|
ابي خوي للمغرب
انا مسافر للمغرب قريب وافكر اشوف لي اخويا من المنتدى
|
رد: ابي خوي للمغرب
انصحك تحط الموضوع هدا في قسم الاعضاء المسافرين للمغرب
وسفرة ممتعه :huh-where: كن كنت خوي كون مشيت معاك |
رد: ابي خوي للمغرب
والله يالاسترالي .. انا نفس حالتك ربعي الخاصين متزوجين ومعيلين ورافضين فكرة السفر الى المغرب ( يخافون من حريمهم) وانا ميت على روحة المغرب ومقرر بأذن الله اسوي غروب من شباب المنتدى للسفر الى المغرب بس النية بشهر 10 او 11 والحين مامن اجازة والا تخاوينا بس اذا تأجلها تراني خويك... وموفق
|
رد: ابي خوي للمغرب
هلا والله ومرحبا , حقيقة انا ما حطيت تفاصيل للوقت لاني افكر اطلع بعد فترة طويلة وكنت ابشوف اذا بلقى احد ممكن يقبل فكرة انه يخاوي احد ما له معرفة سابقة فيه. لكن انا اشوف انو ممكن اتقبل فكرة اني اخاوي لي رجال بعدما اعرف سوالفه وعلومه وان صلحنا توكلنا على الله وتخاوينا :)
انا حالياً في استراليا لكن ابرجع السعودية في فبراير القادم مادري ايش يوافق بالظبط بالهجري بس هذا تقريباً وقتي اللي بسافر فيه للمغرب بعد ما اجلس اسبوعين اشوف الاهل والربع في السعودية . . انا عارف انه بعيد بس ابي اخطط لها مظبوط هههههه بالنسبة للمخاوة افضلا تكون من الطيارة الرايحة الى الطيارة المعودة :) لكن اذا صارت لنا ظروف وتبي مثلاً بس نتلاقى هناك, تبي نتشارك في فلة والا كل واحد في فندق تبي حتى نتشاف بس في مدينة على راحتك , كل هذا والا اصير بلحالي طول الرحلة, لأني رجال اجتماعي واحب السوالف وساعة الصدر في الرحلة وافكر بعدها عاد وما خططت لها مرة بس اني اتمشى في اوربا لو لقيت خوي خصوصاً فرنسا وبريطانيا , يصير اطلع من المغرب لاسبانيا ثم نتمشى في اوروبا هناك . حسب صرفي في المغرب :) |
رد: ابي خوي للمغرب
انا مثلكم العيال موب فاضين بس عادي بكنسل سفرتي ماله داعي اطلع لحالي كاني موسوس هههههههههههه ...... تقبلوا مروري
|
رد: ابي خوي للمغرب
اغادير سهل التعارف فيها.. فيه كثير يسافر وحداني هناك.. مراكش اتوقع صعبة جداً، غالبيتها مجموعات و اللي جاي وحداني مضبط جوه قبل الجية
|
رد: ابي خوي للمغرب
والله يااخوك انا من الكويت .. الربع اعرسوا وخلوني بريحاتي وماعمروا طبيت المغرب .. سفراتي المتكررة (امريكا ولندن وتايلند وسابقا من رواد الشام بس الله يهدي اللي خربوه من اعيالنا) وودي اجي المغرب بس البلا اني ما اعرف اسافر بروحي وشعاري بالسفر ( احرص على جو الخوي لايتبدل ) _____> يتمييييييلح
وجوي هو جو خوي :) |
رد: ابي خوي للمغرب
نسيت لا اذكر مصر ..
ان شاء الله جزت لك يالخوي :) |
رد: ابي خوي للمغرب
الا اسعد وابركها من ساعة . بس نبي نتواصل علشان نحدد الوقت ونتفق على كل شي من طأطأ لسلام عليكم. ومشاركتي ومشاركاتك قليلة!! فما ادري وش الحيلة !! :)
والجو عند خويك مرن ان جيت مع اللي يغنون غنيت وان جيت مع اللي يصلون كبرت وصليت.هههههه مانتب شايل هم انشاء الله. انا جربت اروح وحداني مرة , ما لقيت الوناسة والسوالف , حتى التعرف! لو تبي تعرف تبي تعرف على ناس مثلك ولا تبي تذب وجهك على الرايح والجاي :) ابركلي اخاوي واحد وحداني من الاول :) |
رد: ابي خوي للمغرب
ههههههههههههههههههههه عاااااااايشين جو الشباب والله الا ماتبون لكم شايب ولا هوب شايب ههههههههه نص ونص فوق ال40 ومزعوط قديم
وفله وكل شي ودليله ههههههههههه ومبطي من المغرب والله بس نظام نوم بالنهار وسهر بالليل على طول كذا مايمشي معااااااي من الحين التعارف والفله وسعة الصدر بالنهار وتشوفون هالطبيعه والخضره والوناسه ياسلاااام..ههههه تحياتي |
| الساعة الآن 06:46 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط