|
مسافر 14 ليله لمراكش واغادير وابي رايكم لانها بتكون اول سفره لي للمغرب
السلام عليكم ياشباب ,,,
اتمنى انكم تكون باتم الصحة والعافية,,, انا قررت اني اسافر للمغرب ب 30-12-2103 وارجع 13-1-2014 يعني 14 ليله وودي اني ازور فيها مراكش واغادير وانا لحالي وماني عارف منين ابدى ومنين انتهي مع العلم اني سافرت اغلب دول العالم من اقصى الشرق الى اقصى الغرب لكن المغرب ما عرفت لها ! فيا شباب انا عندي 14 ليله وابي ازور فيها اغادير ومراكش وانا لحالي وابي شي نظيف وامان ويكون جنب الاماكن السياحيه. ابي سكن في مراكش لمدة 7 ليالي وسكن في اغادير لمدة 7 ليالي اخرى . ووش رايكم اروح لمراكش اول بعدين اغادير ولا اروح اغادير على طول وبعدين لمراكش ووراها على كازا (الرجوع الى السعوديه) ووش رايكم بتاكسي ولا قطار ولا طياره. وعموما انا لحالي وخايف اني اطفش او انفس لاني لحالي. ووشو النظام اليومي هناك. تسلمون يا شباب واتمنى اني احصل ردكم في اقرب ووقت خصوصا اني مسافر بعد شهر تقريبا والى الان ما حجزت شي. شكرا لكم |
يا شباب انتظر ردودكم
|
لا تخاف المغرب روعه واكيد بتلاقي شي تتسلا فيها اما 14 يوم لا تقتصر علي ثنين مدن بس هي نصحتي
|
كم سعر الطاكسي يا شباب من مطار كازا الى مراكش؟
|
انا برأيي بما انك وحداني استأجر سياره لأنك راح تطفش من الجلسه لحالك .. وإذا تبي تستأجرها مع سواق على راحتك ..
اما كيف البرنامج المناسب فهذا انت اللي تحدده حسب جوك .. |
14 يوم ولحالك والله صعبة اذا منت متعود تسافر لحالك
وتري المغرب كثير يروحون لحالهم وينبسطون وانا تخطيطي السفرة الجاية بسافر لحالي عشان اعيش التجربة ما علينا انا اعطيك رائي تقسم الرحلة بين مراكش واغادير علي حسب ما تحب وتخلي اخر يومين في كازا تحسبا لاي طاري ممكن يسير لك ويأخرك عن رحلت العودة لاسمح الله وافضل شي لك تطلع من السعودية علي كازا ومن المطار تنزل بالقطار وتروح مراكش وتجلس بمراكش المدة اللي تبيها وتطلع بالباص علي اغادير لان اغادير تروح لها من مراكش بالباص او بالسيارة لان القطار ما يروح لها وتنزل في اغادير وتجلس فيها المدة اللي تبيها ومن اغادير تمر مكتب للخطوط المغربية وتحجز طيران من اغادير علي كازا قبل رحلتك بيومين يصير تريح اخر يومين بكازا او ثلاثة ايام وتقدر تبدا بالعكس تنزل من السعودية علي كازا وتكون حاجز تذكرة ذهاب فقط علي اغادير يصير تنزل في المطار تخلص امورك من تختيم جواز وشريح وتحويل عملة اذا حبيت وتقص بوردينق اغادير وتطلع اغادير بس حاول تختار اقرب رحلة متوجهة لاغادير من وقت وصولك لكازا عشان ما تنلطع في المطار وتجلس في اغادير المدة اللي تبي وتروح لمراكش بالباص او السيارة وتجلس مدتك بمراكش وتطلع منها علي كازا بالقطار وتجلس بكازا الين يوم الوحلة هذا بالنسبة للوصول لمراكش واغادير اما السكن انت بتروح لحالك في مراكش لا تفكر ابدا بالمنتجعات لانها بعيد وبتحس بالوحشة لحالك ووقت ما تطفش لازمك مشوار عشان توصل انا انصحك تسكن في شقق البابليون شقق كويسة وفي وسط المدينة وامنة وفري ومافي مضايقات تزعجك وانا مجربها صراحة او عندك عروض شركة الغازي في قسم العروض تلقاها عندهم شقق حلوه انا ما جربتها بس اشوف الكثير من الاعضاء يثنون عليها اما السكن في اغادير احجز في المارينا وانت مغمض اذا انك راعي سهر وحركات وبركات تاخذ راحتك علي الاخر بصراحه صح بتشوف فرق كبير في اسعار السكن في اغادير ومراكش توصل للضعف بس الاهم تضمن راحتك المارينا قريب من كل شي وبعدين اغادير صغيره وكل مشاويرها قريب اما النظام اليومي انت اللي تتحكم فيه حسب جوك وحسب الاشياء المفضلة لك هذا اللي عندي اتمني اني افدتك وموفق يا غالي |
اقتباس:
هلا اخوي انت راح تسافر بالرقم المحبب لي ١٤ يوم ممتاز جداً ثاني شي بما انها اول زياره و لحالك بعد لا تروح مراكش وخل مراكش زياره ثانيه وهي حلاوتها مع مجموعه وحداني خل رحلتك اكاديريه نسق رحلتك الداخليه بس وريح واذا مره تبي مراكش ملزم مالك ومال القطار والتعب فيه مكاتب في مطار كازا سائق بسيارته ب ١٢٠٠ درهم يوصلك مراكش اخر علمي بهم و اذا تبي تروح للمدينتين وماتدري وش تبدأ رح للابعد بعدين قرب اول ما تنزل مطار كازا رحله داخليه ل اغادير ذهاب فقط تقريبا ب ١٢٠٠ درهم ( لو بتاخذها ذهاب وعوده تقريبا ب ١٧٠٠ درهم ) وحدد المده الي تبي بعدين اطلع بسياره من اكادير لمراكش تقريبا الطريق ساعتين ونص ب ١٥٠٠ درهم بالكثير وبعدين من مراكش لكازا بسياره ب ١٥٠٠ درهم بالكثير |
الله يعطيكم العافية يا شباب
|
اقتباس:
الف شكر لك يا رانيا |
اقتباس:
تسلم ياخيو ما تقصر فدتني حي لكني شايل هم التنقل بين المدن وراح اروح لمراكش واجلس فيها وان حسيت اني زهقت اخذت تكسي ورحت لاغادير يعطيك العافية |
| الساعة الآن 06:43 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط