مجرد نصيحة
 

لاحظت في كثير من النصايح والتقارير ( لا تعطي بدون مقابل ) ( لا تدفع بدون فايدة )
النصيحة باختصار .. بدل البرهجة الزايدة ادفع للمساكين
خذ معك خردة واذا احتشدوا حولك وزع وانت ماشي بدون ما تثير المكان أو تلفت النظر
لو قابلت شايب مسكين ادفع بسخاء وبكرم راح تشيل عنه كثير ..
انت تدفع بدون ما تفكر الاف لصاحب الديسكو الي عنده ملايين بالحرام لا تستخسر في الشغالة والشحاذ والسايس دام الميزانية تسمح .. وفي الأخير هؤلاء الضعفاء هم الرصيد الحقيقي الي يبقى معك طول العمر .
وإءا كنت تقضي الليل في معصية فلا تنسى في النهار أن تطفئ غضب الرحمن بالصدقة لوجه الله .
هناك أناس فقراء لم يبيعوا أنفسهم لا تنساهم خلال سفرك اعطهم .. ال ١٠٠ درهم ما تجي ٥٠ ريال تاكل هالفقير ٣ ايام ويمكن أكثر شوف الأثر !
لا يخدعك الي يقولك استغفال و نصب
انت تتعامل مع الله مو مع الناس .. وهؤلاء مسلمون ومحتاجون و أنت تاتي سائح وتعيش في ترف تذكرهم عسى الله يرزقك من حيث لا تحتسب .
أقول هذا و أنا مقصر والله ولكن مجرد نصيحة عسى الله ينفع بها
وشكرا

كلامك درر
جزاك الله خير بس احرص توصل للمحتاج اما شحادين عصابات وصل بهم ياجرون الاطفال وهاذا استغفال والله عجوز كانت فساحة مراكش بلازا ماتت وسالت عنها جرسون القهوه ماشفتها قالي حصلوا فدارها مليونين درهم وطارده اولادها
فالمغرب فقراء كثر وسهل تجدهم وتكون فمحلها

جزاك الله خير على النصيحة

نصيحة في غير محلها ..
لما تكون سائح مو معناته انك تعطي الفقراء وتوزع اموالك ..
اذا تبي تتصدق هناك جهات رسمية ..الخ
وابناء بلدك اولى من الغريب ،
وخصوصاً فـ المغرب الخليجي مستهدف وانت كـ اللحمة بينهم الكل يريد ينهش منك ..
فـ الانسان الذكي يعرف كيف يتصرف ولايجعل الناس تطمع فيه ،
ثم يعطيهم وينويها صدقه كيف تجي هذي..!!!!!!!!!!!!!!!!

وبعدين شنو هالتلاعب بالدين ..!!
تصدق بالنهار ، وارقص بالليل..!!!
اي منهج هذا..!!
انت تشوه سمعت الدين بأسلوبك ..
صدقاتك خلها في بلدك فقط