|
شهر نوفمبر كازا وأغادير
السلام عليكم احبتي،،
معكم اوزيل عضو جديد في المنتدى انا بسافر المغرب شهر نوفمبر لحالي ( احب السفر الوحداني) مهم حبيت اسئل كم تكلف 11 يوم بين كازا وأغادير من دون التذاكر ( ماني راعي سهر ، أسهر ب الهوتيل او شقه) وسلامتكم،، |
لايوجد رد لماذا☹️
|
وعليكم السلام اهلين اخوي اوزيل بالنسبة للتكلفة الاجمالية لـ 11 يوم تنحسب حسب مستلزماتك سكنك خلنا نقول = 3500 ريال ( سكن ليس بالرديء ولا الفاخر . فئة 3 نجوم ) . وأكلك خلنا نقول = 1500 ريال العصيرات = 1500 ريال وكم تعطي الضيوف = ؟؟ ( 5000 ريال ) ... انت وشطارتك. وهل بتستأجر سيارة = ؟؟ ( 1500 ريال ) ... انت وشطارتك. كماليات أخرى = 1000 ريال .. تقدر تستغني عنها . بالنسبة لي اشوف مبلغ (( 15000 ريال ) مناسبة جدا ً بالطبع بـ إستثناء قيمة تذاكر الطيران .. |
انت لوحدك احسب انك بتصرف اكثر لذلك انصحك تاخذ معك مبلغ احتياط او بطاقة فيزا عشان ما تتورط
|
انا مدري ليش الواحد يصر ياخذ مبلغ ي دوب يكفيه ي خوي انت رايح لديره بعيده وبعدين دراهمهم ماتجلس والله لاتصرف وانت ماتحس فيها والي يحرم نفسه السهر برا والي يقول مابي استاجر سياره والي يقول ابي اكل واجبه واحده تكفيني والي يقول ابش اطلع الكفيهات واصرف مالها داعي ي خوي انت لك كم سنه ماطلعت وضروف الحياه وضغط العمل ومشاكل الاسره والعيال وودك تسافر تنفه عن نفسك وتشم لك هواء نظيف بعيد عن منغصات الحياه ومن البيت لادوام ولا تسهر خوف تتاخر عن الدوام الان تقعط على نفسك وانت مسافر تبي تستانس وودك تسهر ي خوي لاحق على النوم والنفسيه ارحمو انفسكم الل يلعن البخل وبس مانت قد السفر لا تسافر لكن لا تروح تبهدل نفسك وتقعط عليها كلامي هنا للجميع وانا منكم المهم خذ دبل المبلغ الي قالو لك وان شاءالله ترجع ماصرفت منه شيء المهم لا تقط وجهك على فلان وفلان حولي دراهم انا طفرت طيب حنا قلنا لك مم اول الديره غاليه لا يغرونك القعيطيه ويقرلون لك يافر ماعليك تكفيك هذي نصيحتي للجميع بحكم سني وخبرتي بالحياه
سلامي |
شكرا على تفاعلكم،،
|
اقتباس:
اتفق معاك لكن بتحفظ |
تكفيك حوالي عشر الاف ريال سعودي
رحلة سعيدة |
يكفيك راتب اسبوع من أرسنال وبترجع ومعك حوالي 150 ألف باوند
|
اقتباس:
|
| الساعة الآن 02:03 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط