|
مطار محمد الخامس وفقدان الجواز في وفاء كاش وتعامل موظفي الجوازات
السلام عليكم
احدثكم الان من مطار محمد الخامس راجع الى السعودية ان شاء الله . وصلنا الدار البيضاء تاريخ ٨/٨/٢٠١٨ وكان باستقبالنا موظفي الجوازات باسلوب التطفيش علشان تدفع اكراميه حسب طلبهم بالاخير وبادرتهم بالرفض لان انا نظامي ولا فيه شي يستحق الاكراميه واستغربت من بعض الاخوان اللي معنا بالطياره بالدفع علشان يمشي !! المهم خلصنا منهم بعد تعب تقريباً ساعه كلها بالجوازات وقروشه لاننا ٦ اشخاص شتتونا دخلو ثلاثه وخلو ثلاثه وكل ما وصلو الكاونتر رجعوهم ثانيه كل مره بحجه وكان كل الكلام بكرت الدخول . نصيحتي للي جاي عب كرت الدخول باللغة العربيه والانجليزيه للاسم واكتب رقم الرحله والتاريخ وسجل عنوان حتى لو كان كذب اكتب اسم فندق ومدينه مثلي سجلت فندق ريلاكس الدار البيضاء . طلعنا واخذنا الشنط وتوجهنا لوفاء كاش وكان حل ممتاز جداً اودعت مبلغ المصاريف اليوميه ببطاقتين وخليت قيمة السكن كاش لان الصرف ٦٠٠٠ درهم باليوم للبطاقه الوحدة . انصح اي احد ياخذ وفاء كاش حلو جداً لاني كنت احاسب كل شي بالبطاقه بدون ما اصرف الا بعض المرات احتاج اصرف لبعض الاماكن اللي ماعندهم بطاقه . طلعنا لقينا سواقنا برا ينتظرنا وركبنا وعلى مراكش سيدة وتفاجأة لما وصلت مراكش ان جوازي في وفاء كاش بالمطار وهنا انا صارت تلف فيني الدنيا وكيف ارجع اتصلت على الفرع وكانو الموظفين في قمة الاحترام وقالو لي تبي نخليه عندنا لين تجي رحلتك قلت اوك وكنت صراحه كل يوم اتصل اتطمن على حبيبي جوازي [emoji23] وصلت المطار اليوم واتصلت على الفرع وقلت لهم اذا ممكن تطلع برا تجيب لي جوازي لانهم ما يدخلوني بدون جواز والموظف ماقصر طلع لي برا وجاب لي الجواز ودخلت وتوجهت لحرب الرجعه مع الجوازات كان فيه موظف قبل الجوازات يسال كم معك وقلت له اللي معي دولار وحسب القانون المغربي طبعاً لازم تعبي كرت الخروج نفس الدخول وقابلني موظف الجوازات بنفس اسلوب الدخول بس هالمره كانت اخف من الاولى حيث طلب بصراحه ابي اكراميه قلت له مامعي وختم الجواز ومشينا . اعتذر على الاسلوب بس حبيت اسرد لكم قصتنا السريعه ومشاكلنا . |
ياخي والله العظيم ماكذبك لكن يمكن فوق ثلاثين مره اسافر المغرب ما فيه احد طلب من اكراميه من موظفي الجوازات الا مره عام 2010يوم جيت اسافر من كازا للرياض كانت تاشيرتي السياحيه منتهيه ولمح لي بموضوع الاكراميه عشان يمشيني
عموما اعتقد السبب انكم جيتو ورى بعض كان تفرقتو والحمد لله على السلامه وسلامه الجواز |
اقتباس:
|
اقتباس:
ويجزاهم خير موظفي وفا كاش عاذراك وقت قلت أنك تتصل كل يوم تطمن هههه الجواز هيبة الشخص |
شكرا لسردك الجميل، بالنسبة لوفاء كاش هل هو موجود داخل المطار ، وهل لاحظت ان فيه فرق عن انك تصرف بصرافتك السعودية او تستخدم بطاقه وفاء كاش !
|
بالنسبه لي شخصيا اشوف الوضع احسن من اول خف طلب الاكراميه وخصوصا انه جابوا موظفين جدد وصغار فيه كم واحد قديم يعرفون وجيههم رواد المغرب
اما بالنسبه للكرت انصح انه تكتبه عربي انقليزي وتكتب كل شي من رقم الرحله والعنوان اغلبهم يدور غلطه او شي ناقص عشان تكون له حجه في طلب الاكراميه اذا مضبط امورك ما يقدر يسوي لك شي |
اقتباس:
والله يالغالي هذا اللي حصل معي ومع اغلب السعوديين بالطياره لدرجة كل ما مرني واحد قال عطه خمسين ريال وتمشي امورك قلت والله لو اجلس لين بكره مادفع له [emoji49] هو اللي يوزع الناس صار كل سعودي يرسله لهذا الشخص وهذا انواع النشبه ويدور اي زله واذامافيه طلب شي جديد لدرجة يقول حط اسم الشارع اللي عليه الفندق |
اقتباس:
لا والله المسكين اللي يدفع وهو ماعنده اي غلط .. انتي شكل معك واسطه ???????? |
اقتباس:
الله يسلمك .. فعلاً جميل ما انساه طول عمري منهم |
اقتباس:
ايه وفاءكاش بعد منطقة العفش فيه باب اول ماتطلع من هالباب تروح يمين اخر الممر على اليمين مقابل المدخل حق الصالة 2 جربت صرفت من صرافة سعودية سعر الصرف 2.45 ورسوم سحب 19 ريال وفاء كاش افضل من الصرافه السعودية |
| الساعة الآن 01:27 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط