مداهمات مراكش
 

السلام عليكم جميعا
كنت في شهر 2 متواجد في مراكش وساكن بابيلون ولي اصدقاء ساكنين النخيل والامور طيبه ..تفاجأت بعد دخولي لهذا المنتدى الرائع بالمداهمات باغلب الاماكن التي كنا نسكنها لكن المعلومات اغلبها ناقصه كنت اتمنى وجود تقرير مثبت حتى يحذرالجميع خاصه ان رواد مراكش اغلبهم يسكنوا النخيل وبابيلون ولا يوجد عندهم شك انهم امنين للاسف..الموضوع كما تعلمون ليس ببسيط فيه امننا وسمعتنا ..ارجو من جميع من له تجربه بسكن امنه ان يدلي بدلوه او حتى غير امن حتى نحذر منه..شاكر للجميع افاداتهم مسبقا وخاصه خبراء مراكش

والله وانا اخوك الكل كان ينظر للنخيل انه أأمن شي في مراكش بعد امان الله وتفاجئنا بالمداهمات اللي صارت لكن الله يستر على الكل والجميع يارب

والله ناس تقول امن وناس تقول مايطمن ياليت الي متواجد هناك يعطينا الخبر اليقين.

انا بمراكش حالياً ما سمعت شي عن المداهمات.

معقوله ماسمعت شي احد الاخوان حاط موضوع هنا انه كبسو عليه في بابيلون من اسبوعين وغيره كثير تكلمو عن مداهمات النخيل .... الله يستر عليك وعلى الجميع ورحله موفقه ياريت تذكر لنا وين ساكن وشنو المستجدات ورحله سعيده يالغالي

انا سمعت كثير على المداهمات بس ممكن يكون حقيقيون ممكن تكون عصابات احدرو اخواني مراكش مدينة جميلة بس فيها النصب والاحتيال كثير ردو بالكم

انا كنت بعد العيد مباشرة بمراكش والمداهمات حقيقية 100% البداية ببابليون وبعدها ع الدرقاوي هذا شي انا متاكد منه وشفته

مستحيل يكون عصابات يداهموا اماكن اصحابها واصلين مثل النخيل او البابيلون ويسببون خسائر فادحه الموضوع اكيد كبير والله يستر على الجميع

الحمدلله على السلامه ياريت تخبرنا وين سكنت وكيف اللوضاع وملاحظاتك

الله يسلمك كنت ساكن بالنخيل والأمور تسهلت ،، لكن حاليا مقدر أفيدك بشي لاني بعيد عن قلب الحدث