|
الخطوط المغربيه فالعيد
يا شباب تكفوووون ابي اي احد من الأعضاء سافر قريب عالخطوط المغربيه يعطينا المعلومة الشافية لآني شريت منهم التذكرة ب٣٨٠٠ ريال وسألتهم عن درجة الأفق قالوا ب١١ الف ريال
|
والله غلطان طيرانهم تعبان مره
|
فعلاً مرتفعة جداً وصلت خلال الأيام القليلة الماضية لـ 4000 الاف ريال مثلما ذكر لي أحد الأصدقاء يعمل في قطاع الطيران : أمر غير مقبول وشخصياً أرفض زيارة المغرب في ذروة الموسم السياحي ومع إرتفاع الأسعار هناك : في البرد تتراص المشاعر وتزدهر الأشواق ههههه |
الخطوط المغربيه افضل طياره عندهم الـ بوينغ 747 وعندهم حبه وحده فقط
لطياره اللي تقلع من السعوديه بوينغ 767 وهذي الطياره قديمه .. حرام ادفع هالمبلغ واخرتها يركبوني طياره 767 واتوقع مافيها وسائل ترفيه |
اقتباس:
كلامك صحيح،وانصح اي واحد بيسافر للمغرب يخلي المغربيه اخر خيار عنده |
الله لايهينكم ومشكورين ياغالين والشكوى لله الظاهر مالنا الا المغربيه:icon1366:
|
الله يعينك بس انصحك تاخذ جهاز الايباد معاك وجهاز شحن متنقل تتسلي في الرحله لان الطياره لايوجد بها شاشات ولا مخرج لشواحن الجوالات
|
جربوا طيران ناس اسعارهم زوينه
جدة - كازا - جدة |
انا ثلاث مرات اطلع علي طائرات مغربية من جدة
جدا جدا روعة مقاعدها واسعه مره بس وشاشات ومخرج يو اس بي والمقاعد اثنين باليمين واثنين بالشمال وثلاثة بالنص ماعمري شفت طايرة كذا الا حقت الخطوط المغربية ان شاء الله تكون طالع عليها وتنبسط واحلي ميزة بالخطوط المغربية وقت وصولها جدا حلو توصل الصباح الساعة عشره يعني يمديك تروح اي مدينة وتستفيد من اليوم كامل وبعدين دامك رايح المغرب كل شي يهون |
اقتباس:
حبيبي تبي الزبده مافية زي الخطوط السعوديه على جوك ياولد، لافي المواعيد ولا وقت الوصول وحتى الوزن يعطونك الاتحاد كانت حلوه بس خربت من تالي،صارت ربحية اكثر.. الامارات يزاحمونك الهنود ماتوصل مطار دبي الا ريحتك دهن انت وعفشك المصريه سيئة جدا طيارتهم كانم راكب ددسن .. كل الخطوط ربحية او تحاول ترفع تقيمها من ناحية الاقلاع والوصول ووقت اغلاق الرحلة.. القطريه مثلا ، لازم تجي قبل الرحله بساعتين ، طرنا عليها اخر مره وفي العوده في مطار كازا جيناك ضامنين نسحب رجولنا قبل الرحله بساعه ونص مع التفتيش والعفش وكذا بفى ساعة على الرحله وىصلنا الكونتر قال الموضف قفلنا الرحلة طفى الجهاز ومشى!! وحنا نطالع فيهم مابعد دخلوا الركاب!! قسم بالله خوينا قام يركض بالمطار يقول بيفصلوني العمل!! قعدنا يومين في المطار على مالقينا رحله..السعوديه ياولد تجيهم متاخر عادي يخاطبون الطيار يقلون له ديور يابوشباب فيه واحد بيخاويكم هههه اطقع مايشوفون التقييم، ان بغيت في الوزن زياده15كيلو عن غيرها وحتى لو زاد عادي يووزع الكيلوات على المسافرين الباقيين..(اذكر دفعنا الف وخمس مية عشان مدري كم زيادة كيلو ماتحي 15 بطيران الاتحاد ..) حتى اللي معك في الطياره زاااحفين من كثر مايسافرون المغرب يطقطقون على المضيفين يعرفونهم كلهم واللي يبدا يتكلم مغربي ههه وتستفيد تخس انهم نخُب حتى في رحلة العوده يخلونها دايم بعد المغرب يدرون انك بتكون سهران هههههه يكفيك ان الساعات اقل بدال ماتنزل بدبي ولا الدوحه وترجع شرق بعدين غرب تطول عليك المسافه ..وهنود وقلق !!! ادعي الله انهم مايخصصونها بس |
| الساعة الآن 12:04 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط