مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   الاستراحه (https://www.mza3et.com/morocco17/)
-   -   هذه انا مغربية مغتربة (https://www.mza3et.com/morocco13412.html)

مغربية مغتربة 2012-07-02 03:38 PM

هذه انا مغربية مغتربة
 
حصري على منتديات مزاعيط ههههههههههه
من كتاباتي وتعريف قليلا عن نفسي
ياليت تنال عن اعجابكم والى ماعجباتكم عادي غي ماتقولوها ليا ههههههه

هذه أنا المغربية
نعم انا هي انا وغنبقى انا
مانسمح لحد يلعب بيا ولا يستهزئ بيا
ومانسمح يسيئ لا ختي
وغنضيف ايضا للتعريف بنفسي شكون انا
العزة دالنفس كتحكمني **
واللون الاسود سيد الالوان
الحياة لا تخلو من الصعاب ! ولكن تعلمت مانترك يداي المجاديف في مساء عاصف..
تعلمت عند الاشجار صبرها وتماسكها رغم قوة العواصف احيانا فهي ماكتكسرش
الذاكرة ديالي كنظن انها سليمة مافيها والو! بالرغم انها سريعة النسيان ولكن كتحتفظ ديما بالي ذكرني وجلس حدايا فالحظة اضعف ديالي ..
انا اجتماعية كنبغي الاصدقاء ومنهم الي كان وفي حتى لهاد الوقت
وفيهم ايضا لي مايعرفني الا وقت المصلحة ..
وفيهم تا لي بغى صداقتي باش يتباهى بها
ولكن تعلمت انو ملي يغدر بي شي صديق نبتسم حيت ضاف لي درس جديد نتعلمو
وفنفس الوقت كنحس بالحزن الصامت حيت خسرني وخسر محبتي وثقتي به
انا بحال النهر ماكينقطعش العطاء ديالو ابدا
وبحال البحر لي بغى يرمي فيه الاحزان ديالو
عزيز عليا نسمع لمشاكل ديال الناس ونواسيهم وننصحهم بالي نقدر عليه
ومن ديما معروف عليا كنز الاسرار بين صديقاتي
وانا بحال الصندوق مسدود بالساروت
والساروت رماوه باعماق المحيط مايقدر حد يلقاه
هذي هي انا ماكنخاف من الموت
ولكن كنخاف من فراق الاحبة
وفيه احبة اجبرتهم الظروف عن الابتعاد ومازلت ليومنا هذا اتذكرهم
نراجع شريط الذكرايات معهم
اضحك ملي نتفكر اللحظات لي دوزتها معهم
ونبكي ملي نرجع للواقع ونعرف انهم مشاو بلا رجعة

ديما كنضحك وانا كنضحك غي باش نخفي دموعي وحزني
اه كنضحك باش مايحس تا واحد بداكشي لي كاين فالداخل ديالي
وباش مايبان داك الآلم لي فقلبي
تيقولو عني حمقة هبيلة مكلخة ..
كنثيق فكلشي اي واحد قال لي شي حاجة كنثيقها
وتيقولو عني قوية وهناك الي يلقبني بالمرأة الحديدية
ولكن ماعارفين اني اضعف مخلوقة فهاد الدنيا
منين غتجيني القوة؟ انا ماتيبان ليا غي الضعف
حيت مانحمل حد يشوف دمعتي وخا يوصل بيا الآلم اعلى الدرجات
كنحاول نبين ديما ضحكتي ونخرج سناني برا
ولكن ملي نكون بوحدي كنبكي نبكي تا نطلع كلللشي داك البركان لي فالداخل

انا عزيز عليا المزاح بزاف كنضحك مع صحباتي ومع اقاريبي
حيت الكل كيفرح الى كنت في مجمع
هذي هي انا
عزيز عليا الشعر الامازيغي وكنشعر شعر امازيغي فالاعراس والمناسبات
شعر الحب شعر الفراق وشعر آلاحساس بالظلم
بالشعر كنعبر بداكشي لي كنحس به
كنخرج كلشي عن طريق الشعر
وبلا مايحس حد بتجريح ولا والو

كاع البنات وتا العيالات الكبار عزيز عليهم يجتمعو حولي فالمناسبات باش يسمعوني اش كنقول
وعزيز عليا شعر عن الام والاخوة حيت انا بعيدة عليهم بزاف
الناس كيعاونوني فالشعر وكيفرحو ظنا منهم اني كنغني بقلب فارح
ولكن انا كلي آآآآالم وحزن كيظنو ان الطيير يرقص من فرحا ولكن لا كيرقص من شدة الالم
هذه هي انا مغربية مغتربة
نتمنى تعجبكم كتاباتي : (233):

مهاجر999 2012-07-02 04:06 PM

رد: هذه انا مغربية مغتربة
 
عزيزة وغالية يامغربية مغتربة

ماشاء الله عليك انتي احسن ناااس : (465):هههههههه

وخووش تعريف ابدعتي والله يابنت المغرب الحبيب

تقبلي تحياتي الحااااارة

: (486):: (486):: (486):: (486):: (486):


https://www.mza3et.com/up/uploads/im...4067617bdf.gif

Nadosh 2012-07-02 04:19 PM

رد: هذه انا مغربية مغتربة
 
كلماتك آترت فيا
وبعض الكلمات كتبتيها حسيتك انك تتوجهيها ليا
خصوصا الضحكه واخفاء الالم

الله يسعدك ياربي ويعطيك ماتمنيتي ياربي
انتي انسانه تبارك لله عليك ونعم الصديقه

وانتي كيف الذهب الى شراك رابح والى باعك خاسر

وأفتخر تكوني صديقه ليا : (155):

سلاوية الخاطر 2012-07-02 05:47 PM

رد: هذه انا مغربية مغتربة
 
ويتكــ على الناس ديال الحصريات
ما عندي ما نقول عليكــ ميموو , بنتـ بلادي تبارك الله عليك القلب الطيب
والله يبعد عنك الحزن والالـم ,
وتبقاي كيف ولفناك ناشطة منشطة مروناها ,
اللي ما عجباتو كتابتك يمشي يكوي فبويا عومار ههه

ربـي يسعدك مغربيـــة



مغربية مغتربة 2012-07-02 06:52 PM

رد: هذه انا مغربية مغتربة
 
اقتباس:

المشاركة الأصلية كتبت بواسطة مهاجر999 (المشاركة 201867)
عزيزة وغالية يامغربية مغتربة

ماشاء الله عليك انتي احسن ناااس : (465):هههههههه

وخووش تعريف ابدعتي والله يابنت المغرب الحبيب

تقبلي تحياتي الحااااارة

: (486):: (486):: (486):: (486):: (486):


https://www.mza3et.com/up/uploads/im...4067617bdf.gif

اخي الطيب مهاجر تعرف ان ردك ديما كيفرحني؟
والله كل ماشفت اسم مهاجر في صفحتي اشعر بالسعادة
شكرا لك بزآآآف اخويا على هاد الكلمات
وربي يخلي ليك كل عزيز وغالي يا طيب
وحتى ان كنت احسن الناس فتبقون انتم دائما الافضل اكيد
والابداع انتم عنوانه انا فقط نقطة في بحركم
شاكرة لك مرورك الزوين وتشجيعاتك يا كبير

مغربية مغتربة 2012-07-02 06:58 PM

رد: هذه انا مغربية مغتربة
 
اقتباس:

المشاركة الأصلية كتبت بواسطة كازاوية لندنية (المشاركة 201872)
كلماتك آترت فيا
وبعض الكلمات كتبتيها حسيتك انك تتوجهيها ليا
خصوصا الضحكه واخفاء الالم

الله يسعدك ياربي ويعطيك ماتمنيتي ياربي
انتي انسانه تبارك لله عليك ونعم الصديقه

وانتي كيف الذهب الى شراك رابح والى باعك خاسر

وأفتخر تكوني صديقه ليا : (155):

نادوش حبيبة المسطية ديالي
اجي نعنقك الحبيبة وسمحي لي الزين الى فكرتك باحزانك هذه سنة الحياة الحبيبة
ومن ديما ماما كتقول ليا راه ربي تيبغيك ابنتي حيت ربي الى بغى عبدو كيعطيه الابتلاء
الله يجعل كلشي مغفرة للذوب وراه الحمد لله حنا بخير ههههههههه هبيل وبخير ههههه
امييييييييين الزين الله يرقني بما تمنيت ويرزقك ما تمنيتي الحبيبة ويبعد عليك لاحزان
والنعم فيك الزين وانا من ديما كنفتخر بك كصديقة كأخت وكمغربية الله يستر عليك
اخجلتي تواضعي الحبيبة هاد الكلام كثيييييييير عليا حيت كيما بغيت نكون غتبقاي نتي ديما الافضل الزين
ربي يحفظك ومشكورة بزآآآف على مرورك يا احلى صديقة

