|
تساؤل بسيط لـ خبراء الترانزيت ..!
السلام عليكم ورحمة الله
أتمنى ان يكون الجميع ب أتم صحته وعافيته وأعتذر لإدارة المنتدى والاعضاء اذا كان موضوعي في مكانه الخطأ من بين الأقسام أستفساري لخبراء الترانزيت وتحديدا من يفضلون الخطوط القطريه في حلهم وترحالهم الى بلاد المغرب الشقيق أنا عندي رحله على الخطوط القطرية من الرياض الى قطر ترانزيت ومنها للمغرب استفساري هو هل الشنط أسلمها ب مطار الرياض وأستلمها ب المغرب دايركت او لازم استلمها ب مطار حمد وارجع اشحنها مره ثانيه ؟ بالنسبه لمطار حمد كيف نظام الترانزيت عندهم ؟ وأول ما اوصل لمطارهم وين اروح وكيف اقص البوردينق حق رحلتي للمغرب ؟ لان مطارهم كبير وقد سافرت منه للأمارات وكنت راح اضيع أتمنى من ذوي الخبرة واللي قد سافروا منه للمغرب تحديدا يتجابون مع تساؤلاتي " تكرما ً لا أمرا ً " وللجميع مني كل التقدير |
عليكم السلام
الشنط تستلمها من المغرب والبوردنق راح يعطونك من الرياض . أول ما توصل شوف طيارتك كم باقي عليها وأي بوابه ورحلة سعيده |
حياك الله سلطان ، قبل فترة طلعت على القطرية للدار البيضاء من الرياض .. الشنط تشحنها من الرياض وتستلمها من الدار البيضاء ، واذا سياحية لك شنطة وحده وزن 30 كجم للشحن وشنطة صغيرة معك بالطيارة .. بالنسبة اول ما توصل للدوحة تتبع اللوحات حقت رحلات الترانزيت وبتشوف طوابير تفتيش امش معها ومن بعدها بتشيك على البوابة بالشاشة وتأكد منها.. رحلة سعيدة ان شاء الله.
|
مطار حمد يعتبر حاليا افضل مطار في الشرق الأوسط متعة السفر تبدأ من هناك
بالنسبه للشنط تشحنها دايركت لكازا وتأكد على موظف القطريه بمطار المغادره الشحن على كازا بالنسبه لك للترانزيت اذا انت درجه أولى عندك صالة الصفوه واذا انت بزنس عندك صالة المرجان اما اذا كنت سياحي بإمكانك دخول صالة المها بمقابل ١٥٠ ريال سعودي او الاكتفاء بمرافق المطار بمطاعمه واسواقه كفيله تضيع وقت الترانزيت انتبه من شغله اذا الترانزيت عندك اكثر من ثماني ساعات توفر لك القطريه فندق لكن اعتقد توجد رحله الفجر من الرياض للدوحه وتنتظر تقريبا ساعتين في الدوحه وتواصل لرحلة كازا عند شحن شنطك من الرياض بيعطيك بوردنق رحلة الرياض الدوحه وكمان بوردنق الدوحه كازا اذا وصلت بالسلامه للدوحه تتوجه لمنطقة الركاب المواصلين تخلص تفتيش وتلقائيا تتجه لصالة المغادره داخل الصاله تلاقي العديد من شاشات عرض الرحلات تتابع رحلتك وعلى اي بوابه كما يوجد العديد من موظفي المطار في الصاله لأي استفسار بس ترى قبل الإقلاع ب ٢٠ دقيقه يتم اقفال الرحله اتمنى اني افدتك ورحله سعيده ان شاء الله |
اقتباس:
شكرًا لك كلام واضح |
سؤال خارج الدرس
فيه سوق حرة بمطار محمد الخامس ووين مكانه[emoji16] |
اقتباس:
تدري يا ميمو أني زيك كل سفره ودي اروح السوق الحره اللي بالدور العلوي بس اوصل المطار واتقروش من الشنطه والصرف وأنسى موجود سوق حره في الدور العلوي مكان الرحلات الدوليه المغارده بس كيف توصل لها هذا ما عندي خلفيه سمعت من بعض المزاعيط انه يقول يدخلك لها حارس أمن ولا شرطي وتشتري ويرجعك انا اخر سفره شفت أفارقه مشترين من السوق الحره ونزلو الدرج كيف ألطريقه لا تسألني [emoji23] |
اقتباس:
القروشة حاصلة بالعفش او بالصرف بس دام فيها وجيه ودره (الشرطه) يدخلون الناس ويطلعونهم للسوق الحره ماراح تسوى علينا وحنا مسالمين وجايين بأمان الله مانسلم شلون لو معك شي ماخذه من السوق الحره |
يفيدونك الشباب
|
عشقي أمازيغيه ، مزعوط 2015 ، nam2002
شاكر لكم طيب تواجدكم وتجاوبكم وبيض الله وجيهكم دنيا وآخره .. لا خلا ولا عدم منكم أنا لي أسبوعين أتصفح المنتدى كـ زائر لأنكم بصراحه ما تركتوا لي مجال أدخل وأتساءل لفيت كل الأقسام وتصفحت كل المواضيع ولقيت أجوبه لكل تساؤلاتي وما كنت أخافه وأخشاه توصيات وتنبيهات ونصائح وقائمة سوداء جسدتوا معنى الإنتماء وقوة التلاحم بين الأعضاء والمتساءلين وشهدت معنى الأخوه بين شباب الخليج وبين أهل المغرب واللي أتحفونا بـ تواضعهم وترحيبهم لنا على أرضهم شيء أفرحني وأسعدني أننا أخوان على قلب واحد والله يديمها علينا من نعمه ويحفظها لنا لكم مني جـُـل ّ الثناء والتقدير من أوله إلى آخره .. بحفظ الله |
| الساعة الآن 02:19 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط