سايق
 

مرحبا اخواني المزاعيط سوال الله لايهينكم بخصوص السايق وانا من رواد المغرب من 2009 ولي صار معاي اخر سفره
السايق الي كان معاي طول سفراتي تغير واعزعجني في وايد شغلات حصلت مكتب الدرقاوي سايق معه سياره 480 وطبعا سياره صغيره
لانه مشاوير مراكش ايش رايكم في السعر واذا حد عنده نصيحه بخصوص الموضوع لا يبخل علي ومشكورين

مثل ماقال لك مخربها يابو علي تقدر تستأجر بنص السعر ذا سياره.250 درهم او اقل تأجر لك كليو رينو مثلا وحمل برنامج هير(here) مجاني واستمتع بالمغرب ولااحد يكدر صفوك ولايعطلك.

بعض الرواد للمغرب يفضلون عدم القيادة هناك لتجنب بعض المضايقات من الاجهزة الامنية. مع العلم اذا انت عارف الانظمة والقوانين ماعليك من اي احد ولا فيه شخص يقدر يجبرك على شي. انصح بقيادة سيارتك الخاصة ....

مرحبا اخوي مخربها واشكرك على ردك بس اخوي انا رايح اهناك اريح على الاخر يعني مبغي اتعب نفسي لا في سواقه ولا في شي

اشكر كل الاخوان على ردودهم بس اخواني انا ابغي اروح ارتاح يعني مبغي اعور راسي لا بسواقه ولا شي ثاني ومشكورين مره ثانيه

عوار الراس من السواق وقرقته
سيارة خاصة تحت رجلك افضل بكثير لان السواق المريح في مغربنا الحبيب عملة نادرة واكثرهم وللاسف طماعين على شوية نصب بصراحة يطلعونك من جو السياحة
وحداني يابوعلى وعش جوك

اذا حبيت عندي سائق خاص متعامل معاه من 8 سنوات ، تواصل معي اذا تبي رقمه

انا أسوِّق في امريكا لأنني من روادها ولكني والله لا اعرف أسوِّق في المغرب بسبب مشاكل الدرك وفعلا القارمن بالسفر صديقي الصادق
تحياتي

بالمغرب وخصوصا مراكش ماتحتاج سواق
اول مره نزلت مراكش اخذت سواق وبعدها
اخذ سيارة من المطار وانا الي اسوق
جرب يابوعلي مافي متعه لما تكون السيارة تحت ايدك

أنا امسً راجع من مراكش ... نصيحته من القلب شوفْلَك سايق صح وثقه لانه القياده بمراكش شبه جنون خاصه شارع جلييز .. وريح بالك من المواقف البايخه خاصه بعد السهرات