|
الغلط منا نحن السياح وليس من السماسرة واصحاب المتجعات
عندي رحلة في الصيف إن شاء الله ودخلت قبل اسبوعين تقريباً اشوف الجديد من المنتجعات
وجدت رقم لإحدى الوكالات في منتجع مشهور وراسلتهم على فيلا 4 غرف وبعد يوم تقريباً رد علي برد صدمني فيلا 4 غرف بسعر 7000 درهم في اليوم !!!!!!!! طبعاً الغلط منا لأننا لا نبحث عندما نصل إلى مراكش وأي مبلغ يقولونه نقول حاضر لا يا عزيزي روح للمنتجع رأساً احجز منه ولا تصير لعبة في يد السماسرة لأنهم يستأجرون شقق وفلل في المنتجعات بنصف السعر تقريباً ثم يأجرونها على الخليجيين بالضعف أو الضعفين يا عزيزي السائح الخليجي اذا ما تعرف منتجع أو شقق متعامل مع صاحبها خل أول يوم توصل فيه راحة واليوم الثاني مكاتب العقار كثير وعلى قفى من يشيل في مراكش وغير مراكش أو حاول تصل إلى أرقام المتجعات وستأجر من اصحابها الأصليين وبتلقى برخص التراب وانتو بالكرامة اصبحنا هدف لجشع السماسرة اللي شغالين مناشير طالعين واكلين نازلين واكلين هذي نصيحة من مزعوط راح المغرب 21 مرة انبسط واسهر لكن لا تصير ملعبة يلعبون عليك السماسرة اذا كنت وحداني راح تلقى في جيليز شقق 5 نجوم بأقل من 1000 درهم في اليوم بعضها يصل إلى 500 درهم واذا كنتوا 2 شقة غرفتين كفاية عليكم طبعاً كلامي للعقلاء وليس للبطرانين اللي يقول رايح استانس ومن اسبوع الا وهو مفلس وراجع ديرته يجر اذيال خسارة فلوسه وسلامتكم بالمختصر خلك ذيب |
كلامك واقعى وجميل
اتفق معك في في كل كلمه كتبتها انا حاليا لي شهر بالمغرب واخذت جوله تقريبا على اغلب المدن وللامانه الاسعار جداً ممتازه اذا اخذتها من المالك مباشره انا اخذت فيلا ٥ غرف جدا جدا نظيفه والله من السماسره قالو لي الضعف واخذتها بسعر رخيص فيها شغالتين وحارس والنصيحه للجميع عليك ب العساسين اللي عند الفلل ما يقصرون مع الشخص المحترم مثلا لو حسيت عندك ساعتين او ثلاث فاضي خذ لفه في الاحياء الفخمه واسأل وراح تلاقي طلبك لكن للاسف الشباب يبون كل شيء جاهز وهذي الضريبه السعر يكون غالي وبالتوفيق للجميع والبلد حلوو ورخيص |
شقة ب ٥٠٠ درهم وخمس نجوم وفي جليز ولا في الاحلام تاخد بهذا سعر خصوصا بالصيف وعلى فكرة في مراكش سماسرة واصحاب الملك كلهم يد واحدة ومتبتين الاسعار على حسب الموسم انا بنت مراكش واعرف نظام مدينتي واذا حد من السماسرة او اصحاب المنتجعات يخفض سعر يتعاقب وماعاد يجيبوا لي زبااين عكس كازا .في كازا كل صاحب فيلا او سمسار يعطي سعر على كيفه بس ٧٠٠٠ اربع اشخاص مبالغ فيها في فلل ٥ غرف مستر ل خمس اشخاص ب ٤٠٠٠ درهم
|
مدري ولكن اغلبها حظوظ
والأرزاق تقسم كل واحد يأخذ نصيبه والحظ اللي مشى معاك ما مشى مع غيرك أفضل طريقه لتلاشي مشاكل السكن الاختيار المناسب والموقع والخدمات ولاتدفع حق المدة كلها اجعلها يومين يومين |
اقتباس:
مع كل الاحترام لك . اختلف معك تماما الأسعار متفاوتة في مراكش مثلها مثل اي مدينة ثانية وليس هناك اتفاق او يد وحده مثل ماذكرتي . مثال حصلت شقة غرفة وحدة وصالة بكليز عند احد المعلنيين هنا يقول ب700 درهم ..ثاني يوم بمراكش طلعت لفيت و حصلت شقه افضل منها واكبر عبارة عن غرفتين وصاله بالحي الشتوي ب800 درهم واذا كنا اثنين يقول راح ازود عليكم ميتين تطلع بالف درهم وموقعها افضل من الشقة الأولى .! الفلل نفس الكلام تحصل تفاوت كبير بالأسعار يوصل احيانا الى 60 % من السعر . في مراكش تقدر تسكن الليلة الواحدة ب80 درهم(بيوت شباب) وتقدر تسكن ب 11000 درهم(رويال منصور) . كل ماكتبته اعلاه يعرفه الكثير لكن هناك الفئة الجديدة على المغرب هي من تحتاج الافادة اكثر . تحياتي وعواشرك مبروكة |
الغلط الاول والاخير من سائح
صح |
فيه سمسار بدا يطلع يلمح لكم منتج
|
اقتباس:
لا أعمم لكن للأسف فبعض الأماكن (حتى أصحاب العقار مو شرط سماسرة) وقت يشوفو الواحد خليجي يزودون عليه السعر سواء إجار بيوت أو حتى تكاسي ومو بس عندنا حتى فدول ثانية ... مثلا تركيا والله شفت بعيني موقف صار لخليجي وزوجته مع سواق طاكسي ... زود عليهم السعر لأنهم مبينين خليجيين والمرأة منقبة ودخل الرجل فمشادة معاه ووقت يجي خليجي مامبينة ملامحو خليجي ويتكلم بلغة أجنبية ياخذوه بالتسعيرة الطبيعية (أتحدث عن اللي ماياخذون بالعداد .. مشاوير بعيدة) للأسف يفكرو أن الخليجي بئر نفط متحرك ماعارفين أن حتى الخليج بصفة عامة فيها فقراء وفيها اللي عايش عالدين حالهم حال باقي الدول ..... برأيي لازم تكون في جهة مسؤولة توحّد أسعار الشقق اللي بنفس الموقع والمواصفات وتنهج سياسة قاسية على اللي يزودون الأسعار عالسياح مهما كانت الجنسية ومهما كانت الخدمة .... يعني لازم رقاااابة |
اقتباس:
[emoji680] |
المشكله ان اكثر السياح يتبعون سياسه
يطلق عليها سياسة القطيع مركزين على مراكش اكثر من غيرها وهي بلد كبيرة وفيها الافضل والاحسن و الارخص ياخي غير شوف لك مدينه اهدأ و اروق و بالطبع راح تكون ارخص و فيها جميع مقومات السياحه لا تقولي مراكش غير قبل سنتين كانت اغادير غير بكذا راح تجبر التجار و السماسرة للرفع من جودة السكن و تخفيض الاسعار |
| الساعة الآن 10:15 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط