|
الدرقاوي وللنصب عنوان !!
سلام عليكم بعد التحية ،،
وصلت لمراكش بتاريخ ١٣ ديسمبر والعادة اسكن قريب من جليز شقة دايم اسكن فيها وكنت ناوي اكمل الى اخر الرحلة لكن خويي اصر نغير السكن ونروح لدرقاوي وما سبق لي سكنت في الدرقاوي من قبل عموماً طلعنا اليوم اللي بعدة ورحنا لدرقاوي على مدح اصحابنا اللي سكنوا فيها قبل السكن عبارة عن شقة غرفتين وصالة بقيمة ٢١٧٠ شاملة الضريبة والشغالة اخذنا الشقة اول يوم بتاريخ ١٤ ديسمبر الى يوم ٢٠ وقبل لا نطلع نسهر ويضايقنا الامن قال ممنوع تجيب ضيوف وكان مصر جدا على كلامة بحجة المنطقة اغلبها عوائل فكلمنا الادارة وغيرنا الشقة الى البوابة ٣ الوضع كان جدا مريح مبدئيا والامان ممتاز جدا لكن انزعجنا من الامن في البوابات لكثرة الالحاح على البخشيش واستقاعدهم في دخول الضيوف قلنا ماشي الحال بخشيش وتمشي الامور وكل ما نجيب ضيوف يطلب فلوس قلنا مشها مدام الامور ماشية لكن المصيبة كنا نحط فلوسنا في صندوق الامانات الخاص بالشقة ولاحظت انسحب مبلغ بسيط اول مرة نقص حوالي ٨٠٠ درهم ما دققت فيها كثير لبساطة المبلغ خويي عطاني قطتة وفي اليوم اللي بعدة تفاجئت فيها نقص حوالي ١٦٠٠ درهم كلمت خويي علشان اتاكد قال معطيك المبلغ كامل وبدا يشك في نفسة لان وقتها كنا مربوشين وعلى عجلة وكمل المبلغ مرة اخرى ولاحظت انسحب من عندي حوالي الف درهم فكنت اقول ممكن سحبتها ورغم اني متاكد ما سحبتها لكن الواحد ما يحاول يعكر جو السفرة ومش الامور وصرفيتنا في اليوم كنت احسبها اول باول واسجل المبالغ لكن كنت احسن النية واقول لعلي غلطان بعدها صرفت حوالي ١٦ الف درهم وسحبت منها ٤٠٠٠ درهم واتفاجئ من اليوم الثاني بنقص الفين درهم كاملة بدل المبلغ ١٢ الف حصلتها ١٠ جيت على طول احسب القطة السكن والمصاريف اللي حطيناها واتفاجئ بنقص حوالي ٣٠٠٠ درهم زيادة غير الالفين الاولى كملنا المبلغ ورحنا نكلمهم وانا عارف ماراح ناخذ لا حق ولا باطل بس قلت اعطي خبر للادارة على الاقل في البداية ساق الشرف علينا وحن شركة مرموقة ومن هالكلام بعد الاخذ والعطاء معه قلت له عط خبر للادارة واترك هالكلام اللي تقولة انا عارف وش اللي راح مني وما جيتة الا وانا متاكد قال لو بعطي خبر للادارة لازم نحط ثلاث اطراف علشان نتهمهم ونشكك فيهم قال .. الشغالة وانا وخويي .. ولا جاب طاري موظفين الدرقاوي ولا غيرة خويي اعرفه اكثر من ٢٠ سنة ومستحيل اشك فيه ولو سرقها وانا اشوفه قدام عيني وقال ما اخذت شئ راح اصدقة وانا مغمض وغير كذا الخزنة في غرفتي والرجال معي طول الوقت مافي مجال لشكة هذا لو فيه شكة !! وهو اللي كمل القطة بعد !! واخرتها يبي يشكننا في انفسنا كنت ناوي افتح حساب هالمرة لكن شفت الصندوق قلت مافي داعي نخليها للمرة الجاية ورحلتنا كلها اسبوع وقلت ما تسوى .. وكانت غلطتي للاسف الشديد !! عموما اعتذر عن اطالة الكلام لكن الدرقاوي هذا نصاب واخر مرة اتعامل معه واسلوبهم التطفيش في ادخال الضيوف |
أنا اشهد ان الدرقاوي تغير وخرب عن أول
ومن سنة تقريبا ما عاد سكنت فيه ، بالنسبة للسيفتي بوكس اذكر مرة اخذنا شقة وكان السيفتي بوكس فيه رقم ومفتاح يعني اذا تعطل الرقم يجيبون مفتاح ويفتحونه المهم تعطل معنا الرقم ، وبلغنا الشغالة وجابت المفتاح وفتحته لنا ): وحنا عيوننا تتطاير على بالنا ان المفتاح عند الادارة . ومعروف شغالات الدرقاوي لصوص كلهم الا ما ندر ، اذا ما سرقت فلوس سرقت من أغراضك سواء ملابس او اكل . |
يالغالي افتحو حساب ببنك وفاء اسمه الظاهر فلوسي بمبلغ رسمي ابحث عن الموضوع وراح تحصله بس عيبه لو ضاعت الصراف وانت مطلع الصراف من كازا لازم تكون بكازا علي شان تطلع بدل فاقد علما اني لا اعلم هل غيرو النظام او لا ويمكن تطلع بدل فاقد باي فرع من فروعها
|
عليكم السلام ورحمة الله
الحمد لله ع سلامتكم هذا اهم شي في الموضوع الله لايعيدهم الدرقاوي كل طقه بتعليمه. |
اقتباس:
لكن قلت خلنا نجرب هالمرة لكن للاسف تجربة كانت سيئة جداً وهذه اكبر مصيبة اذا الشغالة عندها المفتاح على كلامهم يقول المفتاح عند المدير الفترة الصباحية والمشرف المناوب في المساء فقط وعز الله الملابس ناقصة زين رجعت بملابسي هههههههه |
اقتباس:
بسيطة حتى لو ضاعت البطاقة العادة انزل على مطار مراكش دايركت من لندن بحكم اقامتي هناك لكن وثقت في السيفتي بوكس لكن عوافي كل طقة بتعليمة شاكر مرورك اخوي .. |
اقتباس:
الله يسلمك ويطول بعمرك اخوي ومثل ما قلت كل طقة بتعليمة شاكر مرورك .. |
اقتباس:
ويإك يالحبيب خذها قاعدة ومو انا الي اخبرك السيفتي بوكس يسهل فتحه والمقاطع كثيره للاسف سبق لي السكن هناك ونفس البوابه وكان صاحبي يستخدم السيفتي بوكس وعدة على خير ولله الحمد |
الحمد لله على السلامه ومعوضين خير ياغالي وعلى قولة المثل كل طقة بتعليمه ومنك استفدنا ان ماحد يسكن بالدرقاوي ويخلي اغراضه وفلوسه .
|
الحمدالله علي السلامة هذا المهم
|
| الساعة الآن 03:17 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط