|
المغرب وحيد
مسافر للمغرب بعد العيد لمده شهرين
هل الرباط او اغادير او مراكش تصلح للشباب وين تنصحوني ياليت تدلوني علي فندق او شقه تكون قريبه من جميع الخدمات و ياليت تفيدوني لاني اول مره اسافر للمغرب وشكرا للجميع |
اول مره وشهرين بتجلس ..
هذي يبي لها تخطيط مدروس اتوقع اذا ماعندك شغل او بزنس او عمل بالمغرب وكل الرحله سياحه .. لن تستمر شهرين لعدة اسباب اهمها انها اول زياره لك بالمغرب ووحيد .. تمنياتي لك بالتوفيق |
والله اذا انت طالع شهرين واول مرة في المغرب
راح تممممل ومليون في الميه بتطفش ع العموم اذا انت فلاوي اكادير ومراكش بتصلح لك لكن صدقني بالكثير اسبوعين وبترجع ، رحلة موفقه |
حياكم حبايبي شفيكم ركزتوا علي المده وتركتم استفساراتي
هذا وأنتم مزاعيط تقولون طفش هههههه انا شخص هواوي وسفراتي بالأشهر دائما وودي اروح للمغرب هالمره ياليت تساعدوني بمعلومات عنها وللمعلوميه اول مره اروح دوله عربيه بحياتي ههههههه:icon1366: |
لو اعرف ادلك
انا مثلك ابحث عن شقه بالرباط يوم العيد ولمده اسبوع |
اقتباس:
لاتقارن بلد عربي ببلد اجنبي ابد ، ولكن انا اختصرت عليك وانصحك في مراكش واكادير وبالنسبه للسكن فيها متوفر كثير وخصوصاً انك لوحدك والشي الثاني روح قسم السياحة والسفر وادخل على مراكش ، اكادير .. وشوف تقارير الاعضاء والسكن واختار اللي يناسبك ولاتنسى تشوف العروض السياحية يمكن يجوز لك شي منها ، والله ولي التوفيق |
اقتباس:
مريت على قسم السياحة والسفر الى الرباط ؟ شوف وراح تحصل اللي يناسبك ومر على تجارب الاعضاء في السكن بالمغرب بالتوفيق ي غالي وتقبل مروري |
تسلم اخي ساير
دخلت قسم الرباط اغلب مواضيع الرباط قديمه من شهور او سنين الشباب بالمنتدى مواضيعهم واغلب السوالف عن مراكش واغادير شكراً لك .. |
اخوى شهرين كثيرة اذا بتجلس خذ اسبوعين ولا 3 اسابيع وبعدين اطلع اسبانيا تمشى واذا على الاماكن اسكن فى مراكش بجليز لانه قلب مراكش وكل المحلات عندك وفى اغادير عندك المارينا واماديل وكذا فندق مايحضرنى اسمه
|
اسمع وانا اخوك
شهرين اذا انت ناوي سياحة مو عمل يمديك تفر المغرب فر من شماله لجنوبه ومن شرقه لغربه وبتنبسط دامك متعود هروح لحالك اما المدن المغربية مراكش واغادير حد الواحدة منهم عشر ايام تفر المدينة فر بكل مافيه حتي ممكن تزور البيوت بيت بيت هع وانصحك لا تفوت جزر الكناري الاسبانيه بس اهم شي يكون معاك فيزا شنغل تطلع له من مطار اغادير اقل من ساعة وباقي الشهرين متر المغرب تمتير |
| الساعة الآن 11:56 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط