|
اول مرة اسافر المغرب فزعتكم
السلام عليكم ومساء الخير لاعضاء المنتدى
الحقيقة هذه اول مشاركة لي بهذا المنتدى وأنا اول مرة مسافر للمغرب لوحدي وعندي استفسارات بخصوص ايجار السيارات سمعت ان مافيه تامين شامل للسيارة وثاني حاجة أنا ابي اروح لطنجة وش احسن الفنادق فيها والمطاعم وطريقة تحويل العملة وبس وبيض الله وجيهكم ???? |
خذ لك لفه ف المنتدى وبتحصل كل المعلومات ياباشا
|
متى رحلتك ع طنجه انا بعد رايح علي طنجه وسياره سهله راح تحصل كثير واسعار مختلفه تواصل معي اذا رحلتك الاسبوع الجاي
|
شف الاغلب كذا انا بالنسبه لي اتعامل مع اخونا الحبيب ابو محمد الحربي كار
ونسبه عنده ٩٥٪ يعني لو صار عليك لا قدر الله حادث والخطأ منك تتحمل ٥٪ يعني في المئة الف خمسه الاف |
متى يكون الجو مضبوط بطنجه
|
انا بروح وحداني وضايق صدري
ماودي اروح لحالي بس ربعي اللي كويسين مايقدرون مره هالفتره وشكلي بقدح واروح لحالي |
اقتباس:
اقدح بس |
ياخي كل ماجيت اقدح بعض الناس يضيقون صدري اللي يقول رجاجيلهم وصخين ويغلطون عليك بالشارع واللي يقول الشرطه بتقروشك وانت رايح وجاي
اول مره اروح لها بس عندي خلفيه ومن النوع اللي ابحث واقارن واسال واشوف وحذر جدا وحريص |
اقتباس:
المهم رتب امور سكنك والسيارة واحجز من ناس ثقات . بخصوص المرضى والناس الحاقده عليك بسبب جنسيتك هذا شي موجود ومحد يقدر ينكره ،فيهم اللي كرهه بالقلب ومايبين، وفيه اللي يتهجم عليك اذا حصل على فرصة، وهؤلاء نسبة قليلة لاتشكل واحد من الف ،هذا قدرنا فكل ذي نعمة محسود ،فالبعض يدخل السياسه في الرياضه في السياحه ويخلط عباس مع دباس وهذا نتيجة حقد وجهل. من وجهة نظري كلما ابتعدت عن السكن داخل الأحياء السكنية وتوجهت للفنادق او المجمعات السياحية فلن تجد هذه العينات . اما الشرطه فخلك نظامي ولاتركب معك احد من الجنس الناعم وهذا اسلم لك، وماحد يقدر ياخذ منك سنتيم وحتى لو وقفك وحاول يعطلك عطه اوراقك الرسميه وخلك هاديء وكلها دقيقتين ويمشيك ماله ممسك عليك وانتبه تعطيه شيء . |
تم الحجز وتوكلنا على الله يوم 29 يونيو الوصول
|
اقتباس:
انا اخطط اروح لحالي نبي تقريرك يابطل وموفق خير [emoji257] |
اذا انت بلحالك رح اغادير
|
اقتباس:
تذكره ولا سكن |
اقتباس:
ابشر بالتقرير ولكن للحين مالقينا السكن المناسب الروز قاردن كنت بحجز فيه ولكن من كثر الانتقادات فيه خليت اخر خيار فيما يخص مراكش بقضي فيها كم يوم وبعدين بقرر اتوجه لطنجة او اغادير |
انا مثلك حاجز الاربعاء الجاي بتاريخ ٢٦ ولحالي ولاول مره الله يستر بس????
