|
عبدالسلام طنجة سمسار الفلل الحذررررر
السلام عليكم.
في البداية تم حجز فيلا في طنجة عن طريق التلفون عند الشغالة حبيبة . واثناء قدومنا لطنجة قادمين من كازا وقبل الوصول تم الاتصال عليها وذكرت لنا انها تم تأجيرها قبل وصولكم. تم الوصول لها وقامت بالاتصال على الشخص المدعو عبدالسلام صاحب الفلل والشقق بطنجة وذهبنا الى فلته الحمراء في مالاباطا وتم ايجار 5 ليالي والمشاكل اللي حصلت عنده كالتالي : 1- عبدالسلام النصاب اخر ليلة تم اطفاء الكهرباء بالفيلا . وطلب ان نغادر من الغد لوجود اشخاص سوف يستاجرون الفيلا مده اطول من مدتنا. 2- الشغالة لديه نصابة وسارقة اسمها فرح. 3- يتم مضايقتنا اثناء السهر بدخول الشغالات علينا بطلبهم بخفض صوت الموسيقى ؟؟ 4- تم سرقة نصف خروف (( حولي )) من الشغالة ولم نجده وذكرت لنا انه تم طبخه في الليالي السابقة. 5- تم سرقة مشروبات عديدة و عصيرات. وماء وفواكة ولاحظنا انها تنقص كل يوم بفرق كبير وملاحظ. 6- وتم تبليغ النصاب عبدالسلام بهذه المواضيع وقال اننا لسنا نصابين او سارقين. 7- ان الشغالة فرح لدى المدعو عبدالسلام لاتدخل الزوار بسهولة فقط للتنكيد وطلب الاكراميات. لذالك احذركم التعامل مع المدعو / عبدالسلام في طنجة والله على ما اقوله شهيد. |
هذي المواضيع الي المفروض تثبت لكن ياصاحبي انتوا الغلطانين ليش تروحون لطنجة اصلا روح لمكان مضمون اما خمس نجوم فندق عالمي له ادارة محترفة او منتجع معروف مثل النخيل او الروز قاردن
|
أنت من ضمن الاعضاء يحذروا من المدعو عبدالسلام شكراً لك عزيزي والرابط التالي لتحذير سابق https://www.mza3et.com/morocco32087.html |
اقتباس:
.. لتعم الفائدة ويبتعد جميع زوار طنجة من هذه الفئات المحترفة بالنصب. اما موضوع الفنادق او الشقق لا تناسبنا. شكراً على حرصك وردك اخوي محمد |
هذا مايبغى لة بلاك لست
يبي لة ضربة قوية تعدل دماغة وهالاشكال تعطي صورة سيئة عن البلد بغض النظر عن نوع الزائر والحمد لله على سلامتكم |
الحمدلله على السلامة ابو عامر يعطيك العافيه على الموضوع لازم هالاشكال تنعرف عشان محد يتورط بنفس اللي صار معكم و السفره تتعوض
|
الأغرب سرقة الشغالات اللي دايم اسمع عنها، وأذكر مرة جبنا أغراض خلال ثلاثة أيام خلصت ولما سألتها وينهم قالت خلصت!! وصراحة كانت الاغراض قليلة بس استغربت انها تخلص بهالسرعة.
الزبدة لابد الواحد يحكم رقابته على الاغراض ويفتح عينه، وحتى لو يرقمها، وكل ماحطت شي سألها هذا رقمه كم وهذا كم هههههه يالله يالله ولا رحنا وطي من هالسرقات |
سرقة الشغالات موجوده
خصوصاً في اللحم والرز والمويه والكولا ومهما حرصت سارقتك سارقتك |
لاحول ولاقوة الابالله ,, مثل هلمور والله انها تضيق الصدر لاكن معوض خير وانا اخوك وفدا راسك والحمدلله ع سلامتك, وياليت يابوعامر مثل هالاشكال ترفق صورهم بالموضوع عشان الكل يعرفهم لانهم لوحس انه احد عرف بحركاتهم حتى اسمائهم وارقامهم يغيرونها ويبدون شغل من جديد ع ناس جديده من ربعنا وهاتك يانصب من اول وجديد, الله يفك من هالاشكال وارجع اقول الحرص واجب وماله داعي الواحد يشتري اغراض شهر تقول مجاعه حنا وبنسبه للسكن يتم دفع اجار يومين فقط واذا عجبني الوضع كملت ماعجبني سحبت عليهم ,, وسلامتك |
الله يستر على الجميع هالافات هذي تخرب سمعة السياحه بالمغرب والمفروض الحكومه تتخذ اجراءات صارمه معها
|
| الساعة الآن 06:44 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط