أول ما نزلت المطار انسرقت المحفظة
تخيل أنك أول ما نزلت المطار انسرقت المحفظة وفيها جميع بطاقاتك البنكية وجميع الفلوس الي معك... وطلعت على الحديدة.. وش التصرف في هذه الوقت؟؟؟ اتمنى من الجميع المشاركة لاستفادة من تبادل الخبرات؟؟؟ |
انا اصلا مفعل حسابي بالنت ولو قدر الله وانسرقت محفظتي اشوف واحد من السعوديين الي بالمغرب واقوله سالفتي واحوله من حسابي ع حسابه والطريقه الثانيه اني احول الفلوس الي بحسابي الا واحد من اصحابي بالسعوديه وهو يحولهن لي حوله سريعه باسمي واروح للبنك واسحبها |
لابد تفعل خدمة المباشر من النت لانه يعتبر خط رجعه لك اتذكر قبل سنتين في مصر انسرقت المحفضه وفيها بطاقة الصراف والحمد لله دخلت المباشر وحلولت الفلوس على حساب خويي وكملت سفرتي بدون منغصات
لابد تخلي لك مخرج طواري |
الله لايجيب هالموقف عزالله بدنها هاشميه لين الله يفرجها وان شفت واحد من ربعنا بقرط في اذنه ماني فاكه
|
على طول اذا عندك فيزا حاول توقفها اذا كانت بدون رقم سري
واذا فلوسك في بطاقة الصراف ادخل النت وحولها في حساب اي احد ويرسلها لك اما اذا كانت فلوسك كاش كلها مافيه الا تقدم بلاغ اذا في محفظتك بطاقات شخصيه مثل بطاقه الاحوال نصيحه لا تبلغ بفقدانها الا لما ترجع السعودية واذكر انها ضاعت بالسعودية لان لو قلت ضاعت برا السعوديه بتدخل في سين جيم إلا ما لا نهاية |
#
1- بطاقة الفيزا : عن طريق الهاتف المصرفي او الدولي التآبع للبنك 2- السحب الالي : تفعيل المباشر - تحويل المبلغ عن طريق النت 3- بطاقه الاحوال : الابلاغ في حال رجوعك بفقدانها داخل بلدك لا خارجه 4- اوراق نقديه : الابلاغ عن طريق شرطة المطار .. 2% نسبه الاسترجاع |
ياخى فأول خير ...بس لو صار هالشئ افضل طريقة انك تسوى بلاغ عند شرطة المطار و تبلغ السفارة عن طريقهم بتلفون او فاكس لانه جزء من عمل السفارة انها تضمن سلامة مواطنين بلدها فى وقت الازمات و الكوراث و السرقة تصنف من الازمات و لاحد يقول ما راح يعطونك وجه هذا الشئ من صميم عملهم و اعرف واحد صاحبنا كان شغال فى السفارة السعودية فى اندونيسا كان يشتكى لى من هالامور وانه فيه شباب عايشين على ظهر السفارة يجيبو بلاغات من الشرطة انهم انسرقو و يربعو عندهم لين يدبرون حالهم...والله لا يكتب الشر على احد.
|
حلول جميله النت
ربناااااااااااااايستر |
أوقف البطاقة حاليا وأحوال عن طريق إلنا لأحد الأصدقاء ثم يرسلها لي
|
انا قبل ما اسافر احول فلوسي عن طريق الوستر يونين واول ما انزل استلمها
|
الساعة الآن 04:16 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط