|
استفسار مهم ؟
صبحكم الله بالخير يا اخوان .. بدخل ف صلب الموضوع ع السريع انا راح اخت للمغرب يوم 8 / 12 يعني بعد العيد وسؤالي هو اني رجال ما عمري رحت المغرب ابد استفساري عن الميزانية علما باني ماحب السهر برا ولا لي اي نية اسهر خارج السكن من الاخر سهراتي بتكون ف السكن مع الطيور وكذا فهل 28000 الف كافية لشخصين لمدة 7 ايام ف مراكش مع الطيور ؟ او ما تكفي اتمنى تفيدوني يا حبايبنا وشكرا لكم مقدما :morocco_5 (102):
|
تعتبر كافيه جداً اذا سهرك في البيت
|
حتى لو بتسهر يوميا برى كافية بس لا تبذخ في السهره يعني طاولة في الركن البعيد الهادي بألف وخمس مية و وَيَا سلام سلم
|
كافيه ووافيه
|
مضبوووووطة ي مدييير [emoji106]
|
الله يسعدكم يا مزاعيط طمنتوني شكككرا لكم من الأعماق :)
|
.
|
اقتباس:
|
طيب الي بيروح بالحاله ومعه 15 لمدة 8 ايام والسهرات موب يومياً
انا اشوف انها كافيه لكن مانستغني عن رأيكم يالربع ياليت تفيدونا |
اقتباس:
كافيه |
مشكور ياتركي جعل عمرك طويل
|
اقتباس:
|
يا شباب انتم من جدكم الواحد يسافر ويروح وما عنده مبلغ في حسابه غير اللي معه في سفره؟
وش احتياط ووش خرابيط اذا ما عندك قدره ماليه لا تسافر ناهيك عن اللي يتسلف عشان يسافر او ياهذ قرض عشان يسافر امكن لاني حالتي الماليه ميسوره ولله الحمد ما قد مرت علي هالامور ولكن الانسان لازم يكون محتاط من كل شي واذا بيسافر ب 10 الاف لازم يكون في رصيده مثلها ع الاقل تحسباً لا طاري |
اقتباس:
|
استفسار مهم ؟
مو عارف ليش ترعبون الناس
انا سافرت وكنت ناوي اسحب المبلغ من مطار الملك عبدالعزيز بجدة عشان اصرفه بكازا واللي صار اني رحت المطار متأخر جدا المهم وصلت المطار ورحت للبنك الاهلي عشان حسابي وصار اللي ماحسبت حسابه ان نظام البنك عطلان ياولد وش هالبلشه طيب متى يفتح النظام قال يمكن بعد ساعه وش ساعته الله يقلعك انت ونظامك واسمع صوت النداء الاخير لرحلة كازا وتجيني ام الركب قمت سحبت 5000 الاف ريال وتوكلت على الله وصلت كازا وصرفت اللي معاي درهم وحاسبت السيارة ومشيت اموري باللي بقي وبعدها صرت اسحب من الصراف كل ثلاثه ايام لين هاليوم والحمدلله الامور طيبه صح يمكن مالي بالسهر والعصير والجرجير واعرف وين يروح كل درهم وعايش جوووي وانا مبسوط والحمدلله |
اقتباس:
|
المبلغ كافي لاهو زايد. لا هو ناقص
بدون تراه بدون سهرات برى |
اقتباس:
هذا الصحيح انا ما اخذ معي كاش الا مبلغ بسيط حتى لو فرق معي رسوم سحب في السفره الف ريال افضل من ان احمل معي كاش واصير معرض للسرقه |
اقتباس:
والاهم من هذا يكون عندك صرافتين عشان اذا تجربعت في وحدة يكون عندك الثانية موجودة وتقدر تحولها |
اقتباس:
لكن ايضاً السفر للمغرب موب مثل السفر لدبي طبعاً قلت كذا ابيه يكون تشبيه يوضح المقصد ولا اقصد الدولتين بعينها . 1- البعد 2-الكلافة 3-طبيعة البلد 4-النشاطات تفرق بين البلدين وهذا توضيح ووجهة نظر فقط لا تزعل علي بالاخير كل شخص يسوي الي يريحة |
استفسار مهم ؟
كلام اخوي تركي ١٠٠٪ صحيح وايضاً لا تنسى توزع المبلغ على اكثر من بطاقه وأكثر من بنك اذا كأن المبلغ اللي معك فوق ٨٠ الف درهم انصحك تفتح حساب في بنك الوفا كاش وتخلي فيه ٧٠٪ من المبلغ و
٢٠٪ في حسابك السعودي او حساب البطاقه الاتمانيه وتأكد من البنك انها راح تشتغل معك في المغرب و ١٠٪ خلها معك كاش علشان تخلص أمور دفعه أجار السياره أو مقدم للسكن هذا اجمالي ميزانيه السفره ولازم يكون فيه حسابك السعودي مبلغ للطوارئ بما لا يقل عن ٥٠٪ من اجمالي مبلغ السفره ولا يمس هذا المبلغ أبدا تستخدمه فقط في الحالات الطارئة جدا جدا |
من المشاكل اللي وقفت عليها شخصيا ان اثنين من الشباب كأنو متواجدين في كازا ثالث يوم لهم تعرضت شقتهم للسرقه وهم بالخارج وتم زرف جميع اموالهم وأغراضهم من ملابس وخلافه
تبهذلو بهذله مساكين لين مافزعولهم الشباب وشرولهم تذاكر ،،، نصيحه ابتعد عن حمل الكاش معك وسلامتك |
[emoji106]
|
اقتباس:
تكفيكم مناسبه جداً |
تكفيكم ولو تزيد المده يومين او ثلاثه يكون افضل
|
اقتباس:
هذي مشكله الشقق اللي بدون حراسه |
اقتباس:
البعض يقول يأخذ علي البنك خلال السفره 500 ريال كثير ماانت جالس تت...... بأكثر من ذلك كل ليله 2- كل واحد بيخرج ببطاقته اثنتين اقل شي أما العزبه ( القطه) تكون في بطاقه واحده فيزا شحن 100% ممتازه كل واحد منكم بشحنها اويودع فيها نصيبه من القطه ماعليه وتكون عند معالي وزير المالية اللي ممنوع احد يزعله أبد منها هي تضبط مصاريفكم وتعرفون كم لكم وعليكم وأين ذهبت الأموال بمجرد برنت حمانا الله واياكم شر الاشرار |
نعم يكفيكم المبلغ. والشباب ماقصرو بالنصائح.
سفره سعيدة .. |
فيدوني بالسكن إلا يسمح بالضيوف في شهر نوفمبر يكون رخيص مكون من غرفتين وصاله طبعا في مراكش ابي الأسعار وثانيا الدسكو طبعا ابغى آخر طاولة كم سعرها في هذا الوقت
|
فهودي ممكن يفيدك اكثر
عايش جوه ويدفع 700 ريال نصيحة محب انشد فهودي [emoji257][emoji257] |
...
|
تكفي ان شاء الله ولاكن مجرد رأي : * 7 ايام مع يوم الوصول ويوم العودة ؟ او 9 ايام بهما ؟ 28000 / 7 = 4000 ريال في اليوم ... فلتكن حسبتك على 21.000 ريال في اليوم 3000ريال = 7400 درهم تقريباً والباقي اما تضيفه وتغذي فيه بطاقتك الإئتمانية او يبقى في رصيدك المحلي وتسحب منه للطواريء وعند الحاجة " حتى لو رصيدك عامر " فقد تحتاجه لو ضبطت الظروف وفكرت تمدد المدة او تغير جو وتسهر خارج المنزل او اقلها تدلع نفسك وصاحبك بعشوة وسهرة رسمية 5 نجوم في فندق بطل"يمدحون السوفتيل" المسببات كثير والإغراءات أكثر الشاهد لا تعود نفسك ومن حولك بالإفراط والتساهيل لقصر المدة, فلن تقبل بغير ذلك او اقل منه في السفرات القادمة الأطول كونها الختة الأولى . بالتوفيق ورحلة سعيدة ان شاء الله |
| الساعة الآن 11:54 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط