قالو المغرب قلت وش تكون من ديرة
السلام عليكم جميعا اعضاء المنتدى الرائع انا ناوي اطلع المغرب انا وواحد من الربع لمدة 9 ليالي وهي اول سفره للمغرب وانا بطبعي ما اروح مكان الا وانا قايس الاسعار والصرف زين عشان الواحد مايتوهق هناك يعني امشي على برنامج اسويه من قبل لا اطلع واريح مخي هناك والنيه بتكون موزعه على اغادير ومراكش لفلفت المنتدى لين دخت ولقيت ان متوسط السكن لغرفتين وصاله بيطلع بحدود 1200 درهم (550 ريال تقريبا)وهذا شي حلو وسعر ممتاز التنقلات بحدود 200 (100 ريال تقريبا )درهم الاكل والشرب معنا العزبه وين مانروح وتكميلاتها بحدود 900 (40 ريال تقريبا )درهم السهرات الطاوله متوسط 1500 درهم (700 ريال تقريبا )وبدون طاوله الدخول متوسط 150 (70 ريال تقريبا )درهم ويقولي عن الاسعار لقيتها الدبل عن الي يقولوه الشباب هنا !!! وش رايكم يالربع نسمع ان المغرب غالي وغالي ومدري ايش لكن الي اشوفه هنا من اسعار انها مناسبه ومافيها هذاك الغلا الزايد لو بنقارنها بمصر مثلا الماريوت جناح غرفه وحده ماخذها بحدود 1400 ريال قبل شهرين الاكل والشرب العزبه وصح هي اقل من المغرب والتنقلات سيارة يوم كامل 150 ريال مع البنزين السهرات الطاولة لثلاث اشخاص بتاخذها بحدود 700 ريال يعني مافي فرق وحسب الي اشوفه واقراه هنا ان السكن وهو اهم شي اقل بكثير والسهرات مافي فرق يذكر المغرب تقدر تدخل بدون طاوله طيب جينا الواقع هذا يقولي شي خرافي للاسعار والله احترت شوركم يالربع |
رد: قالو المغرب قلت وش تكون من ديرة
حسبتك تقريباً مضبوطه .. هذي المغرب وهذي اسعارها ..
رحله موفقه مقدماً .. أو بحسبه ثانيه من 1300 إلى 1500 ريال مصروف الشخص يومياً .. وأبعدوا عن شغل الهياط والتبذير الي ماله سنع .. |
رد: قالو المغرب قلت وش تكون من ديرة
اقتباس:
طيب اذا حسبتي مضبوطه تقريبا تعال نحسبها انا وانت 4950 ريال سكن 900 تنقلات 500 مستلزمات الاكل والشرب للبيت السهرات بتكون بالطريقه هذي اربع ليالي في النايت واربع في السكن اربع سهرات برا 2800 اربع سهرات داخليه (متعوب عليها ) 4000 مستلزمات السهر في السكن 2000 مجموع 15000 تقريبا طيب للحين ماكسرنا حاجز الـ 1000 للشخص الواحد يعني 7500 برضه محتاج توضيح اكثر شباب اعذورني على قروشتكم بس محتاج فزعتكم |
رد: قالو المغرب قلت وش تكون من ديرة
طيب وين المشكله .. حسبتك تمام .. للسكن إذا كان اليوم بـ 1200 درهم ..
التنقلات على حسب بالنهار على العداد وبالليل سعرهم ثابت 100 درهم للمشوار .. ولو إني نادر اتعامل مع التكاسي .. الأكل والشرب 1000 ريال تكفيكم إذا كان زي ماتقول معكم عزبتكم وهاوين طبخ .. بالنسبه للسهر حسبتك تمام .. إذا انت متأكد انك بتسهر 4 أيام بس ..!! لا تنسى عندك طلعة العصر والتمشي والجلسة بالكوفيات .. تقريباً مصروفكم يومياً فيها 250 درهم .. الأمور الاخرى تعتمد عليكم وحسن تصرفكم بالأمور .. وزي ماقلت لك بحسبه ثانيه من 1300 إلى 1500 ريال باليوم للشخص الواحد شامله كل شيء .. أما المصاريف الشخصيه كل واحد يتحمل صرفه .. |
رد: قالو المغرب قلت وش تكون من ديرة
مرحبا يا غالي
المغرب ليست غالية ابتعد عن أهم حاجة وانت بخير 1- السهر في المراقص اسعار السكن من 800 الى 1500 درهم المواصلات سيارة مع سائق السعر المتوسط 600 الاكل وال**** الوجبات الثلاث 600 سعر متوسط نفرض سكنت بي 1200 + سيارة 600 + الاكل 600 المجموع 2400 درهم اي ما يعادل 1200 ريال في اليوم وسلامتك |
رد: قالو المغرب قلت وش تكون من ديرة
اقتباس:
بخصوص المواصلات انا لي مزاج غريب شوي فيه البلد الي اول مره ازوره اطقها تكاسي كل شوي مع واحد والسبب اني اعرف البلد زين من خلال السوالف وطقة الحنك مع السواقين وهم اكثر ناس بيعرفو البلد اخذ من روسهم كل الي ابيه وكل واحد بيعطيني كلام وباخر الرحله اكون كونت انطباع متكامل من خلال ماشفت وسمعت لكن لو كنت مع سايق واحد من اوصل لين ارجع الكلام نفسه الاسلوب واحد صح اني برتاح من التكاسي لكن انا لي هواية فيها ومشكور مره ثانية اخوي اهنجار |
رد: قالو المغرب قلت وش تكون من ديرة
** عزيزي حسبتك لك عليها لان السكن في اقادير يختلف سعره عن مراكش ,,,,,
** وبما انك راعي سهر يعني معك ربعن غير خويك حطها بالحسبان ,,,, * والاكل والشرب احسب حساب ضيوفك بعد ,,,,,, *** يعني يبيلك سكن + سهرات 4 + اكل 9 ايام + موصلات + نذريات = ؟؟؟ |
رد: قالو المغرب قلت وش تكون من ديرة
اقتباس:
طيب بكم القى شقة في اغادير غرفتين كمتوسط ؟ |
يالغالي ترا حسبتي لك على مراكش .. لأني ما انتبهت إنك ناوي تزور أغادير ..
أغادير اعمل حسابك على 2000 ريال باليوم للشخص إذا انت راعي وناسه وسهر .. ----------- اقتباس:
أو عندك الفنادق كل واحد ياخذ غرفه لحاله .. وهذا رابط أطلس مارينا .. https://www.mza3et.com/morocco9249.html |
رد: قالو المغرب قلت وش تكون من ديرة
** العين ما تعلا على الحاجب **
* رد عليك بالسكن بالمارينا اذا تبي راحت راسك بكل شي والعرض عند اخونا / محمد عاطي ,,, ** وسكنت بالمارينا وغيري من المزاعيط بعدي الشهرين اللي طافو والامور سهالات ,,,,, |
الساعة الآن 10:30 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط