|
الفرق بين W وكاش
السلام عليكم ورحمة الله وبركاته
الموضوع عباره عن طرح الاعضاء لفوارق السعر مقابل الجوده في الاستضافه لدئ المكان من تجارب سابقه الدبليو جميل لكن لا يعطي الجوده من قبل العاملين في المكان مقابل السعر مثلاً طاوله في زاويه بعيده لا ترئ الا اذا كان لديك تلسكوب او مكبر او قوقل مابز لمعرفة موقعك لا تعتبر بسعر هذا الموقع مناسبه لا لك ولا لي ولا لطاوله كاش نفس الطاوله في مكان غير مرئي من العامه للحضور بسعر نصف الذي تدفعه في الدبليو اترك لكم التعليق والتجارب |
نفس الأغاني اليوم تسمعها في كاش هي نفسها اللي سمعتها أمس وهي نفسها اللي بتسمعها بعد شهر الا اذا نزل شي جديد
|
موضوع جميل لكن أسمحلي أبو ريم اعدل الفكرة شوي هل الخدمة المقدمة توازي المبلغ المدفوع أو هل المبلغ المدفوع مناسب مقابل الخدمة المقدمة في رأيي السهر في الأماكن اللي عليها طلب خليجي عالي لا يستحق ايً من كل هذه الاسعار والمفروض الطاولة بحد اقصى اللي تتكون من 3 اشخاص بمبلغ 1500 درهم مع العصير وملحقاته واي شخص زيادة ب 500 درهم ... مو مثل الوضع الحالي أقل طاولة ب 1600 درهم والطلبات الاضافية لها حسابها وهذا في كاش اما W الحد الادني 2500 درهم والمشكلة الموقع من اسوء المتوفر ... المفروض اماكن الطاولات تقسم درجات والفرق بين كل درجة لا يزيد عن 250 درهم مو معقول طاولة في المغرب توصل لي 8000 درهم !! ليش ؟ من زين الخدمة ؟ الا غش ونصب وحتى لما تطلب إضافي السرباي يلف لطاولة الشباب فيها طافين ويأخذ من عندهم او يروح يجيب لك كأس مع نقطة عصير هذا غير الغرور غير المبرر من قبل بعض القائمين على اماكن السهر مثل اللبناني عماد والمغربية اسماء من W وكأنك تسهر على حسابهم وحتى العراقي اللي في كاش غبي ولا مكان له من الإعراب ... طبعاً الياسمين الحين ينفض الغبار بعد ما كان له شنه ورنه ومثله النرجس وليالي بغداد وقصر النخيل كلهم فعل ماضي وانتهوا ... حتى الديوان مبالغ في تسعيرته والخدمة لا توازي المدفع مقابلها ... المشكلة انه لما نقارن بين بعض المدن حول العالم وبين المغرب صحيح الاسعار في ارتفاع لكن الخدمة في تحسن ما عدا اللي يفكرون مثل اللي في المغرب مثل مصر والبحرين وبعض اماكن السهر في دبي ... وبعيد عن السهر نجي للسكن والارتفاع الكبير في الاسعار بدون اي تحسن في الخدمة ما غير ان السبب هو أن كل مسؤول منطقة يزيد في حصته مقابل سكوت الجهات الامنية عن الموقع ما عدا في حالة الحملة السنويه اللي تجي في فترة الصيف ... الزبدة الاسعار في ارتفاع دون تحسن في المقابل وبالتالي الكثير لا تستحق حتى التفكير في زيارته والبدائل موجودة وكثيرة بالمغرب عموماً بس اللي يدور ويشوف, وترا الغلاء مو بس في مراكش ولكن في كل المدن اللي عليها ضغط خليجي (مراكش - أكادير) بالذات وبدرجة أقل المدن الاخرى |
انا مريت كاش وw وكان اﻻسعار مبالغ فيها وتركتها وسهرت في فلتي جلست 15 يوم سهرت بعض اﻻحيان في الديوان وقصر النخيل . وهذه اﻻماكن اصبر عليها سنه وتشوفهم ينزلون اﻻسعار ويدورون زباين قاطعو مثل هذه اﻻماكن وراح تنبسط في سفريتك
|
طيب يااستاذ عمر ولا يهون الشباب وين نسهر ؟
اذا كل هالاماكن استغلالية والخدمة سئية السهر خارج شقتك لابد منه وش السوات؟ مقاطعة |
روح غربي [emoji106]
|
ماش انا والغربي مابينا علاقة ههههه
|
لا ترى الغربي بعض الاحيان يحط اغاني عربيه خليجيه مثل 555 يعني جوهم زوين
|
فعلا w سيء وجوه ماعجبني ابد لا هو ولا الديوان
بالنسبه لكاش و 555 جوهم حلو بس الخدمه لاتوازي المدفوع |
موضوع جميل من ابو ريم وكذلك رد اجمل من عمر الفاسي زبدة الخلاصة في الموضوع انه حنا السبب في رفع الأسعار وهذا ماجنته براقش على نفسها وفي الاخير نجي نتذمر من الأسعار أحسن حل اسهر مع نفسك واصنع جوك لحالك واذا مره طفشت رح للسهرات الغربيه بدون طاولة ادفع بس حق عصيرين على الواقف وتهزهز لك ساعتين وارجع لمحكرك وشكرا
|
عمر الفاسي اختصر كل شيء وجابها من الاخر
|
دبليو بدايته كانت قويه باستقطاب فنانيين لهم ثقلهم بالوسط الفني مما انعكس هذا الشي على سمعة المحل اظافه الى الديكور الحديث والدي جي اللي يفضله اغلب السياح الخليجيين عن اماكن السهر اللي بها مغنيين اغلبهم نشاز .. من وجهة نظري لا يستحق المبلغ المطلوب
|
ياشباب كم اسعار طاوله في دبليو ،، كاش عصير ١٦٠٠ عصيرين ٣٢٠٠ دايم اجيه ،، نبي شي جديد
|
طيب لو انا وحداني وما لي بالعصير لازم ادفع حق طاوله ١٦٠٠ ؟ ولا ادفع حق دخول بس
|
اقتباس:
ماجربت لن دايم احجز طاوله انا عصير ولاعصيرين ماتكلمت بخصوص دخول |
بس والله مبالغ فيها تقريبا ١٠٠٠ ريال سعودي علشان اجلس علي طاولة وين عقلي ياناس
|
انا اسال بس
|
اقتباس:
اي ب ١٦٠٠ لاكن يخليها لك طلبات |
اقتباس:
كيف يخليها لي طلبات ؟ اللي سمعت الدخول ثلاث اشخاص ب١٥٠٠ غير العصير ويقول العصير كل نوع له قيمه غير الدخول هل هو صحيح |
اقتباس:
لا اخوي مو صحيح |
العصير الكبير ؟ [emoji125]
|
اقتباس:
لا يالغالي حبه صغير ! هههههههه |
دبليو الحقيقه فوضى واسعاره نااار ولايوجد خدمة مقابل اسعاره المرتفعه
|
نقطة سلبية يشترك فيها الإثنان أيضاً ..
إقتحام خصوصية الزبون بنشر مقاطع فيديو للمكان بهدف الترويج للمحل في السوشل ميديا |
ما احب التصوير مررره وهذه مشكله
|
اقتباس:
تبي رأيي ؟؟ أوكي راح اعطيك هي من الأخر , ابعد عنهم بشكل نهائي (كاش & W) والأسباب كالتالي: 1. غلاء لا يوازي القيمة المدفوعة من جميع الجوانب حيث: أ. الطلبات اللي على الطاولة من أرخص الانواع ولو طلب شيء أفضل ارتفع السعر. ب. الطاولات في أمكان سيئة ولو طلبت موقع أفضل فهي أغلى وبنفس نوع الطلبات المضروبة. ت. 99% من السربايه (اللي يخدموا على الطاولات) استغلاليين وبالذات مع قرب نهاية السهرة. ث. التعامل السيء من بعض مسؤولي الصالة (عماد مثلاً). 2. المشكلة الثانية وهي التصوير في سناب شات والانستجرام وسماح إدارة المكانين به للترويج بأكبر قدر ممكن ومع أكبر شريحة ممكنه مقابل تقديم بعض التخفيضات للبنات أو منح ليالي مجانية للسهر بالمكان , أنت في حالك وبدون ما تعرف تتصور وحتى بعض البنات لعانه منهم تصورك وأنت لا حول ولا قوة ولا تعرف من أصله وبعدها البنت تنشر المقاطع ولكل وحده منهم عدد كبير من المتابعين والمصيبة هي البرامج اللي تحفظ المقاطع يعني صايدينك صايدينك وفوقها الحسابات اللي تركب المقاطع على