|
تعامل موظفي مطار محمد الخامس
السلام عليكم جميعا
رجعت من المغرب من يومين فقط ولله الحمد كانت رحلة ممتعة وجميلة. لي ملاحظة على موظفي المطار ... الجميع يطلب إكرامية بالدخول و عند المغادرة بشكل مزعج جدا لمجرد أنك سعودي يحاولون بشتى الطرق أن يحصلوا على شيء طبعا لم أستجب لاحد ( ما عطيتهم وجه) ولكن إسلوبهم كان منفر جدا وفيه إهانة كبيرة لشخصية الإنسان المغربي التي لا نرضاها عليهم والله . شاكرا لكم و بإنتظار تعليقاتكم |
كل المطارات الشرق اوسيطة فيها رش الا دول الخليج
وحيل الله اقوى |
اقتباس:
|
لا تلومونهم
خلك واقعي وحط نفسك مكانه ، فرضا المصري يجيك السعودية على فيزة سائق خاص عشان ما يدفع رسوم وتلقاه شغال عندنا بشهادة مزورة يا في مكتب هندسي او عقاري او مستوصف وخلال سنتين يكون له ثروة ما يحلم فيها اي شاب سعودي وكذلك جميع الجنسيات العربية والنقطة الثانية الدنيا صارت صغيرة ومكشوفة العسكري يشوف مقاطع السعوديين اللي يرشون فلوسهم في السهرات والهدايا اللي يجيبها معه الحولي وهو جاي للمغرب فتكونت في عقل الدرك وغيره أن الشاب السعودي يتمتع بقدر كبير من الغباءو يسبح في الفلوس (( الحل )) احد امرين تقاطع السياحة للدول العربية وهو سهل او تصير شخص لا مبالي واعصابك من ثلج وهذا صعب |
السلام عليكم
شاكر للجميع المساهمة بإثراء الموضوع ولكن يبقى المطار و العاملون فيه واجهة اي بلد السائح حينما يأتي محملا بلألاف الريالات الا لينفقها داخل البلد ولكن برغبته و بمحلها التي يراها السائح وليس بطرق ملتوية أو بالتحايل وشكرا |
عن نفسي ابرد من البارد هو الي لازم ينجز ويشتغل بعض الناس ياقروش بسرعه
أرسلت بواسطة iPhone بإستخدام مزاعيط المغرب |
لو تقرى اول موضوع لي ،، هنا في بدايات ٢٠١٣
اكثر ماكرهني بالمغرب مطار محمد الخامس ،. شفت اسوء من تعاملهم بس يمكن لأن من كثر ماسمع العالم تتغنى بجمال المغرب عشمت نفسي اكثر من اللازم ،، وانصدمت بأرض الواقع لكن مقارنة بالمطارات الثانيه اعتبره افضل السيئين،، عندك مثل مطار دمشق ومطار جاكرتا ومطار الملكة علياء ،، تكره السفرة بكبرها أرسلت بواسطة iPhone بإستخدام مزاعيط المغرب |
اقتباس:
لو تلاحظ العامل المشترك بين كل المطارات اللي ذكرتها إنها وجهة الشعب السعودي |
اقتباس:
للاسف صح لكن يحز بالنفس تشوف امريكيين و أوربيين ، يمرون موظفي الجوازات بدون مايعبرنهم حتى مايقولون ( Hi ) و امورهم ماشيه زي اللوز حنا نسلّم ونمسي أو نصبح عليهم وفوق ذا ماسلمنا شرهم ، ابتزاز عيني عينك Sent from my iPhone using مزاعيط المغرب |
مطار باكو سوو هاذي الحركة بس الناس اشتكو وادبوهم وحسنو من معاملتهم لان عند اخوانا العرب لا حياة لمن تنادي كثير اسمع عن الي راحو مصر صادهم مواقف في المطار
أرسلت بواسطة iPhone بإستخدام مزاعيط المغرب |
اقتباس:
|
اقتباس:
مساعد الرشيدي جعله في الجنة يقول لا تواضع للوضيع ويضيع قدرك |
حتي دوريات الشرطه لما يشوفو انك خليجي تبدا الافلام والتعقيد عشان تكرمه فما بالك لو شاف معك طير بالسياره تبدا الحفله بس مع الاوروبي يعاملهم بالجزمه ويهددهم بسفارته ، فعلا الشرطه بالمغرب محتاجه اعادة تاهيل بكيفية التعامل مع السياح وتوظيف الشرفاء مش الشفاره:teeth:
|
في المغرب لازم تكون بارد وحازم في نفس الوقت والا بتتعب وتعصب وتكره سفرتك |
يا جماعة الواحد لمن يكون نظامي محد يقدر يكلمه او يستفزه وموظف المطار ماله شي عندك فلا تتعب نفسك معاهم احسن حل انك تحط سماعاتك و لا تكلم احد ويفضل انك تكون عارف وين رايح انا الحمد لله عمرها ما سارت لي اي مشكلة في المطار لاني ما اعطي اي واحد وجه وموظف الجوازات غصبا عنه يختم الجواز وهو مغمض حتى لو حاول يستفزك زي انو يقولك غير اللغة او اي شي سوي اللي يبغاه ولا تزود اي كلمة من عندك قلك هدية اخويا سوي عليه مجنون واذا تبغي تعطي احد اعطيه بمزاجك لا تخلي احد يعكر عليك وتعطيه عشان تنفك منه
|
اقتباس:
لا علاقة بين اللي تقوله وبين تعاملهم في مطارتهم ، الاجنبي اللي يجي الخليج بشهادة مزورة على كلامك ويصير غني في فترة بسيطة بكل تأكيد بطرق غير نظامية ولا قانونية والأمثلة كثيرة ولا خرب بلادنا إلا هااا الاجانب الله يفكنا منهم اللي يشتغل منهم بذمة وضمير ما يوصل بسهولة والا كانت الامور سهلة للخليجيين ، العقار والمقاولات 99% من اللي فيه شغالين غشاشين ونصابين ورافعين الاسعار اضعاف مضاعفة سواء الخليجي او الاجنبي ، كذلك في تجارة التجزئة نفس الوضع تستر واضح وكلنا عارفين ما يحتاج اتكلم ، ثم المقاطعة مو حل هذا احنا الاغلب منا ما سافر للمغرب حوالي 16 شهر بسبب كورونا هل تغير شي ؟ بالتاكيد لا ! ، الرشوة داء متأصل فيهم واللي يداوم بالمطارات تأكد مليون% انه فاسد قذر وضمن فريق كامل من الفاسدين المرتشين والا ما وصل لمكانه ، نجي للنقطة الثانية وهي التصوير في وسائل التواصل الاجتماعي للسهرات فيا عزيزي بلادهم دخل الدعارة فيها ضخم ورئيسي فلا يلعب عليكم احد بهااا الدول بدور الشرف والاخلاق والفضيلة ، والا الامور سهلة ولا هي محتاجة غير تقفيل بؤر الدعارة وعدم تسهيلها ، الابتزاز في المغرب علينا وعلى غيرنا ما عدا القليل من الجنسيات المغربي والمغربية قبل الخليجي والعربي متضايقين من مسألة الرشوة ، حتى الاوروبي الشرطة المغربية تتعامل معهم بحذر شديد وله طريقة خاصة بالتعامل معه تبدأ بجس النبض ثم من بعدها يقرر يطلب رشوة أو لا . زبدة الكلام التعامل معهم بدم بارد . |
| الساعة الآن 03:16 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط