مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   قسم الاسئلة و الاستفسارات عن المغرب (https://www.mza3et.com/morocco19/)
-   -   استفسار مدته 3 ايام وينفع الي بعدي 3 سنوات (https://www.mza3et.com/morocco23545.html)

عالي مستوااه 2014-08-26 08:54 PM

استفسار مدته 3 ايام وينفع الي بعدي 3 سنوات
 
أسعد الله مساكم / صباحكم يا مزاعيط
انا واحد اول مره اروح للمغرب واول مره اسافر الحالي واول مره اسافر جهة الغرب بعد ماخلصت من الشرق تقريبا كله المهم عشان ما اطول عليكم انا رحلتي في 29/8 والرجعه 9/9 الميزانيه 20 الف من غير التذاكر طبعا قصيت التذكره عن طريق الويب سايت للخطوط الاماراتيه ب 3315 ريال الى اغادير لكن السكن حالي حال اي واحد اول مره يسافر احترت بين صحارى والاماديل والسوفيتيل وكلمت المؤيد بالرياض يقول ب 725 لكن انا بعيد عنه وقلتله بحجز شلون قال روح للمؤيد الي باغادير فاتح 24 ساعه واحجز من عنده نفس السعر.
الاستفسارات كالتالي :
1-الميزانيه تكفي او ازودها ؟؟

2-السكن عطوني ارائكم وبالنسبه للحجز عن طريق المؤيد بأغادير مافيه مشاكل او ارتفاع بالسعر؟

3-ابي سكن في مراكش بشنو تنصحوني فيه وهل استأجر سياره او لا واذا ايه شنو السياره الكويسه لشخص واحد ؟

4- هل المغرب لشخص واحد موحشه او عادي الوضع لاني ما اسافر الا من اربعه وفوق اول مره الحالي ؟


ومشكورين وماقصرتوا

مزعوط حجازي 2014-08-26 10:01 PM

احجز باماديل افضل لك

او رويال اطلس

الميزانية تكفي اذا عرفت تتصرف وتكون جامد وما تطير من النسمة

في اغادير ما تحتاج سياره لانها صغيره وكل شي قريب منك والتكاسي تقوم بالغرض

اغادير مناسبة جدا لك خاصة انك وحداني واول مره كمان وما بتحس بالطفش اذا انت من هواة السهر والحياة الليلية

وبمراكش اسكن بالبابليون دامك لحالك

واذا ما انت راعي قرقعه وقهوة تقدر تستاجر سياره افضل لك في اغادير او مراكش

bse6 2014-08-26 10:57 PM

صعبه انك تروح ، وتحجز من هناك لان هالفتره زحمه ويمكن ماتلقى .. بالنسبه ل صحارى ماتصلح للي مايتحمل الازعاج ، والعكس ف اماديل .. اما بالنسبه للامارينا .. الافضل بس الاسعار خياليه

الي اعرفه ان سعر صحارى الغرفه مع افطار من المؤيد ب 550 ريال . مع افطار

اتمنى اكون افدتك

سعودي محيح 2014-08-26 11:26 PM

عندك الأخ محمد عاطي رقمه موجود هنا يضبطلك حجز ونعم الرجل ونعم التعامل
بالنسبه الميزانية كافيه اذا مافيه اكشن في السهر أسكن في المارينا هذا رأيي بيكون كل شي جنبك
رحله سعيدة

علاووي 2014-08-26 11:30 PM

مساكم الله بالخير

مادمت لحالك حبي وأول مرة

كنسل مراكش لأنها ماتحلا الا بالصحبة.

توصل مطار محمد الخامس بكازا تكون من الحين مضبط حجز بعد 4 ساعات الأكادير.

اما تسكن اماديل او اطلس مارينا والافضل مارينا بسبب تقارب الاسعار والمطاعم والخدمات حولك وحواليك.

الديرة صغيرة وماراح تحس بالوحدة.

المبلغ 20 تمام بس ما تكون محل الاستغلال.

عبر كبغيتي 2014-08-26 11:59 PM

بالنسبة للمؤيد انا مرتين حجزت منه وحولت له الفلوس وأرسل لي الفاوتشر بالايميل لأني غير متواجد بالرياض.

أنصحك بأماديل


ودّع اليأس وسافر واغربي ..

السمو 2014-08-27 05:19 AM

انا رحلتي لمراكش ٢٩ /٨ اذا بتكون بمراكش هات مسج ع الخاص

عالي مستوااه 2014-08-27 09:10 AM

اقتباس:

المشاركة الأصلية كتبت بواسطة مزعوط حجازي (المشاركة 389058)
احجز باماديل افضل لك

او رويال اطلس

الميزانية تكفي اذا عرفت تتصرف وتكون جامد وما تطير من النسمة

في اغادير ما تحتاج سياره لانها صغيره وكل شي قريب منك والتكاسي تقوم بالغرض

اغادير مناسبة جدا لك خاصة انك وحداني واول مره كمان وما بتحس بالطفش اذا انت من هواة السهر والحياة الليلية

وبمراكش اسكن بالبابليون دامك لحالك

واذا ما انت راعي قرقعه وقهوة تقدر تستاجر سياره افضل لك في اغادير او مراكش



شنو قصدك في جامد وماتطير من النسمه ؟

بالنسبه للبابليون واجد الي يذمونه

عالي مستوااه 2014-08-27 09:15 AM

اقتباس:

المشاركة الأصلية كتبت بواسطة bse6 (المشاركة 389064)
صعبه انك تروح ، وتحجز من هناك لان هالفتره زحمه ويمكن ماتلقى .. بالنسبه ل صحارى ماتصلح للي مايتحمل الازعاج ، والعكس ف اماديل .. اما بالنسبه للامارينا .. الافضل بس الاسعار خياليه

الي اعرفه ان سعر صحارى الغرفه مع افطار من المؤيد ب 550 ريال . مع افطار

اتمنى اكون افدتك




يعني تنصحني احجز من هنا بصراحه دخت من الفنادق المارينا غرفه وصاله لقيتها ب 2090 درهم هل هذا سعرها ؟؟

الاماديل سمعت يقولون مشاكل وماتقدر تاخذ راحتك عطني رايك لاهنت

عالي مستوااه 2014-08-27 09:17 AM

اقتباس:

المشاركة الأصلية كتبت بواسطة سعودي محيح (المشاركة 389065)
عندك الأخ محمد عاطي رقمه موجود هنا يضبطلك حجز ونعم الرجل ونعم التعامل
بالنسبه الميزانية كافيه اذا مافيه اكشن في السهر أسكن في المارينا هذا رأيي بيكون كل شي جنبك
رحله سعيدة




المارينا لقيته عند محمد عاطي ب 2090 درهم غرفه وصاله هذا سعرها بصراحه اشوفه غالي الا اذا كان الفندق 5 ستار مع اني اسمع انه مش وولابد بالنظافه


الساعة الآن 07:46 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.