الجمال نظرة الي الشمال
 

السلام عليكم
يسعد مساء كل المزاعيط
مدري وش اقول و وش اخلي المهم ب ابداء من الألف الى الياء واعذروني اول مره اكتب تقرير [emoji13][emoji1310]

دق صاحبي علي في نصف رمضان ورديت عليه السلام كيف الحال وقاعد يسولف علي وانا قاعد الف سمبوسة قال وش قلت في سفرية بعد رمضان رميت السمبوسة وقمت وفيني نشوة فرح هذي المكالمات الي ترد الروح ( طبعا اذا الاتصال فيه شي يشدني م اقدر أكلم وانا جالس [emoji23])
قلت وين تبي نتوجه قال سرلانكا او التشيك او جورجيا او اذربجان قلت م ودك نحذفها للمغرب قال المغرب يبيلها مصاريف كثيره قلت لو تروح المدن الي تقول بتندم ي جميل المغرب بقعد اسحبك من السكن الي المطار لنك تبي تستأنس اكثر < اسأل مجرب ولا تسال طبيب
وقلت مدامك طريت علي السفرية القلب حن والله لها تبي تخاويني شفني ب أحجز اليوم او بكره قال خلاص بكره اردلك وفِي اليوم الثاني دق صاحبي قال انا بخاويك بس بجلس 5 ايام قلت اوك انا بجلس 12 يوم اول 7 ايام لحالي وتعال انت سابع يوم قال تم قلت ارسل الجواز الأخضر ي ذيبان عشان احجزلك العوده معي الذهاب ب احجزلك بعد 7 ايام من رحلتي وانا اتسولف معه ع الجوال م دريت الا صورة من الجواز مرسله وتس قلت اشفيك متحمس قال لا تأجل عمل اليوم ل الغد قفل من عندي صاحبي ع طول حجزت .
الذهاب في 7/10 والعودة في 7/21 قيمة التذكرة 2400 ريال الخطوط السعودية .
(ومن هنا بداء التفكير)
أفكر وين الوجهه في المغرب غير مراكش لني طفشت من مراكش جاء في بالي طنجة في المقدمه ( تذكرت معلق الفروسية شقران في المقدمة ) < اعتبروها دعابه [emoji13]
وجاءت اغادير في بالي احترت بين الثنتين ودخلت منتديات كثير ابحث عن هذي المدينتين واكتشفت ان الشمال فيها من جمال الطبيعه لا يوصف من القراءه عنها والصور و قررت طنجة.
الحين نبداء البحث في السكن و السيارة و السواق بحثت م لقيت الشي الكافي استاجرت في موفنبيك اول ليلة عن طريق هوليدي مي كان أرخص المواقع كانت غرفه مطلة كلياً ع البحر هذا الي حجزته (ب 1350 غرفه وحده) < هذي النقطه برجعلها اول م دخلت الغرفه في الموفنبيك [emoji1360][emoji1512]

طبعاً طول المدة الي قبل الرحلة كنت أعد الدقائق والثواني [emoji27][emoji1173]
يتبع >>

متابعة

شباب انا اكتب التقرير في الملاحظات وانسخه هنا يجي ناقص ؟

مزاجية انا اكتب التقرير نص الكلام ينحذف ويجي متلخبط ؟

لا الجزء الاول كويس مو متلخبط

طبعاً اكتبه في الملاحظات الي في الجوال وانسخه والصقه هذي الطريقه صحيحه ؟

كذا ضبط [emoji1360]
ثانكيو

نفس الطريقة انا اكتب التقرير
واذا فيه صوره احضرها في
الاستديو وأحملها من خلال
رابط التحميل
وانسخ الكل من الملاحظات
وبعدها انسخ رابط الصورة
والصقه في المكان المحدد
وارسل الموضوع واتاكد
منه بعد الإرسال واعدل
اذا لقيت عبارة او كلمه
تحتاج تعديل
بداية جميلة رحلة سعيدة
وتابعتها معك في السناب
واستمتعت معك الله يسعدك

امين ي ابو فهد ويسعدك ي رب ❤️❤️
فيه صور كثيره جداً بس تحميلها يأخذ وقت ولا اعرفلها شكراً ع مرورك ❤️[emoji172]

https://www.up.mza3et.com/
هذا الرابط وجرب تراها سهلة
الصور تزيد جمال الموضوع