مغربية مغتربة 2012-07-02 07:03 PM

رد: هذه انا مغربية مغتربة
 
اقتباس:

المشاركة الأصلية كتبت بواسطة سلاوية الخاطر (المشاركة 201881)
ويتكــ على الناس ديال الحصريات
ما عندي ما نقول عليكــ ميموو , بنتـ بلادي تبارك الله عليك القلب الطيب
والله يبعد عنك الحزن والالـم ,
وتبقاي كيف ولفناك ناشطة منشطة مروناها ,
اللي ما عجباتو كتابتك يمشي يكوي فبويا عومار ههه

ربـي يسعدك مغربيـــة


الزوينة صاحبة التاج الملكة ديالنا الحبيبة ديالي سوسو
والله كلماتك كتفرحني بزآآاف الحبيبة ملي نشوف سميتك كنعر انك حطيتي حروف ذهبية
اه الزين ماعندي الحق نتحصر زعما ولا شنو؟ هههههههه اش هاد الحكرة؟
اوى امييييييييين الغزلة ربي يبعد علينا الاحزان وراه بالصح بعض المرات بنادم كيحس انو ماكاين بحلو فهاد ادنيا
لكن ملي تسمع وتشوف مشاكل الاخرين تقول انا بيخير مابيا والو ونحمد الله على كل الاحوال
ههههههههههههههه اوى ان شاء الله نبقى ديما ناشطة ونرونها ره عزيز عليا نرونها وخا هكاك ههههههههه
مشكورة الحبيبة على مرورك الزوين ربي يخليك ليا

أفندينا 2012-07-02 08:49 PM

رد: هذه انا مغربية مغتربة
 
عندما قرات الموضوع في البداية تحمست اكتب لك رد
ولاكن
مع كل كلمة اقراءها تصاب كلماتي بشلل وخوف من مواجهته مغربية فكل كلمة لاتستطيع ان تظهر امامك
ابدعتي فعجز تعبيري عن الرد عليك
اكتفي بكلمة واحدة
شكرا :009:

الـدوكالي 2012-07-02 09:20 PM

رد: هذه انا مغربية مغتربة
 
السلام عليكم ورحمه الله وبركاته
دعوتى على القهوه اليوم
لااخت عزيزه غالية علينا جميعا دون استثناااااااااااء
شرفت ان اكون اخ لها وان تقبل دعوتى لها
على فنجان قهوه
مهما وصفت فى اخلاقها اوخلقها لن اوفيهاااا حقها
ملمه بكل شيءماشاء الله عليها
لاتبخل بخبرتها ومعلوماتها عن احد
اخت محترمة رائعة بكل تواجدها بالمنتدى
تنثر بين الجميع روح الحب فى الله والايخاء والاحترام
اخت افخر ان اكون اخ لها ويفخر منتداااانا بتواجدهااااااا بيننا
اختي الغالية (( مغربية مغتربة ))


اهلا بكي اختي العزيزه الغالية معي على فنجان قهوه


https://www.mza3et.com/up/uploads/im...c7d0a11ed5.jpghttps://www.mza3et.com/up/uploads/im...bf32ff84d4.jpg

مغربية مغتربة 2012-07-03 12:45 AM

رد: هذه انا مغربية مغتربة
 
اقتباس:

المشاركة الأصلية كتبت بواسطة علوووش البشوووش (المشاركة 201893)
عندما قرات الموضوع في البداية تحمست اكتب لك رد


ولاكن
مع كل كلمة اقراءها تصاب كلماتي بشلل وخوف من مواجهته مغربية فكل كلمة لاتستطيع ان تظهر امامك
ابدعتي فعجز تعبيري عن الرد عليك
اكتفي بكلمة واحدة

شكرا :009:

علوش يا بشوش يا بوشعكوكة
احرجتني الخايب حنيكاتي احمرو خجلا من كلماتك يا بوشعكوكة الظريف الطيب
العزيز عليا بزآآآآآاف
خويا العزيز بالغت بزاف فأنا لم اصل درجة الابداع بعد
نقطة في بحركم انا
انتم الابداع انتم اساتذتنا تعلمنا ومازلنا نتعلم منكم
مشكور بزآآآآف الظريف فرحانة بزآآآآف برؤيتك في صفحتي المتواضعة
انتم هكذا تشجعونني على المواصلة


الساعة الآن 01:39 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.