تحذير من سمسار فلل مراكش ( عبدالصمد )
مرحبا بالجميع ..
في وقت بحثي لفلل مراكش تواصلت مع الاخ ( ابو فالح ) من المنتدى وذكر لي ان الفيلا اللي يملكها موقتا غير متاحة للتاجير ، ودلني ع شخص اسمه عبدالصمد وقال لي ان تعامله موثوق واكثر من مرة يتعامل معه ، بناء ع هالكلام تم حجز فيلا بشهر ثمانية لست اشخاص ودفعنا عربون قبل السفرة بشهر ونص ( جميع الوثائق موجودة لدي ) ولما وصلنا قالو اللي ساكنين الفيلا مددو فيها وبكرا يطلعون ! ومن بكرا ودونا لكذا فيلا خايسة اخرى وبشروط اصعب وحرية اقل وسعر اعلى بعذر ان اصحاب الفيلا مددو فيها بعد ليوم اخر ! وفوق كذا يماطلون في ارجاع العربون ، الان مر اكثر من شهر في محاولات استرجاع العربون ( ٥٠٠٠ درهم ) بدون فايدة ، ابو فالح يقول مالي علاقة فيه وعبدالصمد مايرد ومعطي بعض الشباب بلوك ، لذلك حذرتكم وبحاول انزل صورته قريب حتى لو غير اسمه تعرفونه . |
|
بصراحه مثل هدا الأشكال يلي يبوزه سمعت مغرب احسن شي سويته انك تنبه غيرك وانت ربي يعوضك واحد مايتعامل مع حدا مو مضمون هدا زمن نصب ع فكرة مو ع خليجين وبس حتى ع مغاربه بينصبو عليهم
|
كان جلست بفلا اي كلام بحساب العربون واليوم الثاني غير وكذا تضمن عربونك بس معوض خير ومره ثانيه لا تحول رح ودور احسن لك او اذا حصلت احد يحجز بدون عربون .
|
عندك ادلة علي التحويل و المحادثات اللي بينكم لو مكانك احط بلاغ بالشرطة
بما انه ما وفر المطلوب يرجعك العربون هذا ادا كان محترم بس السماسرة معروفين يحلف و يكذب |
!!!!!!!!
|
معوض خير
الحذر يااخوان شغلت حولي عربون هذي مادخلت مخي :maroc (914):لا احد يحول يبي يحجزلك بدون تحويل ياهلا ومرحبًا. تحويل اسحب عليه ماأكثر الفلل والشقق |
معوض خير اخي الكريم
المشكله عندنا ثقه زايده انا بحجز بفلوسي وهو ماسوى هالفله او الشقه الايتمنى يأجر على الخليجي والسعودي خاصه اذا بيحجز بدون تحويلات وخرابيط اتفق معه اما اني احول واسافر وينصبون علي لا والله لاتدفع شي الا بعد ماتشوف السكن اللي بنأجره وبشرط ندفع يومي بعد او يومين بالكثير لانه من كثر ماسمعنا وشفنا من قصص معاد تأمن لاحد تدفع اسبوع ويقلبون عليك ثاني يوم ويطفشونك لكن الدفع اليومي يبقون اخلاق عاليه معك لين تخرج وعلى قولة اخواننا المصريين ولاد الحرام مسابوش لاولاد الحلال حاجه |
افضل شي تعامل مع شركات سياحية ومكاتب معتمدة
ومشكور على التحذير |
احد يدفع عربون حق سمسار متعرف عليه بالنت ؟ اروح اسكن بفندق ولا اعطيه درهم ... في اسوا الاحوال لو ضيعت دربك ومولاقي فيلا .... وقف سيارتك بموقف القطار بمراكش وانزل علي رجولك اختار لك تكسي كبير يطلعلك فله علي شوف عينك غير مذكوره بالنت وخمس نجوم وخدمات كامله
للعلم الشقق و الفلل اللي مذكوره بالموقع جزء صغير جدا من اللي موجود بمراكش .... وهي اوصخ واقذر واكثر شبهه بمراكش .... انتشروا في مراكش وكل واحد يشد حيله بسكن جديد لا يدلينا عليه وتركوا سياسه القطيع |
الساعة الآن 04:09 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط