تغطيات السناب
 

مساااء الخير لجميع المزاعيط والمزعوطات
عندي ملاحظه بسيطه على تغطيات سناب مزاعيط
وهي كل من استلم السناب قلب علينا كنه دكتور في جامعة ام القرى وهو من اسلوبه وذوقه فالاغاني يتضح انه رايح فيهاا .
فا ياشباب الي بيغطي لنا ولمشاهدين سناب مزاعيط يلبي رغباتنا مهب نصائح وجدار ابيض ولا ماسك خط طالع من المدينه الفلانيه الى الفلانيه .
حنا نبحث عن السكن نظافته جماليته سعره والسياره
واسعار المطاعم او المقاهي او الديسكوات
ولا يمنع من بعض النصائح كل يومين او ثلاثه . مهب نصائح نصائح يكهرك فالسناب او يجبرك على كسر شاشة جوالك من كثر السكبات .
والنصيحه الاخيره لا احد يتقمص شخصية حنفى الاوبهى حنفى ما شاء الله الله عطاه قبول وكريزما وانسان لبق
وقبل ذلك قبول من المشاهدين لطرحه وشطحاته في بعض الاحيان وانسان ذكي جميع ما يطرحه غير مكرر ونستفيد من تغطيته لماكن وسعر كلا من السكن والسياره والمطعم والمغسله والمقهى واماكن السهر وشخص يتحدث بصراحه لو السكن غالي قال غالي ولو السكن غير نضيف قال غير نضيف واذكر احد سناباته وهو يتحدث عن السكن صور لنا عقرب داخل غرفة النوم علمآ بان المجمع ماجربنه فله كامله بربع قيمتها والسبب انه لحاله . لو شخص ثاني ممكن ما يذكر هذي الملاحظه ولكن حنفى الاوبه منهجيته فالطرح واضحه وصريحه ولا تتغير .

ختامآ تقبلو ملاحظاتي بصدر رحب .
اخوكم / البراق

كلام جميل بس اتوقع السكن اشبع نقاش في المنتدى الين صار فائض فيه بزود ، والسناب أيضا ، والاسعار مقاهي ومغاسل ومطاعم وسهر نفس الحال ،،، يبقى انه اذا كان فيه جديد خذه او مافي جديد خليه ع جنب ،،،، وانا بالفعل استغرب معاك انه كل مرررررره ناس تذكر السكن والاسعار والطيور وووووو للمره المليووووون ،،،، غرائب وعجائب صراحه
تحياتي وتقبل مروري وانتقادي

السكن اسعاره غير ثابته ويفرق سكن عن سكن
من ناحية جودة الاثاث وعدد الغرف
والسياره نفس الحكاية وكيف تحربتك مع مكتب التاجير وخدماتهم واجراءاتهم وتقييمك لهم هنا المقصود

السكن مايقرب واجد وأسعاره الغير ثابته ماراح تنزل وتفرق الشي الللي ممكن انه يتخيل ،، عدد الغرف والأثاث هذي صارت واضحة للجميع ،،، التأجير السياره واضح برضه مين المكتب الممتاز من خلال تجارب المئات ،،،،، انا ماعرف الرجل بسلامته لكن برضه التكرار في أسئلة غير مجدية ولا مفيده يخلي الموضوع شوي بدون ملح ،،،، تحياتي

يعني واحد مسافر ويبي يغطي سناب
من المفروض او الطبيعي انه يلبي رغبات الجميع
والثاني والاهم كثرة النصائح والتضجر من السعودين
تقول انه مقطوع سره في ميدان بيكا ديللي ما يدري ان فيه بمجتمعنا هذي العينات. ياخي اماكن السهر ندري ان فيها الصاحي وفيها الخربان لكن عطنا انطباعك عنها بالشي المختصر والمفيد مهب كنك تكتب تقرير عن السائح السعودي لوزارة الخارجيه.

اختلف معك السناب ليس متوفر لتلبية رغبات الجميع ، بينما هو موافقة من الادارة للعضو بنقل يومياته ولنا الحق في تقييمها بالنهاية ،،،،

يلبي رغبات المشاهدين بالشي المعقول
مو اذا سئله احد عن السكن قال راجع المنتدى
سئله شخص ثاني عن السياره قال راجع المنتدى
بعدين هذي من اهم فوائد السناب اذا اعرف انك مستاجر سكن بهذي القيمه
ادري ان المعلن فالمنتدى ما راح يشطح بمبلغ زائد ولكن بالشي المعقول مع مراعات اوقت الذروه ومكتب تاجير السيارات والمطاعم نفس الحكاية .
عالعموم هذي وجة نظري اتمنى الجميع يتقبلها بصدر رحب لان الي اشوفه الان بالسناب غير مفيد لي .
غير حنفى الاوبه لا يوجد الى الان .

قلت اللي في الخاطري ووفرت علي كتابه موضوع
ياخي اشكرك الله

[emoji8][emoji106]

طيب تقول اختلف معك واحترم وجهك نظرك
الان الان تغطية السناب الي مع العضو واخونا محمد وله كل التقدير والاحترام لكن وش استفدنا من تغطيته
خطوط سريعه واغاني شعبيه وسئله احد المتابعين عن السكن قال موجود المعلن فالمنتدى راجع المنتدى سئله شخص ثاني عن السياره نفس الحكاية واكثر يومياته جدار ابيض ولا الباب الي عليه ستاره . انا كا متابع لم استفد من تغطيته بشي ممكن غيري له وجهة نظر ثانيه احترمها وعلى راسي انا قلت وجهة نظر فقط لا اكثر ولا اقل