مزاعيط المغرب - السفر الى المغرب - تقرير رحلتي الى اغاديــــر 27 ابريل الى 10 مايو

بسم الله الرحمن الرحيم

شكر خاص الى الاخ محمد عاطي ولاخ البشوش علوووووووووووش

أولاً/ الخطوط الناقله الخطوط السعودية جده ـــ كـــــازا على الدرجه الاولى
سعر التذكره 4888 ريال ذهاب واياب
ثانياً/ الميزانيه 30000 ثلاثون الف ريال سعودي كاش 10000 الاف ريال والباقي 20000 الف ربال بطاقة صراف
ثالثاً/ مدة الرحله 13 يوم
كانت رحلتي يوم الجمعه 27 ابريل الساعه 12.30 مساء انطلقت في تمام الساعه العاشره صباحاً الى مطار جده طبعاً عند وصولي شحنت الحقائب وسحبت البوردنق وتوجهت الى صالة الفرسان الموجوده بالمطار طبعا انا مسافر لوحدي دخلت صالة الفرسان وجلست انتظر وانا اتجول في صالة الفرسان وطالع ولا هذا صديق عزيز على قلبي موجود معنا طبعاً سلمت عليه وجلست معه سألته على وين يابو ناصر قال مسافر على المغرب اغادير وقال انت على وين مسافر قلت على اغادير جلس يضحك قلت وشفيك تضحك قال بالله وين مسافر قلت والله على اغادير طبعاً ابو ناصر صديق عزيز على قلبي يمكن من فتره طويله ماشفته بسب كثرة اعماله عموماً جلسنا نسولف مع بعض قال انت وين حاجز قلت والله حاجز في المارينا قال انا حاجز في اماديل طبعاً اخذتنا السواليف انا وبو ناصر وجات الساعه 11.45 وراهم يعلنون عن عن رحلتنا طلعنا انا وبو ناصر وتوجهنا الى الطائره وايضاً سبحان الله طلع مقعد ابو ناصر بجوار مقعدي في الدرجه الاولى .
اقلت الطائره 12.35م ووصلت بحفظ الله ورعاية في مطار محمد الخامس في كازا الساعة 4 عصراً بتوقيت المغرب اي الساعه 7 بتوقيت السعودية طبعاً لقينا زحمة في المطار عند الجوازات اخوي ابو ناصر طبعاً دبرنا بطريقته الخاصه وختمنا بسرعه علشان نلحق على رحلتنا من كازا الى اغادير وكان موعدها الساعه 6 مساء على الخطوط الملكيه المغربية ولكن للاسف تأخرت الطائره حتى الساعه 9.30م بتوقيت المغرب قلبنها سواليف انا وبو نااااصر مع:girl_hug: هههههههههه ماشاء الله على ابو ناصر يرطن مغربي عموماً الانتظار صعب لكـــن مرته بسرعه والحمد الله أقلعت الطائره 9.30 وصلنا الى مطار اغادير الساعه 10.20 طبعا ابو ناصر راح لسير استلام الحقائب لكن للاسف محصل حقائبه دورنا دورنا مالقينها والسبب انه شاحنها من جدة الى اغادير دايركت وتأخرت في كازاء عموما رحنا لحقين الحقائب المفقوده وبلغناهم واخذوا رقم ابو ناصر وقالوا نتصل عليك..... شوي وحنا واقفين عندهم ولا هذا العسكري من الدرك واقف معنا قال سلامات ياشباب وش فيكم قال ابو ناصر حقائبي ماجات قال العسكري ساعه واجيبها لك هات رقمها قلت انا كيف وشلون؟؟؟؟
قال دقيقه قام وطلع جواله وكلم على واحد من زملائه واعطاه ارقام الحقايب وجلس يرطن معه يمكن خمس دقائق قفل وقال بعد ساعه تجي على الرحله الي بعد هاذي لكن روحوا وانا ارسلها لكم وهات جوالك وعنوان سكنك فعلاً طلعنا وكان في اسقبالنا السواق حسن رجل طيب وامين وابن حلال وطبعاً دلني عليه اخونا علووووووش الله يعطيه العافيه ديالنا مش ديال المغرب ههههههههههطبعــــــــــاً فاااااصل ثم نواصل تحياتي