مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   الاستراحه (https://www.mza3et.com/morocco17/)
-   -   الموقف اللي جر حزن الطواريق . . لو مايسلي خاطري مابديته (https://www.mza3et.com/morocco10624.html)

غيث 2012-03-29 09:32 PM

الموقف اللي جر حزن الطواريق . . لو مايسلي خاطري مابديته
 





الموقف اللي جر حـزن الطواريـق


لـو مايسلـي خاطـري مابديـتـه


طعنه ولكن طعنةٍ(ن) فـي المعاليـق


ماهوب جرح(ن) لاسمرنـي كويتـه


من أول اضحك لو على خاطري ضيق


واليوم ضاق الصـدر واهتـز بيتـه


حصاه طاحت من حصى قمة طويـق


من بعدهـا رجـم الغـلا مارقيتـه


انام من طول السهر وأرجـع افيـق


واجمع خواطر ليلـي اللـي سريتـه


أبيات فيها مـن قصيـد العشاشيـق


وابلغ منه واصدق من اللـي قريتـه


انفسروها قلـت مـن غيـر تعليـق


وان بينـت لـي بـن عـم ونخيتـه


ملفـاي مقـدام الوجيـه المطاليـق


اللي ليـا مـن دبـر الوقـت جيتـه


ماهوب ملفق حولي الهـرج تلفيـق


فـي لازمـي لارحـت يمـه لقيتـه


من لابت(ن) مثل الجبال الشواهيـق


وعلى الظروف اعزومها مستميتـه


ربعي مضاميـن العهـد والمواثيـق


وان طمع جار البيت في جـار بيتـه


حققت شيء وشيء يحتـاج تحقيـق


حلم(ن) بقالـي حـي لـو ماخذيتـه


إن قالهـا الله واليـالـي توافـيـق


لا اقطع ضرم نفسي ولـو مارويتـه


ماهو ضرم فنجال دلـه مـع بريـق


ضرم وصـال اللـي لعلـه ياليتـه


تسمح له ضروف الزمان اللواحيـق


اللـي تناسينـي وانـا مانسيـتـه


فوق الخطر دون الوصل نشفت الريق


وحبل اللقـاء لـو ماربعتـه ثنيتـه


البعد شلفى ذيـاب سـم الصناديـق


والقرب يرفى جـرح لـو ماهتنيتـه


مخلوق لكـن دون كـل المخاليـق


حتـى عقالـي دون حزنـه رميتـه


موقف حزيـن وبددتهـا الطواريـق


وانـا وقفـت بموقفـي واحتميـتـه

ابو تركي 2012 2012-04-04 04:31 AM

رد: الموقف اللي جر حزن الطواريق . . لو مايسلي خاطري مابديته
 
** صح لسانك **

غيث 2012-04-05 10:52 AM

رد: الموقف اللي جر حزن الطواريق . . لو مايسلي خاطري مابديته
 
مرورك ابوتركي شرفني وعطر موضوعي

شرقاوي 511 2012-04-05 04:24 PM

رد: الموقف اللي جر حزن الطواريق . . لو مايسلي خاطري مابديته
 
محمد مريبد شاعر رائع وكاتب الموضوع اكثر من رائع

غيث 2012-04-05 04:31 PM

رد: الموقف اللي جر حزن الطواريق . . لو مايسلي خاطري مابديته
 
مشكور اخوي شرقاوي 511 على الاطراء الجميل وهذا من ذوقك


اسعدني مرورك ...


الساعة الآن 11:09 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.