر لو ب ٢٠٠٠ درهم ولا اسلم رقبتي للرجال المهم جلس الرجال الي اسمه محمد وعيونه فيها الحقد والغبن سحبنا عليه ودخلنا الرسبشن وشفناه جالس يتكلم مع التاكسي ويتكلم من حرقة وحن لعبنا عليه وقلنا بنروح نسكن في اماديل ليله ههههههههههه استاجرنا كل واحد غرفة ودخلنا غرفنا لليوم الثاني ورحنت شقتنا الي استاجرنها وسالنا موظفين المارينا قالو هذولا شبكة نصابين انتبهو منهم اخذنا في اغادير ٣ ايام من احلى مايكون وكبسات المويد هههههه وطلعنا من اغادير لكازا على الطيران والجوازات والشرطة من يشوفك يستقعد لازم تبخششه شي يقهر والله طلعنا من كازا لدبي وصلنا الحمدلله الرياض والامطار والخير والامن والامان . بعض الامور المهمه باذكرها : ١- اكتشفت ان الشعب المغربي في قلبه حقد على الخليجي لو الموت بيدة ساقه عليك ٢- الخليجي يشوفونه من شعب او عسكر او شحاثين يشوفك ذهب تمشي ٣- الاوربي له معامله خاصة لو يهين المغربي يكون الحق مع الاوربي ٤- حقين الجوازات خاصة والجمارك والشرطة يطلبك بخشيش وهي اصلا رشوة قدام الناس ولافكر في احد . ٥- الناس يتواصون عليك من عسكر وتكاسي وشعب كلهم يبغون غبنك وسرقتك ٦- الشياب بكثرة هناك وخرفان جالسين ينقطون في المراقص الله لايبلانا ومن وطت رجله على المغرب وهو شباب عز الله ماعاد يفكها ٧ - الي لسى ماتزوج انصحه لايروح ياما ناس اعرفهم شيبو ماتزوجو وكلهم مناصب عليا وكلها بسبب سفرياته للمغرب الزواج ابرك حلال زلال يامال الشحم خلاصه رحلتي عفت المغرب وطاريها ولاعاد ارجع لها باذن الله استغلال عيني عينك ولافيه امن يحميك كلهم ضدك روح لاوربا والله اصرف منها نظام وناس راقية . وفي الختام صلو على رسول الله . |
كل واحد له وجهه نظر ياصاحبي انا حبيت اعلق نقطه ١ من كلامك الحقد موب كل الشعب المغربي حاقد فيهم ناس جدا طيبه وتخليك تحترمها بالنسبه لحجوزاتك لاتتعامل الا مع مكاتب موثوق بها وبالنسبه للعسكر عطهم انت رايح بالاول والاخير تستانس وشوف لو تفر العالم صدقني ماتلقى مثل وناسه المغرب وجمال المغرب من طبيعتها واهلها وكل الشكر لك
|
اللهم صل على محمد وعلى آله وصحبه اجمعين
|
والله معك حق في كثير من النقاط الي قلتها لاكن انت الله يهديك مانسقت حجوزاتك وهي الي خلتك تتطيح في السمسار بس ماشاء الله عليك ذيب وصرفت نفسك اما بالنسبه للتكاسي اغلبهم نصابين لو انك مستأجر سياره احسن لك وفكيت عمرك من قروشتهم ونصبهم
|
اولا نظرة حب واحترام وتقدير للشعب المغربي .. شعب رائع وطيب وخلوق .. و للحق الشعب المغربي من اكثر الشعوب ترحيبا بالضيوف .. المغرب بلد جميل لها ميزة استثنائية يكتشفها من يزورها من جنوبها الى شمالها و من غربها الى شرقها وهي أن لكل مدينة عالما مختلفا عن المدينة الثانية وعالما مغايرا خاصا بنفسه فالانتقال من مدينة إلى أخرى في المغرب بحال الانتقال من عالم إلى آخر من ناحية التقاليد و المجتمع أو طبيعة الجو وطبيعة الأرض ..
ثانيا بخصوص مكتب المسافر لتأجير السيارات في المطار فحقيقة قد تعاملت معهم و قد وجدت من قبلهم كل سبل التعاون و التعامل الراقي و السلاسة في الاستلام والتسليم .. |
اخ بحيح انت حر في حبك للمغرب من عدمه.....لكن التشكيك بحب المغاربة للخليجيين اعتقد أنه أوفر.....لسوء حظكم طحتو بناس ماتخاف الله من أصحاب تكاسي ومؤجري شقق وشرذمة سماسرة .......المغرب ياعزيزي ناس طيبة وشعب محترم والبلد روعة لكن للأسف ماحصل لكم نصيب تتعرفو على الوجه المشرق فيه....
|
الحمد الله على سلامتك ..عجبني تصرفك مع السمسار وتصرف ذكي.
اعتقد انك اخطأت في التعميم على الشعب المغربي لأنك في النهاية لم تتعامل الا مع القليل وربما مع اسوء الناس اخلاقا وتعاملا.ايضا اخطأت في حق الرعيل الأول من الشيبان . اتفقك معك في النظرة العامه للخليجي هناك سيئة.اما النظرة للاوربي فالقوي دائما يحترم ويحسب له حساب ليس في المغرب وحده بل كل العالم. |
الحياة تجرب اخي العزيز
ولكن من الظلم انك تعم على الشعب المغربي الشقيق بهذا الكلام تعاملك كله كان في اماكن يكثر فيها السائح الخليجي وهي المستهدفة من الشحاذين والسماسرة وغيرة من المتبجحين لكن والله اني في زيارات لي ما اتذكر ان احد طلب مني شي اتكل على الله اولا، امشي نيشان وخليك واثق ومرتب امورك اخيراأ الحمد لله على السلامة |
شباب استفسار
هالحين لو نشب العسكري ف التفاتيش ومافيه الا ابخششه كم اعطيه برايكم ؟؟؟ |
مو كل المغاربة حاقدين علينا بالعكس انا عندي صديق مغربي ادخل بيتهم جنب امه و ابوه و اكل معهم و لا يخلوني ادفع ريال واحد ... ممكن تقول اغلبية الشعب ولكن مو كل الشعب ... والله اني يوم كتبت هالكلام اشتقت لخويي المغربي بروح اتصل عليه هههههههه
|
اقتباس:
من ١٠٠ الى ٢٠٠ حسب المشكله الي مسويها واذا وضعك في السليم اسحب عليه |
اقتباس:
لا بدون مشاكل بس اخاف لا رديته دور لي مصيبه او عطلني طناخه |
أولاً الحمدلله ع السلامة
أخي يجب أن نضع النقاط على الحروف عادة في الدول السياحية يكون هناك استغلال للسائح، خذها قاعدة حتى عندنا مثلاً بأبها وهي أبها في استغلال ورفع اسعار ومساومة ثم أنك ولنكن صريحين يعرفون هدفك ووجودك وهو للعصير وللطيور والسائح من هذا النوع عرضة للأستغلال أكثر من غيره. السائح الأجنبي لايتم الشحاذه منه لأنهم غاسلين المغاربة يدينهم منهم، وعادة ماراح يعطونهم ولا قرش بينما حنا الخليجيين مانقصر ونعطي ونعطف على المحتاج عادة، ولذلك هم تعودوا أننا نعطيهم فتلقاه لاصق فيك إلين تعطيه ومع ذلك قابلت إيطالي في تايلند وسألته عن المغرب ماحبها، قلت له ليه، قال الشحاذيين ينشبون بحلقك يبونك تعطيهم فلوس، ومايتركونك إلا لاعطيتهم. تذكر أن مستوى الدخل في المغرب متدني جداً، ولذلك ستجد كثيرين بطريقة شرعية أو غير شرعية يحاول الكسب. نحن عرب، ولغة التواصل سهلة مع المغربي، لذلك فرص أنه يستغل أمر وارد أكثر من الاجنبي لو عودنا الشرطة والجوزات وغيرهم مانعطيهم ولا قرش كان ماتجرأوا يأخذون بأي طريقة، لا يستطعيون على الاجنبي أيضاً لأنه أصلاً مفهوم الرشوة هذا مو عنده أبد، وصعب يعملها. ومع ذلك لاشك أننا نحن العرب أو الشرقيين لدينا احترام مبالغ فيه للاجنبي ونضعه في صورة تقدير أكبر، وهذا يحصل حتى عندنا في السعودية، معاملة الغربي تحتلف عن معاملة غيره. أوضح نقطة مهمة وهي أن أقرب الشعوب العربية إلى الخليجيين هم المغاربة ثانياً سافرت لعدد من الدول العربية، لم أجد أرقى ولا أكرم ولا أطيب من الشعب المغربي في بعض الدول العربية الأخرى تجد الحقد على الخليجي يجري بدمهم، بينما المغربي لايوجد لديه هذا، والطيبة والرقي غالبٌ عليهم. المواقف التي مررت بها قد يمر بها كثيرون، ودائماً قبل أن تسافر حاول تضبط عمرك وتسأل وتتحرى الناس الثقات، وتخطط لسفرتك جيداً، ولا تضع نفسك في موضع استغلال. عموما إن كنت أنت غسلت يدك من المغرب ولا راح ترجع لها فأنا اهنيك، وأتمنى أنا وغيري كثيرين يسلكون دربك، لأننا تعلقنا وقلوبنا دايم موهجة للبلد العظيم المغرب. ومع ذلك أقولك ماراح يطيعك قلبك، سترجع للمغرب رغماً عن أنفك :) وتحياتي وتقديري لك.. |
حمدلله ع السلامه بحيح
بترجع للمغرب يعني بترجع لو بعد ماتفر العالم كلها :) |
باذن واحد احد لاهي ولاغيرها الزواج يامال الشحم [emoji5]️
|
رحلتي للمغرب ( مراكش - اغادير )
اكتشفت ان الشعب المغربي في قلبه حقد على الخليجي لو الموت بيدة ساقه عليك
انا اختلف معاك في هذا المقال في هذا النقطة موكل الشعب القليل او القليل جدا لنو في كل أنحاء العالم في الشين وفي الزين أصابع يدك وقد بعض وشكرا |
يارجل تمشي في الشارع يناظرونك بعين شينه وفوق ذلك الطيور يقولون لنا انتبهو من شباب المغرب لان الخليجي بس يجي عشان الطيور عشان كذا حاقدين عليكم
|
أبوس تراب المغرب وأبوس الشعب المغربي صغير وكبير
|
والله انك صادق يابحيح
|
يازين شرق اسياء بس خلي الدول العربيه الله يستر عليه وين ماتروح تلاقيهم نفس النظام .
|
انا معك فيه استغلال وفساد و على حسب
حسن تصرف تجي الأمور وكل كلامك صحيح فيه بس اختلف معك في التعميم المغاربه اخوانا و علاقتنا معهم كبيرة شعبا و حكومه حمد لله على السلامه ي الذيب |
اقتباس:
الله يديم المحبه اخوي متعلق ماوصلني كرت الدعوة |
ام السفريه الجربانه ياشيخ
ايش الحظ الردي اللي وقعته في حبيبي هذا منتدى عام وصعب نتكلم في بعض الامور لايقعدوا يخوفوك من الشرطة ولا من الشباب المغربي ومسوين فيها ينصحوك ويحذروك سواءا طيور ولا غيرهم والله ثم والله ياانك تاخد راحتك لاخر درجه في هالبلد |
اخي الكريم انت رحت المغرب دون تاخذ معلومات عن البلد ماشيت دون ترتيب امور وهذا باين من رحلتك ع دبي وانتظار ٦ساعات وتحصل فرق التذكره يمكن ٥٠٠ ريال
لابد يكون عندك مستشار تثق فيه انا تمشي ع عماه صعب البلد جدا ممتازه ولا ينقص من حقها من التقدير والاحترام تصرفات من افراد بالعكس اكثر سفرياتي للمغرب لم يحدث لي اي مشكله من اللي ذكرت خلك خذر ولا تخون مشي امور كل شي له حدوود |
ترددت بالرد بس برد باختصار لأن انا مو مثلك اجرح بشعب كامل من خلال أقلية تصادفني واصادفها
كان ممكم تكون حيادي بطرحك ولا تنقد على المغرب كامل مع أنه الغلط راكبك من راسك لساسك أجل في أحد يسافر لدولة اول مرة وحتى حجوزاته ماهي راكزة وتقول نصابين طبيعي انت اللي حطيت نفسك فها الموقف وهالشي ترى حتى حنا لما نسافر لمدينه ثانيه نتعرض له عندنا وعندكم خير وماله داعي أوضح أكثر لأن انا مستحيل اجرح فالشعب السعودي مهما كان |
الحمد لله سافرت وجلست ١٠ ايام انا وزوجتي وطفل ورحنا طنجه وفاس ومراكش واغادير وكازا
ولا احد ضايقنا من احسن السفريات الي سافرتها واجمل البلدان الي زرتها نصيحه الواحد يروح وينبسط ولا ينتتقد او بس ينقل الاشياء السلبيه هيه في كل بلد ولا احد بيجبرك تسافر الى بلده وان شاء الله ارجع للمغرب وهم بصحه وتطور |
اقتباس:
|
اقتباس:
فرحتنا بكلامك وتنورونا العين أوسع لكم من المكان |
سافرت للمغرب مرات كثيره الحمدلله ماصادفت مشاكل واستغلال الا مواقف بسيطة لا تعتبر شي مع اشياء صارت لي ببعض الدول العربيه
لذلك أخي الحبيب لا تعمم ترى الامور هذي تحدث حتى ف لندن وتركيا والسعوديه كمان بس مشكلتنا ما نخطط للسفر ولا نرتب حجوزاتنا ولا ناخذ بالنصيحه بعدم التعامل مع السماسره والنصابين بعدين نجي ننتقد ونسب ونقول استغلال ونصب اتمنى تجرب تسافر مره ثانيه بس تكون مرتب امورك صدقني تشوف الفرق تحياتي |
أراهنك بخمسة عشر الف سنتيم انك راح ترجع للمغرب. يا خوي كان غيرك اشطر.
|
بصفتي ذهبت لاكثر البلدان العربيه جميع شعوبها طيبه وحبيبه وكريمه ولايجب انا نتهم المغرب بان شعبها يكن لانا الحقد ليس دفاعن عن المغرب ولاكن حقيقه لان اكثر شبابنا يذهب للمغرب الى الاماكن المشبوه ويتعامل مع شرذمت المجتمع التي تجدها في كل المجتمعات ثم اذا رجع قيم البلد بهاذي الشرذمه التي هي من طبقته ماذا يقولون عنا باقي العرب وحنا احفاد الصحابه وبلد الحرمين وعلي فكره لازم يعرف الجميع ان كل شخص يمثل بلده
وشكرآ |
اقتباس:
|
اقتباس:
|
رحلتي للمغرب ( مراكش - اغادير )
معليش اخوي طحطوح تحملني شوي انا موضوعك جداً الفت انتباهي وحبيت اعلق انت لاتصير مثالي بزياده رمايحتاج تنصح الله يجزاك خير احنا عارفين هذا الشيء وخلنا في موضوعنا والله يتوب علينا جميعاً
انك قلبته الحديث الى نصائح هذا المندأ من اسمه معروف فأذا المغرب ماناسبك ولم تشعر براحه فيه فهاذا جوك وانت حر انا اتفق مع كلامك في بعض الامور واختلف في كثيراً وزي ماقالو الشباب أصابعك ماهي سوا واعتذر عن الايطاله وعلى عيني وراسي يطحطوح ( لامني جاهل المغرب ولا درا وش فيه[emoji12] ) |
اخوي ابراهيم مشكور على تعليقك
بس انا مو شخص مثالي ولاقدوه لاكن تعليقي في الموضوع علي الي يعم البلد وهو في رحلته مازار الا الاماكن الي اغلبنا نعرفها بعدها يرجع ويسب البلد واهله وهو اصلن ماتعمل الامع شرذمه وكل بلد والله فيها ناس طيبه لاتستحق منى الا التقدير ولاحترام |
تبي العلم يلجودي والله يلحسته مخي انت خابر دوام وصايمين وكلامك ماشاءالله مصفف وعلى العموم احنا اخوان والمغرب شراً لابد منه
|
رحلتي للمغرب ( مراكش - اغادير )
[emoji106]
|
رحلتي للمغرب ( مراكش - اغادير )
لا تعمم عالشعب المغربي كله
انت طحت بالنوعين الطيب والبطال فالطيب على الراس احترامه وتقديره وكل من كان طيب وحبوب بالمغرب اما النوع الثاني فلا يعكر مزاجك وسفرتك تعاملك معهم كان جميل اتركهم وعش يومك وجوك واعتبرهم غير موجودين تحمست بااكتب هالبيتين : سلّم على كازا وسلّم على فاس ولا جيت طنجه قلها اشتقت بالزاف ووسط الفنا خلك طبيعي مع الناس شفهم بطيبة لاجل بالحب تنشاف كلماتي المتواضعه [emoji257][emoji257] |
منورين أعضاء المنتدى
أخوي الغالي بالنسبة لتقريرك و السلبيات التي ذكرتها في سفرتك لابد في كل رحلة تواجه إيجابيات و سلبيات و لكن يجب التخطيط و الترتيب و التنظيم للرحلة قبل موعد الاقلاع و ذلك من أختيار التوقيت المناسب وكذلك حجوزات الفنادق و وسائل المواصلات سواء رحلات داخلية أو عبر القطار أو عن طريق سيارات الأجرة أو استأجرت سيارة ( وهذي أفضل طريقة بالمغرب تستأجر سيارة و تريح راسك ) و كان نفسي تذكر الايجابيات و لايكون كل التركيز على السلبيات و في كل تجربة نخوضها في الحياة يوجد المحاسن و المساوئ فلذلك نتعلم من أخطائنا . و آخر نقطة ودي أضيفها الشعب المغربي مضياف و طيب و هذا مالمسناه من زياراتنا . |
الحمد لله ع السلامه
|
| الساعة الآن 09:12 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط