|
اطلس مارينا بيش (وماتم ملاحظته)
السلام عليكم
ان شالله الجميع بخيرررر قبل سبوع تقريبا كنت بشقق المارينا وهذا ليست المره الاولى الي اسكن فيها المارينا العام الماضي كنت فيها وبصراحه الوضع متغير جداً للسوى وبوضحها لكم بشكل سريع والمعذرهـ لاني قليل ادخل النت من الاب او الكمبيوتر اولاً يسئلني موظف الرسيبشن يقول انت حاجز عن طريق مين قلت له عن طريق الاخ محمد عاطي (مكتب علامة الجنوب) قال اي سعر الغرفتين وصاله بـ2500درهم كما خبرني الاخ محمد بهذا السعر قال لي لو انت حجز عن طريق مكتب مؤيد بـ2400درهم انا تفاجائة مو علشان مية درهم لان فيه اقل من هالسعر لمكاتب ثانيه فلذلك نطالب ابو شيماء بسعار اقل كامؤيد وغيره ثانياً طراره من كل شخص يعمل بالمارينا عامل الحقايب+الروم سيرفس ثالثاً مؤظف الرسيبشن يدور اي عذر علشان تعطيه واذا ماحصل اخرك بي شكل من الاشكال رابعاً عند عمل تشك اوت انواع رفعت الضغط يسولفون يروح داخل شوي ويرجع يبن الاوادم اخلص ابسافر (يجيبون الجلطه) المهم اول غرامه ماليه 200درهم اسئلوني ليش !! المنشفه الي بدورة المياه وانتم بكرامه وسخه يعني بالله جايبينها اصور معها والله العظيم ماهمتني 200درهم بس شي يرفع الظغط المهم دفعتها ومشيت وعند نهاية الشارع يوقفنا السكورتي على جنب يقول ابي اتاكد انتم خلصتو كل شي ولا لسى ابي اسئل المكتب! بالله عليك الجوازات ومعنا وش رايك يعني (يبي فلوس واضح) خليناه يروح ويسئل واخرها قال سيرو بس يبي يعطلنا بي وسيله والله يشهد ان هذا مالاحظته بالمارينا وحبيت اوضحها لكم بشكل سريع وتـ ح ـياتي للمزاعيط |
رد: اطلس مارينا بيش (وماتم ملاحظته)
وعليكم السلام
والله ماتدري ليش هالاساليب الاستفزازية كأنهم يقولون لك لاتجي مرة ثانية وهذا اكيد غير صحيح اتوقع ان الادارة ماعندها خبر بذلك - لأن تصرفاتهم تخليك مرة ثانية تروح لفندق آخر فيه احد جرب وكلم مدير الفندق عن هذي المشاكل ؟ مشكور اخوي ولـ حائل ـد على المعلومات |
رد: اطلس مارينا بيش (وماتم ملاحظته)
للاسف مازال شغل الابتزاز والسرقه في المارينا شغال ومن اول وضحنا للاخوه السياح هاد الكلام واليوم الاخ ولد حايل يؤكد هاد الشي
(( ياناس ياهوووه ياعالم ليش تدفعوا للمبتزين على شي لم تقترفوه )) خش في عينه وتاكد ان موقفه ضعيف وقت المحاسبه لكن للاسف اغلب من ابتز سلم الامر لهم ودفع اللي بغوووه وتوكل وحينها خرب على الاخرين 0000 يامحمد عاطي اظهر وبين لنا الحقيقه وعليش الابتزاز المقزز من موظفينك 00 اتمنى ان لاينطبق هاد المثل على المارينا يعطيك من طرف اللسان حلاوة ويروغ عنك كما يروغ الثعلب |
رد: اطلس مارينا بيش (وماتم ملاحظته)
مساء الخير عزيزي ولد حايل ..
بصراحه مو دفاعا عن الاخ محمد عاطي لكن كل اللي ذكرته احس فيه تناقض نوعا ما .. يعني على سبيل المثال .. منشفه وصخه تدفع عليها 200 درهم ؟! ليه هم جايبين المنشفه اصور معاها ولا شنو بالضبط ؟؟ ثانيا موضوع التأخير بالاستقبال .. واللي عرفته ان الموظفين بالاستقبال تغيرو .. بسبب الشكاوي الزايده .. موضوع لما تسوي جيك اوت و يجيك السكيوريتي .. انا ما صار معي كذا .. نزلت اغراضي تحت و جبت ورقه من الاستقبال انه الامور كلها مدفوعه و تم استلام الجواز .. تعطيه الورقه و تتوكل على الله .. هذا قانونهم عزيزي .. بالنهايه ما اشكك في مصداقيتك لكن حبيت اذكر هالامور للتوضيح فقط .. تحياتي لك و الحمدلله على سلامتك .. |
رد: اطلس مارينا بيش (وماتم ملاحظته)
السكن في اطلس مرينا ما يصلح
اولا المكان صار معروف انه مشبووه ووكر دعاره .. ثانيا السعر مبالغ فيه جدا .. هل يعقل ادفع ما يقارب 1250 درهم اماراتي على غرفتين وصاله يا رجل احجز لي جونير سويت في فندق اتلانتس في جزيرة النخله في دبي وهذا يعتبر من ارقى فنادق الامارات ارخص من هالمكان والله ثالثا كثره الشكاوي من الاعضاء .. وعمليات الاستغلال من قبل الموظفين و حراس الامن واليوم الاخ ولد حائل يأكد هذا الكلام ... واشكرك لانك تكلمت بصراحه وذكرت كل سلبيات المكان عكس باقي الاعضاء اللي ما ادري يمكن مسوين لهم غسيل مخ ياخي اسكن في فنادق اكادير افضل لي بألف مره من هالمرينا .. شكرا ولد حائل ومعوض ان شاء الله بسفره ارقى واحلى من هذي |
رد: اطلس مارينا بيش (وماتم ملاحظته)
كويس انك كتبت هالموضوع لاني كنت بحجز فيها والحين كنسلت و بأسكن في فندق.
|
رد: اطلس مارينا بيش (وماتم ملاحظته)
عالعموم حسب رايي الشخصي كل واحد عقله براسه و يعرف خلاصه ..
لكن السكن في مارينا متعه لا تضاهيها متعه اخرى بغض النظر عن التعامل اللي يختلف من شخص الى اخر .. ان شاء الله تنفتح الفنادق اكثر باغادير .. علشان تنزل الاسعار المبالغ بها جدا ! |
رد: اطلس مارينا بيش (وماتم ملاحظته)
صراحةشي غريب استغلال علني وعلى فكرة انا صار لي نفس الموضوع ودفعت 2000 درهم لانة يوم الخروج قالو لي انت محرق الطاولة الى في البلكونة وكان غلط مني لاني ماانتبهت لطاولة وبلغت عنها يوم اخذت الشقه حسبتها عادية واثاريها حركة منهم عشان الاستغلال والله تلمطتها بعد مناحل ساعتين ومهاوش شي يقهر بعدين صرت انزل اغادير استاجر شقة في اي اقامة وفلها احسن فلة بلا مارينا بلا استغلال الشقة تاخذها800 درهم غرفتين وصالة وعيش جوك باداب ماحد حولك
|
رد: اطلس مارينا بيش (وماتم ملاحظته)
هلا اخوي ولد حائل وبيض الله وجهك ولا نشكل في مصداقيتك ابدآآ...
وللاخوان وبقولها بكل صدق محمد عاطي ماله دخل في هالقصه مثل ماذكره بعض الاخوان انتم تروحون تاخذون منه وانا شخصيآ لا اعرفه ولا عمري تعرفت عليه ولا شي والرجال يحجز ويحط فليساته في جيبه ويمشي في حاله وصحتين على قلبه مانقول فيها شي وفيه اعظاء يمدحون في تعامله ومحمد عاطي ومحمد عاطي يا اخوان منقول في الرجال الا كل خير ولاكن المشكله مننا احنا كلنا سعوديين وكويتيين وقطريين واماراتيين.......الخ واحد يدفع ويصرف فلوسه وشغال بخاشيش على اللي يسوى واللي مايسوى من ريسبشن الا روم سيرفس الا هاوس كيبنج وحتى السيكورتي اللي واقف يعطيه على الفاضي هههههههه وتلقاه مضبط وضعه مع حق الريسبشن ويعطي السيكورتي سلااماااات عرفتوا وش اقصد طبعآآآ اقصد الجميع اللي يتحمل هالشي الجميع وبس ماعمركم بتصيرون يد وحده ولا عمركم بتكونون مثل الاخوان لا للابتزاز والاستغلال والضحك على الدقون في المارينا وغيره.. يااخوان والله وحديتوني على الحلف بس كنا نروح اغادير من ال94م وكنا مربينهم تربيه تحبها قلوبكم وعلى راسهم صحارى وغيره وشهرزاد ميشيل وجيمي .............الخ ومدير فندق صحارى والمالك حقه واسألو ابو مؤيد بنفسه هههههههههه اعطيكم الاسم ههههههههه.... بأختصار المشكله ماهي فيهم المشكله فيكم انتم وياماااااااااااالكم من الابتزاز والاستغلال والضحك على الدقون ههههه وذكرت سالفة الطاوله اللي يقول عنها اخونا اه مراكش ههههههههههه والحين المنشفه وسخه هههههههههههههه يالله خذلك..ناقص السيكورتي اذا دخلت يقولك علاش متعطل وداخل في هادا الوقت وانت ساكن هههههههههههه ويمكن يجيك اللي في الريسبشن ويشوفك توك نازل يقولك علاش اخويا فقتي معطل اليوما ههههههههههه ما اقول الا الله يعينكم ياعشاااااااااااااق اغاااااااادير ماتوا اللي يجووووووون اغادير..لاتربطون انفسكم وجوكم وفلوسكم علشان اللي بالي بالكم ههههههه اصحوا والله اني جالس اشوف هالحكي واضحك وازعلني اكثر بصراحه..واللي رابطكم فيه اطيب وااحسن واجمل والمغرب حلوه بناسها وطيبتهم وبجمال طبيعتها وروعة مناظرها وبالتوفيق للجميع |
رد: اطلس مارينا بيش (وماتم ملاحظته)
اهلا اهلا بالمزاااعيط الكرااااااااااااام سكنت في المارينا لمدة عشرة ايام من خلالها تبين انهم لا يسرعون بخدمتك اذا لم تدفع لهم بخشيش طيلة مدة اقامتي لم ادفع درهم واحد في الريسبشن او غيره مع التلميحات الزايدة كذلك بعض من الروم سيرفس وحركاتهم بس كان المقابل ابتسلمة وشكرا خويا كذلك عند الشيك اوت لم اواجه اي مشكلة انا طالع عطوني جوازي باي مع السلامة وانتهت الحكاية لا تدع لاي شخص يساومك كن بتعاملك راقي وبين له ان مايقوم به عمله وهذا واجب عليه الفنادق في جميع دول العالم لا يطلبون منك اي شيء ويقابلونك ببتسامه وجميعهم في خدمتك من اصغر موظف الى مالك الفندق بس للاسف نفتقرها في المغرب محبكم/ابومحمد |
| الساعة الآن 07:44 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط