مزاعيط المغرب - السفر الى المغرب - مشتاق للمغرب وأنا توني جاي

إخواني الأعزاء هذه القصيدة للشاعر :
محسن الهمامي ومطلعها هو مطلع قصيدة لسمو الأمير عبدالله الفيصل - رحمه الله -
أحببت أن أنقلها لكم في هذا المنتدى الرائع بروعة وجودكم
*************

(مشتاق للمغرب وأنا توني جاي
,,,,,,,,,,,,,والله يصبرني على حر شوقي)
من يوم قفينا وأنا مثقل خطاي
,,,,,,,,,,,,,ماكني أمشي كن هالأرض فوقي
ماعاد تطرب هاجسي نغمة الناي
,,,,,,,,,,,,,ماغير طاري الحب يطرب طروقي
من فقد غالي ماخذ القلب برضاي
,,,,,,,,,,,,,قفيت عنه وخافقي له يتوقي
والله ماني هاجره ساعة إقفاي
,,,,,,,,,,,,,لكن تلزمني لغيره حقوقي
ودعته الله واللقا كل رجواي
,,,,,,,,,,,,,يالله عسى ما شر عنه يعوقي
وأصبحت بعده وجهتي مع مصلاي
,,,,,,,,,,,,,وجهي مغيب وعفت وجه الشروقي
أتخيله صاحي..وفي لحظة إغفاي
,,,,,,,,,,,,,آشوف طيفٍ منه بالي يروقي
يا(ريم) ذكرك عن طعامي وعن ماي
,,,,,,,,,,,,,ذكرك صبوحٍ لي وذكرك غبوقي
يا بهجة الدنيا ويا غاية مناي
,,,,,,,,,,,,,(ذوقي رفيعٍ وأنت عنوان ذوقي)
يا وجد حالي يا عذابي وبلواي
,,,,,,,,,,,,,يا جادلٍ عن كل جادل تفوقي
آموت لا من داعب شفاه بشفاي
,,,,,,,,,,,,,واموت بأشياء ذكرها ما يلوقي
أستغفر اللي له مماتي ومحياي
,,,,,,,,,,,,,ربي علي أرحم من أمٍ شفوقي
عن زلة أفعالي وعن زلة حكاي
,,,,,,,,,,,,,يالله عسى ذنب الوله ما يحوقي
وش حيلتي لا علتي صارت دواي
,,,,,,,,,,,,,وش حيلتي لا صار سمي ريوقي
مجنون فيها ناقلٍ داي برداي
,,,,,,,,,,,,,وأرجي عسى مجنون ريمٍ يفوقي
كلي لها ما دمت عايش بدنياي
,,,,,,,,,,,,,كلي لها دام استباحت خفوقي
ما همني راي البشر دام لي راي
,,,,,,,,,,,,,ما أتركه لو تنزف دماها عروقي
والشامت اللي شمت في جرة عواي
,,,,,,,,,,,,,شامت بخدٍ جرحه دمع موقي
ليته تحقق وش ورا حرة بكاي
,,,,,,,,,,,,,ليته من اللي ذقت قبله يذوقي
يمديه يدرك شي من أسباب شكواي
,,,,,,,,,,,,,يمديه يدري إن المفارق صدوقي
يمديه يشهد لي على صدق دعواي
,,,,,,,,,,,,,ثمٍ يردد ماضيات النطوقي
مشتاق للمغرب وأنا توني جاي
,,,,,,,,,,,,,والله يصبرني على حر شوقي

وسلامتكم اتمنى ان تحوز على رضاءكم