|
هل تنصحوني بالسفر لحالي لمراكش ؟
السلام عليكم ... ي شباب انا ناوي اروح لمراكش لحالي في مارس 3/20 لمدة اسبوع تقريبا بس مالقيت خوي و ماعندي اجازة الا في هالوقت .. ياليت تعطونا من خبراتكم .. واللي جربها من قبل ياليت يعطيني نصايح ... شكرا ♥
واللي يبي يخاويني يتواصل معي |
حلو توكل بس مراكش حقت شباب ٢ او ثلاثه ماتصلح وحداني
عندك كازا واغادير تصلح للوحداني واتق الله في سفرك |
بالتوفيق
علي اجازة المعلمين اكيد بتحصل هناك :) |
نوش نوش عني انا مستحيل اسافر وحدي لو اجل سفرتي لين الاقي خوي ... السفر وحشه وانا اخوك لابد يجيك وقت وتبي من تشاور وتاخذ وتعطي وتنبي تكذب ع احد هه .....
ع العموم موفق خير وسفره سعيده |
اخوي اذا اول مره تروح مراكش ماانصحك الا اذا كان معك خوي اذا كنت لحالك انصح تروح.اقادير صغيره بيوم راح تعرف كل شي فيها
|
ياولدي خذ العلم انا حالياً بمراكش
وعادي جداً السفريه وحداني ميه ميه بس اهم شي السكن عشان مخك يرتاح ولا بـد من بعض المعلومات فين تروح وفين تجي وكيف تتعامل مع الناس والطاكسيات والأسعار ومن هذا القبيل اذا لم تحجز سكن الى الان اتواصل مع وكالة الغازي وحتنبسط والسكن عندهم جميل جداً |
روح اكادير احسن لك ماراح تحس انك واحد
|
تروح و ترجع بالسلامة و مثل ما قال الآخ ( مراكش بالضبط ) أنا ما أعتقد أنه فيه شيء أسمه هذي المدينة تصلح لواحد ( نفر ) و هذي المدينة تصلح لآثنين ( نفر ) ههههه المغرب كلهاااا حلوة و ألي مزود حلاوتها بالطبع أهلها الطيبين في نظري أن نصيحة أو رأي الآخ ( مراكش ) هو عين الصواب و خصوصا توصيته لك في التعامل مباشرة مع ( وكالة الغازي ) لتوفير السكن لك من الآخت الكريمة ( أم ريان ) بصراحة لم يسبق لي التعامل معها لكن ما شاء الله تبارك الله قرأت لها ممن جربوها و جربو التعامل معها من أخواننا المزاعيط ما يثلج الصدر على هذا الرابط https://www.mza3et.com/morocco18857.html وهو ما حداني اليوم للتواصل معها على الوتسأب لآن سفري بأذن الله بعد 10 أيام. هذا مجرد وجهة نظر .... حبيت أفيد و أستفيد و بالطبع أولاً و أخراً الخيار لك .... فأحسن الآختيار لكي تنعم برحلة جميلة و سعيدة أكرر بأن تكون رحلة سعيدة و موفقة ... و خوتك تنشرى يا محمد .... حتى أنا وحداني يا الله جهز حالك معي شرايك هههه تحيااااتي ،،، |
شكرا للكل ع اجاباتكم الوافيه وانا راح ادرس الموضوع وانشالله ينكتب لي اللي فيه الخير ♥
|
السلام عليكم محمد77 ... شوف بصفه عامه المغرب ما تصلح واحد الا اذا كان عنده حبايبه يستنونه المغرب حلوه 2 ولا 3 من وجهة نظري وكلن له وجهت نظره لان بيجي عليك يوم بتكون لحالك و تبي تضحك مع خويك ولا تبي تسولف معاه وتبي تقوله وشرايك وتتشاورون ونت في غربه لا زم يكون معاك شخص على الاقل يشيل عنك وتشيل عنه ونشالله بتلاقي وتتيسر الامور .... تحياتي ..
|
| الساعة الآن 01:17 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط