|
الروز قاردن. ....تجربه 10/6
السلام عليكم ورحمة الله وبركاته
بعد قضاء 15 يوم بمراكش في الروز قاردن راح اعطيكم تجربتي في السكن معا العلم أول مره اروح مراكش دايم أروح أغادير حجزنا 7 أيام بالروز وتم تحويل مبلغ ليلتين وصلنا الروز قالوا لازم تدفعوا حق الأيام الباقيه قلنا يمكن ما يعجبنى قالوا راح يعجبكم دفعنا حق يومين لأن كنا بنروح 8 أيام اغادير عطونا فله 3 غرف لثلاث أشخاص رقم الفله 511 قدام الجاكوزي يعني أعطيها 6/10 الجو حلو بمراكش قررنا نخلي الرحله كامل بمراكش تعامل الاستقبال وخاصه سناء وسلمى و خالد ممتاز عبدالرحيم زيرو السكرتيه اغلبيتهم ممتاز ومايطلبون بخشيش نهائيا النظافة غير جيده لازم تقعد تتصل وتأخذ لك أربع أو خمس ساعات لين يجوك وبعض الأيام يسحبون عليك الطباخه ممتازه ممتازه ممتازه حفيظ اللي في البار ممتاز زكريا اللي في الكباري زيروووو زيروووو وبعطيكم السبب العمال حق تشيك أوت وخاصة العجوز زيروووو معا مرتبة الشرف اقعدوا عندها لين تخلص وبعطيكم السبب اليوم 9 راجعين من السهره تفاجنا بمنع الضيوف من الدخول بسبب وفاة سعودي في الروز وبوجود الدرك نمنا وصحينا والوضع ماتغيير قالوا بعد السهره بيتغير الوضع جبنى ضيوفنا تفاجنا انهم يأخذون 200 درهم ع كل ضيف يعني ثلاث 600 درهم كثير وعطونا ورقه 200 درهم مدتها يوم واحد تطلب فيها طلبنا فطور 340 درهم قيمته كل طلب يأخذون ورقه 200 يعني نصب اللي حط النظام هذا زكريا طبعا الأغلبية العاملين رافضين النظام تخيل تقعد 10 أيام 3 أشخاص كل يوم 600 درهم يعني 3000درهم اليوم الثاني نفس الكلام دخلت عند زكريا وتخاصمت معاه وفيه شباب كثير رافضين بس ما باليد حيله استمر هذا النظام 3 أيام دقيت ع أبو آدم مارد علي تجي تطلب من البار أو المطعم مايشلون الورقه منك يقولون ادفع كاش زكريا لو خل هذا النظام مشكلة المهم اليوم 15 عشر حاسبناهم في اللي باقي واخذنا الايصال عشان يكون الشيك أوت سريع ومانتأخر جات العجوز وقفت معاه الفله زي ما استلمناها رجعناها قالت خلاص روحوا بكلم الاستقبال رحنا حصلنا عبدالرحيم قال فيه القزاز حق الفله اللي برا مكسور؟ ؟؟ فيه قطع مو كسر هذا من أول ما سكنا واضح قطع حق تركيب الزجاج قال لازم تدفعوا رفضنا رحنا ودورنا للعجوز اختفت عن الأنظار طبعا هم يعرفون عندنا رحله قال عبدالرحيم حقه 1000 درهم بس عشانكم 500 قعدنا 3 ساعات آخر شي عطيناهم عشان نأخذ الجوازات ومشينى نصيحه قبل تدخل الفله شيك ع كل شي الفرش اذا محروق أو اي شي مكسور عطهم خبر عليه الفله رقمها 511 اللي بيسكن يوريهم القزاز اللي برا وآخر شي ماراح نسكن الروز بعد هاذي نهائيا والله يوفق الجميع. ... |
انا معك بنفس الرحله وغرمنا ١٠٠٠ درهم حق الكنبه الي بالصاله رقم الفله ٣٦١ اقسم بالله العظيم
|
وأبو آدم وينه عن التجارب هذي يجب ان يطّلع عليها هذي سمعه
ولازم نسمع منه نشوف وش مبرراته |
اقتباس:
الله يعين |
اقتباس:
دقيت عليه مارد على أي اتصال |
اقتباس:
والله العظيم واتمنى اني مااظلمهم حتى سعر الفله ماعطاني نفس سعر المزاعيط عطاني اعلا سعر الي هو غرفتين وصاله ٢٦٠٠درهم |
بعدين هاذا سكن
اذا كان يبي يغرم الأشخاص ياليت يسوي لها صيانه ونظافة وتغيير بالديكور لأن الصور اللي حاطينها مو حديثه صور اول مافتح الروز شكلها |
اقتباس:
انا كان حاسبها 3700 درهم ثلاث غرف قلت انا مم المنتدى خصم 200 درهم 3500 درهم بس ماتستاهل |
ياخوان ليش ماسجلتو حجزكم رسمياً بالمنتدئ بحكم انه المعلن والوسيط
ثم تقدمون شكوى للاداره يرجعون حقكم او يحطون الروز بالبلاك لست ياشباب خلوكم نظاميين علشان ما احد يلقى عليكم درب والله ماقلت هالكلام الا ابي مصلحتكم وابي نتعاون جميعاً نحط حد لهالاشكال اللي يبتزون اخوانا |
و الله اني مستغرب من الروز قاردن
انا من رواده ماشفت منهم إلا كل خير وآخر مره قبل شهرين إلا إذا تغيرو على العموم انت في المغرب لا تستغرب و الإدارة وينهم ولا أعلن و ادفع وبس |
| الساعة الآن 06:15 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط