اسعار السلع والمواد الغذائيه والاستهلاكيه
 

تحيه طيبه للجميع وكل عام والجميع بالف خير

سافرت للمغرب فوق 9 مرات والعاشره في سبتمبر القادم

لكن اول سفره لي للمغرب وبعد خروجي من مطار كازا ومعي اثنين من الشباب
ونحن في الطريق الى مراكش الحمراء
ممررنا با احد محطات افريقيا لشراء بعض العصاير وبعض المواد الغذائيه

حاسبنا ومشينا ونحن في الطريق سالني صاحبي كيف تعرف ان الاسعار الي حاسبنا عليه صحيحه وكم اسعرها ؟؟

اعتقد من وجهه نظري لازم يعرف كل شخص قبل السفر اسعار السلع على الاقل المهمه والاكثر تداول

بانتظار ماتعرفون عن ذلك للافاده الاعضاء

مع الشكر

من وجهة نظر انا اذا سافرت مع اصحابي الشنط اللي معنا ع الظهر والعزبه ما اخلي شي
ع الاقل 4 او 5 كراتين مما لذ وطاب
ولا يصير تحتاج شي من المغرب غير المويه والكولا والدجاج وبس
وكلها غاليه بس اذا تبي تقارن الاسعار عليك بالسوق الشعبي وشف الفرق
ولا تروح لوحدك ولا تتكلم اخذ وانت ساكت واشر بيدك كانك تسال كم السعر

اخي العزيز والله الاسعار ماتفرق ابد
روح لمرجان او كارفور وكل شي عندهم
والاسعار مسجله وخذ اللي تحتاجه
بالتووفيق

بقوس هلالي ،كلامك منطقي وهذي يحتاج لها لفلفه وتسعير عشان تعرف الأسعار (وطبعا المحلات الصغيره بعضها مو كلهامجرد مايعرف انك اجنبي يرفع عليك السعر)
..............
الخلاصه عزيزي:اول ماتوصل روح للمرجان او أسيما او لابيل ڤي، واشتر لك أغراض اسٌبوعين(وهذي طريقتي المفضلة )

صحيح وهذا ما اعمل عليه دائما
لكن نزلت الموظوع بسبب لو دخل الشخص اي محل صغير او على الطريق
ومثل ماقلت اول مايعرف سايح راح يدبل السعر
وراح يدفع الشخص اكيد دون تردد للحاجه ولعدم المعرفه
لكن انا اود من الاخوان التفاعل مع الموظوع بحيث اي شخص يعرف اي سلعه وسعرها

مثال الكوكا كولا ب..... درهم
الولاعه ( البريكه ) ب.... درهم
كل شخص يسجل حاجه معينه الى يعرفها وفي النهايه راح يكون عند الاخوان معلومات وافيه في كل الاحوال

والشكر للتفاعل الجميع

اشتريت الصابون المغربي من محلات الجمله ب ٢١ درهم
و كان واحد بيخمني في المحلات اللي برا ب ١٥٠ درهم

لكن ربك من فوق ستر

ممتاز ومعلومه حلوه
وانا مثلك جابت لي الشغاله ب 200 درهم

الصابون المغربي 10 دراهم للكيلو اخي

الكولا بلاستيك 12،50 درهم حق 2 لتر و 9 دراهم حق لتر واحد

البريكا او الولاعه من 1 درهم ل 2 دراهم