مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   صاله عشاق المغرب العامة (https://www.mza3et.com/morocco2/)
-   -   وش هالمبزره الي في مراكش واستعراضهم بالبنتلي والروز رايس ???? (https://www.mza3et.com/morocco41151.html)

الأحسائي 2019-08-01 12:24 AM

وش هالمبزره الي في مراكش واستعراضهم بالبنتلي والروز رايس ????
 
صارت مراكش بالتحديد براهيش وفوق على هذا طايحين في كسره سيارات سعوديه وكويتيه مليانه عبارات واشكال مالها اي داعي احس الناس هنا تنتظر لهم بزدراء وليتها سياره تمتع ناظريك بل كسره حديده ناقلها للمغرب ومسبب ارزعاج بالأصوات كل هذا فراغ او استعراض الي بيستعرض يستعرض بشي فخم ولا يستعرض بكسره حديده شاحنها ومتعب حالك والله اني حسيت اني في منفوحة ولا حي الخليج بالدمام ايش هالاشكال هاذي والمصيبه كميه مبزره مخربين الوضع في المغرب لكن ما تنلام باقي صغير ولا تنسى حركاتك ماهي محسوبه عليك تراها محسوبه على دولكم وعلى ناسكم .

DarkMoon 2019-08-01 12:33 AM

الوضع في مراكش اصبح لا يطاق

rshod_rr 2019-08-01 12:41 AM

هم نفسهم اصحاب الشيلات لكن كان الله بالعون

فارس بني خيبان 2019-08-01 01:01 AM

صهد ولا فيه بحر وكملت يوم تقولين جايين مبزره الي يروح لمراكش من اليومين ظالم لنفسه

nonfun 2019-08-01 01:50 AM

ياما حذرت من مراكش لانها اصبحت مرتع للرعاع من الشعوب اللي لا يمثل الا نفسه اما دولته فهي بريئة منه براءة الذئب من دم يوسف عليه السلام .

كرهت المظاهر الكذابه
من تواضع لله رفعه ،
تحياتي للجميع

أبوتركي 2019-08-01 04:54 AM

ياعندي كلام كثير لو اقوله انحظرت عضويتي، الزبده هالاشكال خربت على الناس المتواضعه اللي جايه توسع صدورها ببساطه ورواقه مو على مستوى المغرب، على مستوى العالم بكل دوله تشوف هالشوفات من الخليجيين خاصه فلا تستغرب لما تشوف الشي اللي ب 100 ريال يصير عليك ب 500 ريال ولا تستغرب انهم يشوفونك صراف متحرك، لذلك اقولها بكل صراحه كل ماسافرت حتى لو بالخليج ومعي ناس يوافقون رايي صرنا ندور الاماكن اللي مو فيه ربعنا، كنت متواصل مع مسوقه مغربيه بالمغرب وتفاوضت معها على شقه المهم طال النقاش قالت شوف انا ماشفتك بس عارفه ان معاك رنج ب 1000 درهم اليوم وتسهر ب 2000 اليوم ومستخسر تدفع في سكن 1500 درهم خلوا عنكم (الهياط) بهالطريقه كان تعاملها غير مهني ولكنها من كثر ماشافت تحسب كل الناس سوا

مهتم 2019-08-01 09:42 AM

من يوم فتحو هالمبزه عيونهم على الديره. وغزاها حقين مصر وسوريا. والجو ذاك اللي مافي مثله لو تفر العالم،، صار في إنحدار. ليت الزمان يعود يوما.
صارت الراحه في المدن الصغيره والأرياف. كلا بسبب هالعالم لمهايطيه اللي أخلاقهم دمار.
الحين اللي يعرف الديره زمان. ما يرتاح يجيها. واذا جا يندم كل ما شاف شي ما عجبه.
عاد شف اذا تغير شي مع الوقت احسن، قابلني.
والحقيقة التغيير مع دخول عصر الانترنت والتواصل صار اسوء.
تبادل ثقافات ههههه
اول ما اندمرت كازا و اغادير بعدها راحت مراكش ولاحقتها من كم سنه الا الحين طنجه. ياخي وين نروح وجده ولا الصحرا عشان نشوف مغرب زمان. هههه

حريزية 2019-08-01 09:43 AM

عادي حتي لندن نفس نظام م زمان وليس حديث العهد اظن انها عقدة النقص عند بعض مكونات شعب الخليج

nooraah 2019-08-01 09:53 AM

خذو مني نصيحة ثمينه
عيشو وخلو الناس تعيش[emoji276][emoji1318]

بـــرق 2019-08-01 10:06 AM

المشكله ان هالمظاهر ما تجيب لك الا وجع الراس و ابسطها الكلام حتى لو ما سمعته

لهذا السبب اعتزلت مراكش و اغادير لان الكل عينه عليها و يشوف ان كل شئ فيها سهل فالابتعاد عنها صار هو الافضل

انا ايش ابي باللي يلاحقني او يمثل انه يحبني لجل المظاهر

لكن ما فيه فايده ما راح نقدر نغير افكار الناس كلها و علينا النصح لكن نقدر نبدء بأنفسنا و مبعد عن مراكش و مدن المغرب كثير


الساعة الآن 04:29 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.