|
استغرب من اللي اسمه سعد واللي اسمه ماس
والله ماله داعي كلامكم ولا فيه داعي للقلق . وش بيصير يعني تراكم رايحين سياحة والمغرب ابوها |
اتوقع والله اعلم ان كثير رايحين بنفس تاريخ 26 [emoji16]
بتكون لمه حلوه في رايي الشخصي مافيه شي يخوف دامك رجل عاقل وفاهم للي قاعد تسويه وماشي نظامي |
ابو تركي لك رساله ع الخاص
|
اقتباس:
أتفق |
ابو تركي امسح بعض رسائلك ف الخاص تجاوزت الحد المسموح.. عشان أراسلك
|
تذكره
|
اقتباس:
بصراحه قابلت كم واحد يقول جولف حلو وقريب من المقاهي وحتى الطيور ما تقولك بعيد ولا شي [emoji41][emoji106] |
اقتباس:
يابو تركي لك فتره لفت نظري ونت تبحث وتكتب ولحد الان مارسيت على بر لاسكن ولا غيره ربي يعاونك ❤️ والسبب ترددك وسماعك لتجارب الاعضاء اعقلها واتكل مافيه شي يجي بالساهل الزملاء الجدد على المغرب اقدر ترددهم وتوجسهم وحرصهم بس مو لها الدرجه ومو عيب تجرب ويطلع لك بعض التجارب المزعجه تتلافاها مستقبلاً وصدقني دامك ماشي صح وعدم مخالفة المرور والذوق العام بيحتاروا فيك . وكثر دراهمك ووزعها بين البطاقات والكاش ولا تحفظها بمكان واحد بحكم التجربه انا رايح الجمعه والمده اسبوع باذن الله |
اقتباس:
قلت له قبل بح بح شوي [emoji23] بس ماش |
اقتباس:
ياطيب اشكرك على كلامك الطيب اول شي انا حاجز تذاكري من شهر تقريبا او اكثر ثاني شي الناس اشكال والوان ومزاجات وانا شخص احب اتطمن الى اقصى حد لاني من النوع اللي ما احب اروح على عماها التخطيط حلو ثالث شي نيتي للسفر باذن الله لم تتغير ورحلتي بعد عليها فقط 5 ايام رابع شي ما اعتقد فيها شي لو سألت اكثر من مره وتأكدت والصراحة في المنتدى هنا لو حصرنا التجارب لوجدنا التحذيرات والسلبيات مالها حد واكثر من الايجابيات فيما يخص السكن لم اجد تجربه فعليه تقول هذا المكان اسكن فيه وانت متطمن وهذي مشكله وانا شخصيا ساذكر تجربتي باذن الله كرد جميل للي ردوا علينا من اعضاء ومشرفين وماقصروا معنا وفيما يخص النظام ما اعتقد ان فيه شخص عاقل وفاهم بيخالف الانظمة ويحط نفسه في مواقف لا يحسد عليها واتمنى لك ولنا سفره سعيده |
اقتباس:
ماضيعنا الا البحبحه [emoji38] |
اقتباس:
اسمحوا لي هنا سفره موفقه يارب الانظمه ياكثرهم الي مايعتبرون الا من عقوبه ولا العاقل مثل ماقلت انت بس احياناً البعض لما يكون ماجر الدور الثاني تحدث الطامه والاساءه عموماً التجارب ديال السكن بتتعبك وتخليك تحتاس مره فوق مره تحت وتجربتي تختلف عن تجربتك ومو دليل اني ماحصل لي عارض بالسكن انك بتلاقي الامور طيبه المساله توافيق ✌️ الله يوفقك بسفرتك وعلى طاري البحبحه تراها مطلوبه [emoji23][emoji108] |
طيب سؤال ودي اروح لا اغادير الافضل من كازا سياره او طيران
|
اقتباس:
اشوف السيارة مهمه في المغرب النترا او جيتا عشان ماتلفت النظر لك زي الرنج وطقتها المهم سيارة توديك وتجيبك وتكون باانتظارك بالمطار وتسلمها عند عودتك بالمطار ولا تنتظر تاكسي وين ماتبي مفتاحك بجيبك وعندك برنامج waze. افضل تطبيق للخرائط يعلمك بالسرعه ويدلك وين ماتبي وتقيد بالسرعه واربط الحزام واستمتع يااخي حتى طرقهم تفتح النفس ودك تقضي سفرتك كلها رايح جاي في طرقهم |
الله يبيض وجهك ي حاتمم
|
اقتباس:
منوار النخيل في مراكش اسكن فيه وانت متطمن |
انا رحلتي باذن الله ٩ ايام ووحداني اول يومين راح اخليها بكازا وبعدها يومين مراكش وبعدها ٤ ايام اغادير ثم العودة واول مره اروح وم اعرف شي صارحتا فكرما الي يعرف فنادق حلوه وتسمح بدخول الضيوف وامان بكازا ومراكش واغادير
|
والشباب الي رايح ب ٢٦ او حولها ويبي نتخاوى الله يحيه ونتشرف
|
ابو تركي الله يحفظه يذكرني بخوي لنا بالمنتدى الله يذكره بالخير اسمه ابراهيم العنزي .... من زود حرصه كان يسأل عن كل شي ويشارك بكل موضوع وصار يقيم السكن والتنقلات واماكن السهر وهو ماسافر لدرجة انه كان يعرف أماكن أكثر من الي سافروا :)
|
اقتباس:
اللي يبي المغرب وقلتها من قبل يبحبح شوي ولا يشد هذا هو الميزان الحقيقي |
اقتباس:
|
هلابك
اقتباس:
|
اقتباس:
هههههههههههه شبيتوا علي الله يسامحكم نتوقف عن الاسئلة والمشاركه حتى اشعاراً اخرى [emoji16] لي عودة بذكر تجربتي ان شاء الله بالتوفيق للجميع |
اقتباس:
الله يستر عليك يابو تركي وترجع بالسلامة ... دعابة ياسنه اولى مغرب :) لكن مانسامحك بالتقرير ... ننتظره موب تسحب على المنتدى الي ساعدك بالمعلومات . |
اقتباس:
ابشر بالتقرير عاد ببثركم من يوم احول الفلوس في العامودي بالسعودية حتى اركب الطياره واوصل حتى ارجع اول باول [emoji41] |
| الساعة الآن 04:53 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط