|
رساله شكر وتقدير لـرجال الدرك الملكي
السلام عليكم تمت العوده من مراكش اليوم بحفظ الله ورعايته وقبل لا اتكلم عن تفاصيل الرحله وباقي الامور احب اقدم ومن هذا المنبر رساله شكر وتقدير وعرفان لرجال الدرك الملكي على الطريق السيار على حسن تعاملهم معي في اخر محطه اداء بالطريق من مراكش للدار البيضاء اللي صار بالضبط ياخوان هو غلط مني اني طلعت من مراكش متأخر ونسيت اسحب فلوس من الصراف وبالطريق انصدمت ان حتى صديقي ما عنده ولا درهم مغربي ... ومن حسن الحظ صورنا الرادار على سرعة 149 وتم توقيفنا عند اخر محطة اداء بالطريق السيار من مراكش الى كازا من قبل الدرك وقالي عليك مخالفة 500 درهم قالي انزل والحقني عالسياره .. رحت معاه واخذ الرخصه و ااوراق السياره وقلت له شوف يا ابن الحلال انا ما عندي غير 100 درهم اماراتي وصديقي ما عنده اي عمله .. واذا يصير ندفع المخالفه بالفيزا ما عندي مشكله بس اهم شي الحق اسلم سيارتي بالمطار والحق الطياره .. فاجأني الشرطي وقالي خذ اوراقك ورخصتك وحاول تلحق طيارتك وما ابي منك ولا درهم والمخالفه بلغيها ... شكرته وانا مصدوووم من الموقف اللي حصل .. بعدها تحركنا عند محطة الاداء واعطيتهم التيكت وطلبت مني الموظفه 65 درهم مغربي واعطيتها 100 درهم اماراتي وقالت لي ما يصير .. ما نقبل اي عمله غير الدرهم المغربي واليورو .. طيب والعمل قالت اسمحلي ما اقدر اخدمك ونادت لي المسؤوول وقالي نفس الكلام .. بعدين الموظفه قالت لي روح عند الدرك واعطيهم فلوسك الاماراتيه وهم يعطونك فلوس مغربيه بدلها .. ولاني مجبور وما عندي وقت رجعت مره ثانيه عند الشرطي وكلمته وشرحت له الموضوع وفاجأني مره اخرى بتصرفه تصوروا ياخوان اعطاني 100 درهم مغربي ورفض انه ياخذ فلوسي مع اني اصريت عليه وقالي انتم ضيوفنا وحنا نساعدكم والله اني تحركت للمطار وانا مصدووم من هالموقف اللي حصل ولذلك حبيت اشكر الشرطي و المساعد اللي معاه على وقفتهم معانا ..وان شاء الله يستمر الحال على ما هو علي |
حمد لله على السلامة
في كل بلد في العالم وكل قطاع مثل مافيه أشخاص سيئين فيه أشخاص رائعين والمثل يقول لو خليت خربت الدركي يستحق الشكر والتقدير ومثل هذا الشخص يجب معرفته والتواصل معه وفي أقرب عودة زيارته واهدائه مايسحق على موقفه تحياتي |
اولا حمدا على سلامتك سي اوسكار... وفعلا زي زي ماتفضل اخيcoolind dude لوخليت لخربت وكل ديرة فيها الصالح والطالح... وبصراحة الموقف اللى مريت فيه عصيب وعدى على خير وهو درس مو لك انت هذا درس للجميع اخذ الحيطة في جميع الامور خاصة وقت السفر وترتب كل مايلزم لتكون المغادرة هانية دون عجلة وعدم التعرض لما يكدر الخاطر... سلامة الاسفار والله لايهينك منتظرين التقرير الواعر في اقرب وقت :cool:
|
الحمدلله ع سلامتكـ أخوي اوسكار لا يزال الخير موجود فـ الناس الى يومـ القيامه , تعامل أخوي بماتعنيه الكلمه أخوي اوسكـار تستطيع مكأفة الدركي بالدعاء له بالتوفيقـ والسعاده والفوز فـ الدارين دمت بود |
موقف نبيل من هذا الدركي يستحق الثناء والتقدير وفعلا لو خليت خربت
|
الحمد لله عل سلامتك اخي اوسكار 0000
هادا الدركي واحد من مليون يعني صعيب تلاقي بحاله في المغرب واكيد انه تعامل مزيان مع سياح من قبل وشاف مردود تعامله المزيان معهم 000 هادا لازم ماتنساه ابد لانو شذ عن القاعده وعمل بأصله الطيب 000 عند عودتك للمغرب هز معاك شي كادو زوين (( بدله رسميه او طقم عطور )) وقلب عليه في بلاصته لانو يستاهل وحق الله شكرا لك ايها الدركي البطل شكرا لكل من تهمه سمعة المغرب قبل مصالحه الشخصيه 000 |
الحمدلله على سلامتكم اخوي أوسكار ..
والدركي هذا والله عمل فيكم خير يعني شال منكم المخالفه واعطاكم ١٠٠ درهم عشان فلوس الطريق .. والله ما تحصل ولا عسكري لو تفر العالم يفعل مثل ما فعل هذا الدركي لله دره أخلاق وكرم .. هذا فعلا خير من يمثل أهل المغرب .. فأهل المغرب أهل كرم وطيب .. ما اقول الا بيض الله وجهه وكثر الله من أمثاله .. _________ |
الحمد لله على سلامتك و سلامة رفيقك و لا تعبتو ان شاءالله الناس اجناس يا اوسكار و هذا الدركي معدنه و اصله طيب مثلك . تحياتي لكم . |
الحمد لله في كل الأماكن تجد الطيب والسيء وتعاملك الراقي والصريح معاه جاب نتيجة وهذه نصيحة للمزاعيط أن لا يتعاملوا بخوف أو بغرور وتجبر. التعامل الراقي مفتاح الحلول ما يجبر الآخر على إحترامك
|
دائما نقول في كل بلد فيه الصالح و الطالح لذلك يجب عدم التعميم .. بسبب اخطاء افراد .. نشكرهم على تسهيل عودتكم لدياركم .. و تفهم اوضاعكم .. وهذا يدل على كرم و شهامه الشعب المغربي الاصيل وهذا الشئ يحسب في صالحهم |
| الساعة الآن 10:47 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط