|
ارجوك لا تجرح
يا عازف اوتار الهوى عزفكم شي
تطرب له اسماع القلوب الحيارى ارجوك لا تجرح وانا خافقي عي انا دخيل الناعسات الحوارى تعبت في درب الهوى رايح وجي الهم وايامي بنفس المسارى تحرقني الرمضا وانا اطارد المي اثره سراب اليا لحقته توارى الايام تطويني بدوراتها طي يومي هجير وطال ليل السهارى لي جادل ٍ ماقد نهج منهج الغي اقفى وانا عيني تهل العبارى في غيبته لا ني بميت ولا حي سبة جروح ٍ بالضماير تبارى في الزين ما مثله ولا زيه الزي متفرد ٍ بالحسن سيد العذارى طبعه خجول وصادق الحب وافي والطيب له في كل موقف شعارى لو بعتذر عن حبه العذر واهي وان قلت بنساه المشاعر تمارى اشتاق له شوق المحابيس للضي واحن له حن القلوب الفطارى ترف ٍ على ما راد يامر وينهي يخطي على قلبي بدون اعتذارى الي متى بصبر على البعد وارجي ؟ ما عاد لي بالصبر زود اقتدارى اما معه تسعد حظوظي وتصفي والا بلاش من الحظوظ الفقارى انا ادري ان الحظ طايح ومعمي ما عمر هذا الحظ جاب انتصارى كلمات/ المتوكل على الله الشاعر/ عبدالله الشهري .. |
رد: ارجوك لا تجرح
تحرقني الرمضا وانا اطارد المي
اثره سراب اليا لحقته توارى ** صح لسانك ** * ونعم فيك وبلبتك * |
رد: ارجوك لا تجرح
صح بدنك اخوي ابو تركي
وما عليك زود ياغالي شكرا على كرم مرورك بمتصفحي واطلاعك احترامي وتقديري لكـ .. |
| الساعة الآن 08:41 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط