التعامل الراقي والمصداقيه والأمانه والاخلاص جميعها في ( نور الهدى بطنجه)
للأمانه نور الهدي هي افضل مكتب عقار تعاملت معه بالمغرب واهم خصله فيها ماتبحث عن المصلح الشخصيه دائماً واسعارها جيدة بالنسبه لتعاملها
هذي تعتبر شهادة مني لها فقط ( واسف اني احرقت القدور [emoji13]) عاد اتمنى يانور ماترفعين اسعارك على مزاعيط عروس الشمال |
خويا ياليت تنورنا عن السعر ومنطقة الشقه ؟؟؟
|
اذكر لنا وش اللي سوته مقارنة بالآخرين [emoji108]
|
اقتباس:
فعلا نور الهدى لا تبحث عن المصلحة الشخصية وحصلت معي شخصيا بداية هذا الشهر حيث ان الذي حصل،،، هو عدم المصداقية في توفر الشقق الاسعار مبالغ فيها بشكل خيالي من قبلها تصف لك شقة وترسل صورها ،،، وعند وصولك ،، تجد شيئ آخر ،،، او العذر الدارج لديها ،،، انه تم تمديد المدة من قبل المستأجر عدم الرد على الهاتف و الواتس في حال كنت في المغرب مواقع الشقق سيئة مقارنة مع غيرها عدم النظافة اعتبر المصداقية مع نور = صفر |
اقتباس:
و انت مشاركاتك كثير فطبيعي راح ناخذ بكلامك انت |
بقول مثل بلهجتنا يلخص الموضوع ( اذكر ماوجهت ) يعني اذكر اللي حصل معك .... وللأمانه ماوجهت منها الا كل خير
وكلمتها وانا فلمغرب لا حجزت قبل ولا شي وقالتلي اسكن بندق الليله هذي وبعدها ادبرلك شقه على طلبك اصريت عليها اني ابغى شقه ودتني عند واحد اسمه رشيد ( تعامله جداً طيب ولا كلمن بشي قال انت مرسلتك نور وانا مالي شغل اتفاهم معها خذ مفتاحك وصور جوازي .) علماً اني وصلت الساعه ٢ ونص الفجر لطنجه جلست بالشقه يومين كانت عاديه للأمانه كلمتني من بكرا نور وقالت تبي تطلع قلت راح الوقت بكرا اطلع وكلمتني من بعده وطلعت ب شقه خلف كنتاكي تفتح النفس شباكها تفتحه ع البحر ..نور تعاملها جداً راقي ومؤدبه وحبوبه ومتساهله وتروح معنى وتورينا الاماكن الزينه وفادتني جداً بطنجه لأن اول مره ازور طنجه والأسعار زوينه مقارنه بتعامله والبوابين للأمانه ماشفت منهم مشاكل نهائيا. الشقه الأولى كانت عاديه كانت جنب مقهى لؤلؤة الشمال غرفتين ومطبخ ودورة مياه وانتم بكرامه وصاله الاثاث عادي وكل شي عادي بس قالو هذي يبغون يسون لها صيانه بس لأني اصريت عليهم اني ابغى شقه ب نفس الليله قالو مش حالك بهاذي وبكرا نطلعك لوحده احسن من نفسي ودون مشاكل او تعقيد منهم جلست فيها يومين سعرها كان ٨٠٠ درهم الشقه اللي فعلاً فعلاً واعره اللي خلف كنتاكي ثلاث غرف ودورتين مياه صالون كبير ومجلس داخلي اطلالة على البحر على طول لمجلسين وغررفتين سعرها ب ١٤٠٠ وقالت لأنكم اثنين فقط والاسعار هذي لان ماهو وقت موسم والله يستر من وقت المواسم مادري بكم للأمانه احرق قدرين وتغاضت عنهم من دون حتى لا تكلمني قالت ينظفو لا تخاف هذا اللي حصل معي وهذا اللي شفت من تعاملها معي |
هههههههه فبركة مواضيع اسمها استر ما واجهت ماهو اذكر ماواجهت يانور الهدى
|
التعامل الراقي والمصداقيه والأمانه والاخلاص جميعها في ( نور الهدى بطنجه)
تعاملت معها قبل عامين تقريبا ... طبعا هي تعمل في مكتب موظفة والمكتب مملوك لوحدة اسمها ايمان ... تعاملها وللامانه راقي والبنت في غاية الادب ولكن يعاب عليهم المبالغة في الاسعار واللعب على وتر الامان ممكن الشقة تؤجر ب 800 ويؤجروها ب 1500
عموما اشوف انا ان فيه خيارات افضل وارخص من نور الهدى |
اقتباس:
وانا أكد كلامك نور الهدى ترسل لك صور شقة ولما توصل تحصل غير اللي مرسله لك وتعتذر ان الشخص مدد وبصراحة ماترد على الواتس الا بعد يومين وأسعارها مبالغ فيها مرة ومواقع الشقق حقت نور الهوى مشبوهه اغلبها جنب مطعم ماكدو ومزاعيط طنجة عارفين شقق ماكدونالدز كلها مشبوهه هي والشقق اللي عند مقهى اسطنبول ولؤلؤة الشمال جميها مشبوهة ومجرد انك تسكن راح تشوف كيف وسخة العمارة والحراس والشحادين اللي ينتظرونك عند باب العمارة لأنهم عارفين ان اغلب السكان خليجين هذا غير الشرطة اعتذر ولكن نور الهدى اعتبرها فاشلة بكل المقايس |
اقتباس:
اول شي شقق لولوة الشمال اوسخ شقق ومنطقتها مشبوهه وثاني شي سعر شقق في هذي المنطقة لا تتعدى 500 درهم وكثير عليها وثالث شي سعر الشقة اللي عند كنتاكي 1400 مبالغ فيها مرة وبنسبة تقول انك حرقت مدري وش حرقت وقالت لك الله يستر عليك وماطلبت تعويض أساسا هي طلعت مبلغ الشقة ومبلغ المكتب ومبلغ اللي حرقت وزيادة اتمنى لحد يجي ويذكر محاسن نور الهدئ لان اغلب الأعضاء ذكرو سلبيات نور اكثر من إيجابياتها واحترم رايك بحكم |
الساعة الآن 01:48 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط