ايه انت ! تعال ادخل ابيك بشغله ؟
 

السلام عليكم ،

ان شاءالله اموركم طيبه وكلكم بخير..

ي مزاعيط انا استفساري بسيط جدا وما ودي اطول عليكم

انا باذن الله ان تسهلت راح اجي المغرب
بشهر 12 ( ديسمبر )
وللمعلوميه انا اول مرة اطب المغرب ف ودي تسلفوني خبرتكم علشان اضبط اموري..

اول شي وش رايكم بشهر 12 كوقت سفر واسعار والجو ( اتوقع بيكون صقيع )
وبالنسبه للمناطق وين تنصحوني ؟ .
وهل فيه سكن كويس ؟
بالعربي ابي بكج كامل عن كل شي بخصوص شهر 12


اتمنى م ثقلت عليكم ومشكورين مقدما ❤

ننتظر الخبراء سفرة سعيدة

ان شاءالله م يطولون + الله يسعدك ،

من الان لـ شهر 12 بعيد

و الامور راح تكون متقلبه بخصوص السكن و بعض المصروفات

فجبت لك مواضيع تحتاجها اقراها و بعدها اي سؤال كلنا حاضرين

https://www.mza3et.com/morocco1543.html

https://www.mza3et.com/morocco30139.html

https://www.mza3et.com/morocco28852.html

و اضف هذه النواضيع

https://www.mza3et.com/morocco13409.html

https://www.mza3et.com/morocco13409.html

https://www.mza3et.com/morocco29973.html

صراحه اخوي اشرف كفيت و وفيت ويعطيك العافيه ع المواضيع كلها بدون استثناء استفدت منها لك مني احلى تحيه وشكرا لك

انا انصح السفر في للمغرب من شهر اكتوبر لين نص ديسمبر. و من شهر فبراير لين شهر مايو الجو انشالله مايكون بارد لانه السنه اللي فاتت وايد تاخر البرد في المغرب. و كان الجو واايد حلو والاسعار بتكون حلوه بس حدك لين قبل راس السنه بعشر اياام لانه رااح تزييد و هذا شي طبيعي لانه موسم و اذا اول مره انصحك في اغادير اذاكنت وحداني او مع واحد من ربعك اما اذا اكثر مثلا اربع اشخاص و فووق مراكش بتكون اختيار احسن بس ما يمنع تشوفهم ثنتينهم و تقدر تاخذ لفه على بعض المناطق. اللي في الطريق و المغرب كلها حلوه. بس كل واحد و جوه و اسف للاطاله و هذا راي الشخصي و اسمحلي على الازعااج و اذا في استفسار عن شي معين. انا مستعد اجاوبك هني عشان يستفيد اكثر الموجودين و يصير موضوع نقااش بين الاخوان

شهر 12 حلو وبارد بالليل والجو زوين.

ولا فيه زحمات وهو وقت هدوء ماقبل عاصفه رأس السنة.

وكل المدن جميله، وتعتمد على جوك.
مثلاً أغادير تصلح لحالك أو انت وخويك كونها حيوية وصخب.
مراكش تصلح مجموعه مع اني شخصيا اروح لها لحالي،
اولا واخيرا الكل وجوه وانت ابخص.

تحياتي لك.

المشكله انا علقت خمس اشخاص معاي لان اجازتي بهالشهر بس بتكون الطلعه بدايه الشهر لين نصه تقريبا ان شاءالله.

ع العموم يعطيك العافيه ع الرد.

يعني ان شاءالله بيكون وقت السفره كويس لانه بيكون بدايه شهر 12 لين نصه.. وبالنسبه للمدن انا ودي اغادير ان حصل بس خمس اشخاص معي كلهم يقولون بس تشوف مراكش تنسى اغادير هههههه والله يستر ، مشكور ويعطيك العافيه ي بعدي ع الرد .

اييييه هذا اللي ابيه انا بما انه اول مرة ما ودك بالزحمه علشان الاسعار وتاخذ راحتك بالتمشيه مو كل شوي واحد قاط وجهه عليك

بالنسبه للمكان الاغلب انه مراكش بناءا ع توصيه الشباب وانا ودي باغادير لان يقولون جوها حلو بهالفتره ،

مشكور ع الرد والله لايهينك

اذا اول سفره لك اجلها

حتسمع ناس تنصحك تروح وناس تعرض عليك سكن ...الخ

انا ماااعرف انت اي مدينه رايح بس ماانصحك تطب المغرب بالشهر ذا ابد
اجلها شهر فقط بالنسبه للبرد اذا انت مو رايح الشمال امورك حلوه بس اذا رايح الشمال ماراح تتحمل البرد ب يناير ابد لكن اذا وجهتك كازا او مراكش او اغادير الجو بيكون حلو وبارد بس مو زي برد الشمال

تامر ياخوي و احنا بالخدمه

السلام عليكم حبيت نقولك انو الوقت الي اخترته للسفر توقيت ممتاز واحسن الواحد يبعد عن المشاكل حتى تهدى الاوضاع بعد العيد ويبرد الجو شوي ههههه

والله بيني وبينك الاغلب مراكش وان شاءالله بروح اغادير.

وعليكم السلام ورحمة الله.

ايه الزحمه بعض الاحيان تكون ثقيله وتخرب السفره

وانا بالنسبه لي الجو البارد احلى من الحار ،

مابعد مشاركة حبيبنا أشرف مشاركات.
اعطاك الزبدة .

كلهم م قصرو فيهم الخير

انس انت 24 ساعه ع ههههه تعال خاص واعطيك كلشي
عندي شقه لك في المارينا رخيصه ابغى انهي موضوعك واريحك

24 ساعه ع شنو م فهمت عليك ؟

التفكير بالنسبه للسكن راح يكون فيلا والوقت يعتبر مبكر بالنسبه للسكن باقي 4 شهور تقريبا.

شاكر لك مرورك