|
احد جرب Airbnb في مراكش؟
السلام...
أحد فيكم جرب يحجز فيلا او شقه عن طريق موقع Airbnb او اي مواقع مشابهه؟؟ في مراكش اشوف الخيارات جميله و اسعارها جدا معقوله مقارنه بالاسعار اللي اشوفها في المنتدى... انا دايما استعمل هذا الموقع في جميع انحاء العالم...و استغرب المزاعيط ما يستعملونه علمونا تجاربكم او تحفظاتكم لاستعماله في مراكش |
نفس الفكرة جت في بالي
بإنتظار تجارب المزاعيط |
عادي انت بس عطهم شروطك وخلك واضح من البداية
لانه اغلب السكن عن طريق المواقع هذي ما تقدر تاخذ راحتك |
قد تصفحته ولقيت بعضهم كاتب مافي زوار وبعضهم كاتب بدون ازعاج للجيران
|
من واقع تجربة الموقع ينفع بكل بلدان العالم الا المغرب
|
خلك على المعلنين بالمنتدى
افضل لك |
جرب احجز لمدة يومين .التجربه زينه
|
انا جربته وأرسلت لاربع اشخاص ووضحتلهم الامور رفضوا الايجار
|
الموقع جميل واسعاره مناسبه لكن السكن في الشقق والفلل المعلنه فيه يصلح للناس اللي ما عندهم زوار ولا ازعاج من الاخر ما يصلح لاغلب ربعنا والا فيه شقق وفلل روعة صراحه
|
جمعة مبارمة
|
هلاااا وغلاااا في الجميع & بخصوص المواقع النت ممتازة ومضمونه كدفع وخلافة لكن / المشكلة او على قولة اخونا المغاربة المشكل هو ان الدول العربية بصراحة ما ينفع معهم نظام حجز نت ؟ تحجز نت على البحر يحطك على الحديقة وابلش هههههه تحجزادوار علوية يحطك ادوار ارضية ونت ماشي المهم غير المساومات ؟ كل شي ممنوع تقول داخل مسجد مو فندق ععععععععع الزبدة عريبيا ما ينفع معهم الا حضوريا وتعقد ورشة عمل وتسوي مناظرة ومحاورة على طاولة تفاوض ؟ تقول لهم اقصد المسؤل عن السكن كان منتجع او شاليهات او هوتيل او شقة ...الخ لازم تقول انك رجال لحالك او معك اخوياك وكم عددهم وش جوهم ومن ذا الكلام وتقول لهم النهار نوم والليل هبال اية عادي خلك واضح ترى ابي اعلمك شي خاصة المغاربة صريحين وصادقين وامينين بصراحة لكن لا تلف وتدور ونت ماش ماهناك دبرة خلك ذيبان وتراهم مهب مثل مصر وسوريا وغيرها لا هم خلك نيشان ؟ يعني سيدة يعني دغري يعني واضح وصريح ؟ قل لهم الزبدة ( عابر سبيل ومنقطع واريد ان امارس حريتي ولكن في حدودي وقل لهم انت حر في مالا تضر . وقل لهم تقف حريتي عندما اتدخل في حريت الأخرين ) شف يسكنونك ولا لا ماتجي مدرعم تحسبك في ذيك الدول تسوي ابو العريف تراهم اذكياء ويفهمون ولو اقول هم من اذكاء العرب بصراحة وعندهم شي غريب انا الى الان متعجب منة ( وهو انهم ذاكرتهم قوية ووقادة ) صدقني يشوفونك اليوم بعد عشر سنوات ما ينسونك حنا ننسى هم لا وخاصة اذا كانت لك علاقة قوية مع احد منهم اقصد بكلامي العموم السادة والسيدات في المغرب ماشاء الله عليهم بصراحة المهم قل لهم وش وضعك من الأخير ماعندهم خربطة ولف ودوران وهم يقولون لك اوكي او لا او يقولون لك خلاص يكون تنسيق معهم اذا احد يبي يزورك او يكون برفقتك هذا انا نظامي بصراحة والحمد والشكر لله الصراحة راحة ماشاء الله تبارك الله ولا الة الا الله ولا حول ولا قوة الا بالله العلي العظيم . خذها مني المغرب بذات هم فيهم من ثقافة الغرب لا تلف قل الحق يا يقولون واخا صافي يا يقولون نعتذر منك ؟!
|
أنا جربت الموقع حصلت شقه ممتازة وسعرها معقول ومثل قالو الشباب الوضوح ومطلوب تحط شروطك من الأول..المميز في الموقع أنك تتعامل مع المالك مباشره بس أول شي لازم تتأكد منه من وجود سنديق(المشرف عن المجمع السكني )هدا غير السكيرتي بالموقع ..انا اشوف الموقع مناسب للعائلات فقط..لان غالب المعلنين في الموقع شققهم في مجمعات سكنية...
|
جربته في كازا جميل وما واجهت مشاكل والضيوف تدفع قيمة إضافية محددة بالبرنامج (10% تقريبًا من الحجز تختلف من مُعلن لآخر وبعضهم مجاني).
وإذا ثابت الضيف معك طول الإقامة تضيف بياناته اثناء الحجز من التطبيق ولا يأخذ قيمة إضافية. الموقع جربته في كازا فقط ولا ينفع في أغادير أو مراكش. |
| الساعة الآن 08:36 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط