. يا اللي قلبي يهواك
ولساني يهتف بيك
ربي تكرم واعطاك
و نزل السر عليك
لبها يبايع لبهاك
ولمحاسن ترقص ليك
و من شافك يتمناك
و يهيم بهيامو فيك .

. باب رياضك مفتوح
زهو ونزاها للعين
باهية وصدرك مشروح
و الصلا على زين الزين
بهواك الوارع يبوح
و اللي هواك يهرب لين
تطلبي لفداك الروح
و ما غالية على مسكين .

. لجراحي انت ترياق
و لجوارح ليك تشير
ف بعدك ما نطيق فراق
ف قربك نفرح و نطير
و نغني ف الآفاق
ما تسمعو غير الخير
حب واحد ف الأعماق
حب مراكش لا غير .