بعض للترفيه والتسلية وهي بالآلاف واحنا في الخليج لنا عاداتنا وتقاليدنا وظروفنا وبالتالي اللي يصير هو غلط كبير في انتهاك خصوصية العميل والإدارة أخر هما سمعتك وكل اللي يفكروا فيه الربح المادي. اماكن السهر اغلبها تقريباً فيها تصوير لكن مو بنفس الحرية الموجودة في كاش & W وبعض الاماكن ممنوع وهي قليله. أنا ما راح اعيطك امكان تمشي لها لان الاذواق تختلف ولكن عندك جوجل ممكن تبحث فيه وحتى لو ما عندك لغه ممكن تستخدم مترجم جوجل للمواقع بأي لغه كانت يترجمها لك بالعربي وبعدين ضروري التخلص من الكسل في البحث والتجربة لما توصلوا للمغرب !! مو معقول روح المغامرة وتجربة كل ما هو جديد منعدمة لدى الكثير !!! يا أخوان المغرب ما راح يطير موجود حتى اللي رايح 4 أيام مو مشكلة لو ضاعت عليه كم ليله أو حتى كل الليالي عادي يرجع للمغرب مره ثانية وثالثة وحتى للمرة ال 50 وش فيها ؟ التعلم سنة الحياة ولا هو بس بالمدرسة ولا هو محصور في تجارب الآخرين أيش اللي يمنع الواحد يجرب بنفسه بدل غيرة وبعدين المغرب مو مراكش وأكادير يا شباب أنتشروا ترا مو كل شيء سهر بالمغرب, حتى طنجة أنا مستغرب اللي يقول لك لا تروح قفلوا السهرات !! طيب وإذا قفلوها ايش يعني بدل ما تسهر وتدفع فلوس طاولة وخدمه زفت وتدور من وقت ما تدخل حتى تخر أستأجر فيلا صغيرة وجيب لك سماعات واليوتوب فيه ملايين الاغاني واشتري لزوم سهرتك بأرخص الاسعار عجيب أمر كثير هنا بالمنتدى اللي يبغى نسخة كربونية من برنامج غيرة من المسافرين. |
يا أخي الطاولة اللي بتدفع عليها 1800 عليها بطل أو 18 طلب أما العصير و الأشياء المرافقة فهي محسوبة مع الطاولة
|
هل الاسعار موحدة يعني المواسم والاجازات نفس الاوقات اللي يكون مافيها احد ؟
|
اقتباس:
فعلا هذا هو الكلام الصحيح ... أصلا المغرب مااشتهر في اماكن السهر إلا من قريب أما المغرب زمان الغالبية العظمى كانت كل سهراتهم بالفلل وكل شي يجي إلا عندهم بدون تعب تبدا سهرتك متى ماتبي وتقفلها متى ماتبي وتسمع الأغاني الي على مزاجك بدون اهداءات والتحايا |
اخ عمر كلامك منطقي فعلا بس المشكله حنا ما نتعلم يطبقون هالكلام عشره يجون ميه من ربعنا بدالهم انا كنت من عشاق السهر برا بس بعد الاسعار الجنونيه والاستغلال السفرتين اللي راحوا لمدة اسبوعين بس ثلاث سهرات برا والباقي بالفله واحلي جو ومواقف مضحكه مع ربعك والطيور واحلي وناسه وفله يا رجل بالسهره رفيقك ما تكلمه الا لا طلعت برا بالسياره هههههه
|
الاماكن كثيره بس في ناس ماتعرفها
الامر بسيط مثل ما قال الاخ عمر الفاسي جوجل وابحث من ناحيتي احب الخصوصيه فسهراتي في الغالب مع المغاربة وجوهم يعجبني . |
وانا ايضا لا احب السهر بالخارج
|
الرجال يقول نجي للمره ال 50 وش المشكلة ؟ على حساب الطبيشي يابو الذيب هههههههههههههههه
|
استغلال باستغلال والسبب للاسف ربعنا اللي يدورون المظاهر وينكبون على اماكن محدد رغم الاستغلال والتعامل السيء والتطنيش لدرجة اللي يحط الفحم للشيشه اعطيته عشرين درهم نظر لي نظره كأني سابه سحبت العشرين من ايده وانا مبتسم وخليته يولي
|
| الساعة الآن 10:18 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط