هذا ما نعانيه في مطار كازا ومطار اغادير والله المستعان
 

نعم وداعا المغرب الحبيب
إنني اكتب هذا الموضوع وفيه أودع المغرب الحبيب بسبب مانوجه من سوء تعامل من قبل الجوازات والجمارك وايضا سوء المعاملة من سائقين الطكاسي عندما يعلم كل منهم بأنك سعودي ياتدفع يايعقدك في الدخوال أتمنى من الإخوان محد يقول لا تدفع ولاشي وطلب الضابط المسؤول عنه ومن هذا الكلام الجوازات والجمارك أول مايشوفون انك خليجي طلبوا منك مساعده ياتدفع يا خويا يالكرت غلط فيه خطاء ارجع عبي واحد جديد تخلص منهم تحصل الجمارك قدامك بس شوفو جوارك سعودي اوخليجي تعال هنا افتح الشنطه ولعب فيها وبهذلك بهذله هذي المعاناه فقط للخلجيين الأوروبي استغرب مايعاملونه مثلنا ليش مدري العلم عند الله حتى الجمارك ماتعترضه يحط شنطته على السير ويسير بحاله حتى الطكاسي يشغلون الأوربي العداد الخليجي لا يا حبيبي مافي عداد ادفع كذا أول ماكان كذا المغرب الحبيب لكن الآن مدري وش صار فيه الأوربي هو الذي يستمتع بكامل حقوقه هذا الكلام إلى ذكرته ففي مطار كازا.
نجي لمطار أغادير تعالوا شوفوا نفس مطار كازا التعامل بالإضافه إلى رجال أمن الدرك الملكي للأسف الي يمشي وراك حتى توصل السياره إلى تركيبها وأول ماتركب السياره قالك لو سمحت الجوازات خويا طيب بالحبيب انت درك ملكي وش تبي بالجوازات يقول أبي مساعده طيب روح الأوربي اطلب منه ما يقدر يطلب أو يعترض الأوربي
بس السعودي والخليجي فقط هم المستهدفين لماذا ياخوان نعامل بهاذي الطريقه أتمنى محد يقول لي لا تدفع لأحد انا مادفعت ولاعمري سويتها بس تعالوا شوفوا البهذله وانتي خارج من المطار وانت داخل المطار
ياخوان هل المسؤلين اخوننا في المغرب لديهم علم بهذا الشي الحاصل انا اتوقع مايعرفون
حبيت من هذا الموضوع انقل هاذي المعاناه لمن يهمه الأمر في المغرب .

بصراحة هو شي يكدر الخاطر

بالذات في مطار اغادير

يوقفك التاكسي عند الدرك

سرقة وشحذه عيني عينك

بس والله دامني مو مسوي غلط اخش بعيونهم واستعبط لحد ما يطفش ويفكني

مش حالك وانا اخوك الخليجي مستهدف في كل الدول الاسلامية فقط

الدول الاوربيه ما تشوف هالشي فيها ابد

لكنها بعد كم سنة بتصير كذا نظرا لتوافد اعداد هائلة من السياح الخليجين

بخصوص معاملة رجال الامن في المطار
 

الاخ ابو بندر سلام عليكم هذا موقع الحكومة المغربية maroc.ma يمكنك الدخول على الموقع و تقديم شكوى ضدهم . ستجد الاتصال بالادارة و بعدها يظهر لك مكان تقديم الشكاية لمن تعنيه الشكاية . لا تترك المجال لهؤلاء يبتزوننا كل مره ارفع الشكوى و لن تخسر شئ صدقني . اكتب شكايتك على الورد ثم انقلها لموقع الحكومة المغربية . لا تتوقع الرد ان يكون حاسما لكن صدقني لو كل شخص ارسل لهم رسالة شكوى سوف تتغير المعاملة للحسن تدريجياً .

شوف الجوازات تغيرو بالفتره الاخيره للاحسن وحتي لو طلب قوله ماعندي ماراح يقولك شي وبالنسبه للجمارك اذا ماعندك شي ممنوع مافي احد يكلمك

فعلا انا لحقني شرطي الى برا المطار ويوم جيت ابي اركب سيارة احد الأصدقاء مغربي وقفني وقال مين هذا الي ركبت معاه وجيب اوراقك، قلتله ما بتاخذ ولا شي مني وإذا تبغى أوراقي جبلي الضابط المسؤول عنك بعدها انخرش وطلب مساعده قلت طيب تكلم من اول ليه تلف وتدور وجلس يحكيلي ظروفه المهم رحمته واديته ما تيسر مع ان صاحبي المغربي كان رافض ان اديه.

يا جماعه من 12 سنه وانا اجي المغرب ماشفت ولا موقف من الي تقولونه
خلك عادي واذا كلمك احد خل نفسك ماتفهم مغربي وتتيسر الامور .

قسما بالله ماشفت غير المعامله الزينه والاحترام منهم يمكن محظوظ بس مو 12 سنه
واكثر من 40 سفره للمغرب .