شعر شعبي ساخر .... منقول
 

الورق فيييه !!! وفيييه
إلا كان عندك شجر أخضر , بالماء يا خويا سقيه
و تهلى فيه بالزبير , راه ثمرو بزايد انت تديه
وكل غصن من غصانو ,كيف بغيت, تلعب بيه
إلا معوج تسرحو , والمسرح من الأحسن تخليه


واش ما فكرتي أخوي علاش بيدك تتحكم فيه
الجواب ساهل و إلا تسمع لي نقول ليك عليه

عامر بالما خويا , والما يدل على الحياة للي فيه
والحي بكلمة يفهم , والميت وخا تبات تعصي فيه
والعود اليابس لاش يصلاح ؟غير النار تكدى فيه
أو الطحين فالطاحونة , أو شي منشار يدوز فيه
من المنشار لكرسي , الشتا و البرد يدوز عليه
و للي مشى للطاحونة , تصنع منو ورق نكتبو عليه
الورق حتى هو خوي ,
ما تنساش , راه فيه وفيه
للي الماكلة بيه تتغلف , وللي الجزار ما يتخلى عليه
وللي عند الميكانيك , وللي توسخات إيدّو يمسح بيه
ومزلوط الوراق هو للي فالحمام - ناري واش طاري ليه
واحد ياكل البيصارة فالمطعم , وجاااااالس ويفكر فيه
خاصو غير يوصل للدار , قبل ما يسلم يدوز ليه

شحال من عذاب مستحمل , ولا واحد دّاها فيه
الورق النقي , يكتبو عليه التاريخ , وما يزيد عليه
وورق الحمام ؟! تقول واحد لعن الشيطان و فكر فيه
غير للي عندو مع المعدة مشكل , ما تبان ليه غير فيه

كون عود طري خوي , والمعقول عوّل عليه
ولا يبستي وصلاب عودك ,صداعك لا حد يقبل عليه
واش الطاحونة معاها المزاح ؟ ما تقول غير شهدو عليه
وورق الحمام آش وصلو للعذاب ؟ غير الصلابة للي فيه

رد: شعر شعبي ساخر .... منقول
 

يسلمووووووووووووووووووووو وووو