|
شقق المارينا وما ادراك ما المارينا
السلام عليكم يا اخوان والعيد مبارك عليكم ندخل بالموضوع علي طول واتمني من الاخوان محمد عاطي وحسن يقرءون الموضوع والاخوان يشاركون ممكن اقول كلام غير مرتب ويخوني التعبير بس والله والله الموضوع مهم من وجهةنظري وانتوا تعرفون ان اساس اساس السفره السكن
انا اتكلم عن شقق المارينا كموقع جيد ولكن اتكلم عن الخدمات النظافه سيئه جدا الا ان تكون مظبط حالك مع الاخ اللي ينظف الحاجه الثانيه معقوله شقق فنديه لاتوفر خدمة الواي فاي يا اخوان اقل فندق بالعالم يوفر هالخدمه والا التلفزيون سبع قنوات شغاله ومرات الستالايات مو شغال والشي الاهم الاهم هو الاثاث هو صلب الموضوع معقوله يا اخوان المارينا كموقع يكون الاثاث متهالك بدرجه كبيره مثل ما يقولون من بره الله الله ومن داخل يعلم الله لا يجي احد يقولي من اللي يسكنون لا يا اخوان اصلا نوع الاثاث ردئ لازم يتجدد مو مشكله السعر غالي بس اسكن نظيف ترا اهم شي بالسفره السكن والزبون قبل لا يطلع خلي واحد يشوف الغرفه و الحاجه اللي سبب لها ضرر يدفع قيمتها وهات جديده بدالها عندك الحمامات ااجلكم الله حدث ولا حرج والمطبخ والله والله كل شي متهالك نعم صحيح المارينا في حرية اكثر نوعا ما من غير مثل تجيب اكل وحاجاتك من بره لكن السعر مقارنة باللي نشوفه حرااااااااام وفي حاجه الثانيه يقولك غرفتين صاله وحمامين وهذي اكبر شي بالمارينا علي فكره ترا ماهي غرفتين وحده ماستر مع حمام والثانيه عادية وصغيره ليس بمواصفات الماستر بالمره علي فكره والله والله اانا احب اغادير ومن سكان المارينا وكلمنا الاخوان بالاداره علي طريقة اقتراح بس ولا احد يهتك بالنسبه لي بس خلاص انا لو جيت اسكن بفندق مكان نظيف احسن والامان موجود صحيح الشقق افضل من الغرف بس اسكن في غرفه نظيفه ولا شقه متهالكه............... ارجوا الاهتمام نبي تغيييييييير تغييييييييييير وشكرا واسف عالاطاله |
فعلا كلام جميل ولو كل شخص يكتب نفس الكلام فعلا اثاث زباله انا لي 30 سنه اجي المغرب وكنت اسكن في كرم ايام العز وبعدها سكني علي طول في اماديل وجربت السنه هاذي في مرينا والله فعلا مايسوي المبلغ المدفوع فيه وياليت ابو شيماء يهتم بالموضوع
|
للي باقي للان يسكن في المارينا مع احترامي له مغفل
ياناس انا عام ٢٠٠٥ ساكن فيه ومن ذاك الوقت وعليه ملاحظات وكان يعتبر جديد بوقتها. فما بالكم الان اغادير مليئه بالبدائل. |
العمده
انت من جيل اقامه كرم والدون فيتو يالشايب هههههههههههههه لا تماشينا اجمالا الرسايل عندك فل بغيت ارسلك وماقبل. |
موضوع قيم
المشكله مو بالمارينا او غيره المشكله فينا نعرف ان المكان مايستاهل القيمة ونروح له بداعي الامان!! شوف اي فندق3 نجوم مرتب راح تحصله بقيمة500 درهم مغربي ممكن تزود شوي او تنقص وعش حياتك. المارينا مع صحارى الاول الناس تشكي من ارتفاع السعر مقابل اثاث سيء والثاني من التعامل والازعاج اللي فيه والنتيجه الزباين يزودون عندهم والاسعار ترتفع اذا الشكوى ماتجي مع قرار عملي معناتها كلام فاضي اول شي الواحد يسويه يوصل صوته للمسئول بعدها يشهر بالمكان ويقاطعه صدقني راح تتغير كثير من الاماكن وايضا راح تحصل خدمه ومنتج مقابل سعر مناسب اما الان العكس حاصل |
اقتباس:
لا تنسى الصراصير من كثرهم تحس انك ساكن في صرف صحي الله يعزكم |
طيب واذا سلمنا بالمقاطعه !!!
وش البديل ؟؟ حريه ضيوف - موسيقى ..... الخ اعطونا البديل بنفس المميزات وصدقوني راح يقاطعون امه بعد اعطونا البدييييييييييل بنفس المميزات الهمه ياشباب اللي لفو وجربو . |
السلام عليكم وأسعد الله أوقاتكم أنا أخوان لما كتبت موضوع المارينا وما أدراك ما المارينا ناخذها من باب علي قدر المحبه يكون العتاب أنا لما فتحت الموضوع اللي ابي أوصله هو ان الاخوان اصحاب في مكاتب الحجز يعطونا خبر هل وصلوا الموضوع وهل ننتظر الاجابه .. وان تكون الاجابه واضحه وصريحه هل هناك نية تجديده ومتي او لا يكون ونحن لا نفرض الراي علي احد ما علينا الا نقل الصوره انا اللي اكتبته ليس القصد مقاطعه وبديل ان ابي الموضوع يوصل وننتظر الاجابه ونحتاج مساعدة اخوانا المشرفين واخوانا المشاركين المهتمين وعلي فكره علي الرغم ان لم اسكن صحاري بس اللي اعرفه تجدد من قبل ثلاث سنين تقريبا واعتقد الله العالم ان اماديل كذلك تجدد سنة 2014 يعني الامر ما هو معجزه (((((واقتراحي ان يمكن ان يتجدد عماره عماره مو ضروري كل العماير بنفس الوقت )) .منها يكون شغله ماشي في الحجوزات ومنها تجديد..........واخيرا نبي اجابه واضحه اذا كان نعم في تجديد وان كان لا فهم احرار فيما يملكون ......... اما الاخوان اللي يتكلم عن البدائل او المقاطعه ما هو موضوعنا خلونا نركز علي نظافته وتجديده لا تضيعون أرائكم بامور اخري.........:maroc (1049):وشكرا ودمتم سالمين
|
طيب انت بكيفك
انا شخصياً مابي اسكن المارينا ابي احد ينصحني بسكن فيه كل مميزات المارينا واكييييييد ارخص هل يوجد بديل؟ |
انا سكنت فيه قبل رمضان، وما في وضع مزري للغايه.
حشرات، اثاث متهالك، سوء نظافه، دورات المياه حدث ولاحرج، يعني بالعربي ماترتاح نفسياً مِن اللي جالس تشوفه. الواحد يسافر لاجل يغير جو، ويحس بالراحة النفسيه بالسكن اللي ساكنه. مو يسكن في هالقرف اجلكم الله. |
| الساعة الآن 01:21 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط