مزاعيط المغرب - السفر الى المغرب - ----------- اول رحله للمغرب -----------

:yess:اهلن:yess: اهلن:yess:

يالله ان تحييني:D:D:D

D: <== هذا الفيس بتشوفونها كثير احبه

مادري ليش وانا اكتب احس اصابعي كنها باب حديد قديم:confused::confused: تطلع اصوات الظاهر يبيلها تشحيمD: <=== مبطي ما كتب الولدD:D:

المهم الموضوع هذا كتبته في منتدى ثاني عام 2009 وحبيت اجدد الموضوع بسبب انه قررت اروح المغرب في شهر 6 بعد غياب 7 سنين :wub::wub:

وحبيت اجدد الذكريات في احلى رحله بحياتي واطرح الموضوع من جديد وان شاءالله تنبسطون...D:

طبعا كيف بداء التخطيط لها والمشاكل الي واجهنها في المغرب كلها راح اشرحه لكم :n1:

(( لناطقين بغير النجديه تحميل ملف الترجمه اسفل الموضوعD:D:))

لالا امزح بترجم لكم D:D:

بدا ذي بدا :n1: <== من زمان ونا ودي اقولها واطلق اللغه العربيه التي بداخليD:D:

<== ترى ما يدري وش معنها بس اعجبتني :D

المهم بداية التخطيط كان فوق دكه:D ( دكه = منطقه تشبه البلكونه بس ارضيه ) <== بيروح المغرب ويخطط لها فوق دكه والله من زين التخطيط :D:D

في مزرعه عمي طبعا كانت عزيمه وجمعتني مع ولد خالتي الشرير واسمه بندر :32: ومنها بداء التخطيط :D

<== ما يجتمعون ذولا الا وراهم مشاكل :D:D

طبعا كنا منسدحين اخر الليل في جو شاعري:wub: يتخلله اضواء النجوم المتلائلئه في كبد السماء:D

:n1:وخيوط دخان معسل توت يخرج من شفتاي وتداعب وجنتاي:21: <=== الا والله براطم قال شفتاي قال:D

و بعض القطواه تدور علينا مادري شايفينا علبة تونه ولا افخاذ دجاج ..:crazy:

المهم طبعا في الجو الشاعري هذا بدينا نسولف ونطلع مافي جعبتنا من كذب:21: تعرفون السوالف الصدقيه خلص

قمنا نكذب على بعض يقالنا راعين رومنسيه و مناظرخلابه :D وانا اقوله الشروق احلى وهو يقولي الغروب احلى:D

وفجاءه :omg:جاء طاري المغرب حسيت انه ضربني كهرب لدرجة انه لو امسك لمبه ولعت:lightbulb: ..

انا للحين ماينب عارف وش دخل المغرب في الشروق والغروب والدكه والقطاوه ؟ :confused: :confused:

ما علينا المهم قالت له انا عندي هدف ولازم اسجله:D ااااقصد لازم احققه:D <== باين انه موب راعي كوره ابد :D:D

قالي ولد خالتي وش هدفك؟ قلت دبل كيك خخخخ :D:D <== بدت البثاره عاد:mad:

( البثاره = مالقيت لها ترجمه بالقاموس العربي شكل اصلها يونانيD: ) <== توهق ما يعرف كيف يترجمها وصرفهاD:

قلت له اني ابي اروح المغرب ابي اروح لديره الي كل الناس تتكلم عنها :wub: طبعا متى وكيف نروح المغرب

وعلى ايش بنروح باخره ولا طائره شراعيهD: اهم شي اني بروح لو اجيب خريطه وحطها في الارض ووقف فوق المغرب بس اروح.D:D:

بعدين جاء عمي فجاءه:7: وهو الي يطلع السيف من غمده:3: ويقولنا وجع وجع ثكلتكم امهاتكم تشيشون يا كلاب:4: ....

وحنا ما تشوف الا غبارنا حتى القطاوه سبقنها من السرعه...:21::21:

بعدين تفرقنا وبعد كم اسبوع نسيت الموضوع :009:

وفي يوما جميل مشرق تسمع فيه زقزقة العصافير واشعة الشمس الذهبي تداعب وجنتاي :009: <==== اتحدى اذا يعرف وش قاعد يقول :D

اتصل علي ولد خالتي قالي خالد ابشرك تراني حجزت على كازا:D

حسيت يوم قالها انه خنقتني العبره من والوناسه:blushing: واخذت عيناي تذرف الدموع فرحا كني ام عروسه فرحانه ان بنتها بتتزوج:11:

قالي حجزت انا وفهد:D <== وقتها حسيت اني مكامله لم يتم الرد عليها:tears: <== تشبيه قاتل:D

مرت لحظات صمت:zip: .... انتظر يقول انا وانت وفهد:sad_1: ...رجعت وقلت له انت ومين ؟:D

( قلت يمكن انه قال اسمي بس ما سمعت زين:tears: ) قال انا وفهد !!!:20::20:

بعد كذى تاكدت ان اسمي مو موجود على قائمة المسافرين في متن الخطوط ؟؟ :tears:

وقتها حسيت اني اي شي الا انسان ؟؟ :tears::tears:

قلت له بندر .. ضوء القمر .. دخان المعسل الي يداعب وجنتانا:21: ... طيب ياخي عمي يوم يلحقنا بالعصى ؟؟:21: ما تذكرك بشي ذولي:ang:

:busted_red: قلت له لعنبو بليسك ولد خالتك جحدتني على طول وهذا وحنا قضينا لليله شاعريه تحت اضواء القمر:21: لين لعب فينا النامس من كثر التقرص:crazy:

حتى ان امي يوم شافتني تغطت عني :crazy: تحسبني واحد ثاني والسبب النامس:21:

( النامس = عباره عن ديناصور صغير مره:D يطير وتعض عضا مبرحا:D (الباعوض) ) <== لا بالله شرح لكم:D:D

قالي احجز انت من الرياض :20: قلت معصي انت وجهك انت احجز لي :ang: .

تدري انه ممكن من الفرحه :wub:اقول لراعي الحجز ذهاب بدون عوده ما اقدر امسك نفسي:D

طبعا هو في الشرقيه وعلى باله اني بطلع لحالي بطياره من الرياض وهو بيطلع من الشرقيه :D

قايلكم ولد خالتي اشك انه يقرب لي:D عقب احداث المستشفيات الي صارت في السعوديه :D:D

اذكر مره كنت انتاول انا وخالتي قدحا من القهوه بنكهة الهيل :D في اخر انهار من على شرفت الصاله:D <== اما شرفه يبيلها :D

قلت لخالتي بقولك شي بخاطري:D .. انتم تاكدتو من بندر لا يكون غلطانين فيه مع واحد ثاني.؟؟:D:D

عائلتنا كلنا عيونا زرق وشعورنا شقر وبيض :D وولدك ذا قزم ودوب وسود و وشعره فلافل :D:D

بس الشهاده لله عيونه زرق كنه عيون قطط تنور اذا ضربها النور :D:D

:D<=== يقول احس اني خربت نسل ولد خالتي بتوصيف ذا خخخخخ :D

:ang:<== طبعا ما راح اقولكم ان خالتي سوت تحديد الكل وكل شي حولها صار يلحقني فناجيل ودلة القهوه وجوالها :D

المهم قلت له احجز لي انت وراسك كنه قنديل البحر :D. مانيب رايح لحالي لو تنقز لكازا وترجع

طبعا للحين باقي شهر على الرحله بس وكل الي سوينها اننا حجزنا على كازا تذاكر :D

وش بنسوي هناك وين بنسكن في المطار ولا بس بنختم جوازتنا اننا جينا المغرب ونرجع للحين مافي شي واضح :D

بعد كم يوم اتصل علي وقالي فيه مكتب يسوي حجوزات وسكن وكل ابو شي بس رح له وخذ منها 10 ايام سكن وتذاكر .

قلت له طيب وفعلا سويت كل الامور من حجوزات وكل شي وحجزت السكن وخذت الفوتشر

وانا البسمه من الوناسه ماخذه لفه على راسي:21: كل من شفته اعطيه بسمه وضحكه

:D <== احس ان نفسي مفتوحه ذاك الوقت لكل شي :D

وكل يوم اصحى قبل اروح الجامعه اناظر التذاكر اسوي اعادة شحن لين تصير البطاريه ممتلئه :D:D

حسيت اني في اذك الوقت جبت احسن الدرجات في الجامعه لدرجه اني بغيت اصير عميد الجامعه:D

بعد كم يوم جاء اليوم الموعود:wub: .... الي هو يوم السفر جاء بندر وفهد لرياض :D <== بدى يذل ولد خالته :n1:

وتعشينا وتفاجائنا ان فهد ما عنده ولا بدله ويبي يروح بثوب:crazy: طبعا قلت لبندر : انت قلت له بنروح المغرب ولا بنروح مضارب الباديه ؟:confused:

والله وناخذه لسبلاش ونركض ركض في العربيه كل شي نحطه من زواد العجله الي فينا تفاجائنا عند الكاشير

اننا ما جبنا له ولا جينز كل الي اخذنها تيشرتات :D تخيلو بس تيشيرت وسروال سنه في المغرب وقاعد يتمشى في الكرونيش:D <== ابو سروال وفنيله غزى المغرب :D

وبعدين رحنا البيت نجهز الشنطه حقته طبعا شنطتي لها شهر جاهزه حتى انه صار عليها غبار :D :D

وعلى طول ادق على ولد اختي اقوله تعال ودنا المطار

طبعا الرحله الساعه 5 الفجر وحنا من الساعه 12 في المطار :D <=== لا عاد يسافرون ذولي ابد :D

حتى ان حق البوردينق يقول عسى ماشر لو هي رحله لشرقيه ولا لجده كان ما جيتو الا قبل الاقلاع 5 دقايق :D

طبعا مطار الملك فهد اخذنها رايح جاي يقالنا نضيع وقت حتى اني صرت مع الشرطي اكتب المخالفات حقت السيارات:D واعلمه اقوله شف ذا ماوقف زين عطه مخالفه :D

جينا الساعه 3 ونص وكنا اول ناس طبعا وحاطين شناطنا عند المدخل بحكم انه ما كان فيه الا احنا حتى ان الطياره ما بعد طارت

الظاهر من المغرب الي بتاخذنا :D بس تعرفون شي تتمناه وفجاءه لقيته متحقق :D:D

خلصلنا امورنا كلها ورحنا عند البوابه ننتظر متى يقولون اقلطو لطياره :D وصلينا الفجر يوم خلصنا الا وهو يعلن عن موعد الرحله

وتوكلنا على الله وركبنا الطياره...:D

انتهاء الجزء الاول انتظرو الجزء الثاني واحداثه:D:D:D