تجربة الصرف من مكة المكرمة .. ما له وما عليه
برزت مؤخراً مسألة الصرف من مكة المكرمة من الصرافين بجوار الحرم نظراً لأنه الأفضل واعلى من أي مكان أخر وحتى أفضل من الصرف بالمغرب وبفرق مغري , ولكن وبالرغم من ذلك الصرف من مكة له بعض الايجابيات والسلبيات الحين عند الدخول أو الخروج للمغرب القانون يمنع حمل أكثر من 2000 درهم كاش نظراً للسياسة النقدية المتبعة في حركة صرف الدرهم وللتحكم به رغم التحرير الجزئي المطبق حالياً والذي يتم التحكم به بشكل كامل عن طريق البنك المركزي الفائدة الوحيدة للصرف من مكة هي السعر العالي ولا يوجد غيرها . السلبيات : 1. صعوبة توفير مبالغ كبيرة وكذلك الورق النقدي المتوفر ما يقدر اللي يبغى يصرف يلقى ورقة من أم 200 درهم أو 100 مثلاً لو محتاج 40 ألف أو 50 ألف درهم فهذا المبلغ ممكن يكون مشكل بين الأوراق النقدية المختلفة هذا لو المبلغ متوفر عند صراف واحد , وحتى لو لقاه المسافر وراح تكون كمية الورق النقدي ضخمه وحوسه في أن الواحد يخبيها مع بعض . 2. عند الخروج من المطار بالسعودية ما دام المبلغ أقل من ما يعادل 60 ألف ريال فما عند المسافر مشكلة لكن لو أكثر ضروري يصرح بالمبلغ بمكتب وزارة المالية اللي بالمطار مع تقديم الأوراق الثبوتيه لمصدر المبلغ . ولو فرضنا المسافر راح يوزع المبلغ بالشنط المشحونه الخاصة فيه فهنا ممكن يدخل في قلق ماله داعي والاحتمالات والسيناريوهات كثيرة. 3. عند الوصول للمغرب محد حولك وهذي حقيقة وحالياً محد يدقق بالمطار والشنط تمر بالجهاز سواء الكبيرة أو الصغيرة اللي باليد لكن ممكن يطلب من المسافر فتح شناطه للتقفتيش . المسافر ممكن يغلف شناطه حتى يحمي اغراضه ولو الكاش المغربي في الشنطة ماشي الحال فيه شوي راحة خصوصاً يضمن الواحد بنسبه كبيرة محد من الخدمات الأرضية بمطار الوصول بالمغرب يعبث في محتوياتها لكن فيه نسبه مخاطرة نظراً لسوء خدماتهم الارضية وبالمغرب تتوقع اي شي منهم خصوصاً بالمواسم اللي فيها ضغط. وحتى لو الكاش مع المسافر في حقيبة اليد تبقى نسبة بسيطة بالجمارك يطلبوا تفتيشها . 4. فيه اللي يعرف ويتعامل مع صرافين بمكة وقبل كل رحلة للمغرب يتواصل معهم وحسب الترتيبات بينهم يتم توفير المبلغ المطلوب وبمطار جدة يصرحوا بالمبلغ اللي معهم عادي لأن مكتب المالية ماله دخل بسياسة المغرب النقدية وبعضهم يحط الفلوس بالشنطه ويغلفها ولما يوصل المغرب يدف الجمارك ب 100 أو 200 ريال وتمشي أمورة خصوصاً بعضهم يكون معاه معسل وشيشة ودخان وهدايا وممكن يكون مر على سوق حرة بالطريق للمغرب واشترى منهم شراب وغالباً بالمغرب يقفل على شناطه بغرفة منفصلة وفيها الفلوس وبعضهم يغير مفتاح الغرفة أو متعود يسكن بسكن خاص أو متعودين عليه وعلى طباعه وحتى الخدم معروفين عنده , وبالعموم هم حالات خاصة وقليله . اللي يهمنا هم المسافرين العاديين وبحسبه بسيطة هذول كم الميزانية حقتهم ؟؟ لو قلنا الفرق بالصرف بين مكة والمغرب هو 10 سنتيم (السنتيم هو ما يعادل الهلل عندنا والدرهم 100 سنتيم) يعني بكل 10 ألاف ريال الفرق راح يكون 1000 درهم فهل يستاهل الفرق هذا كل هذي القروشه ؟ الغالبية من المسافرين ميزانيتهم أقل من ذلك لانهم من ذوي المدد القصيرة بالسفر الموضوع مثل المعادلة الحسابية تحكمها اولويات المسافر وهو الوحيد اللي يقدر يوزنها لكن لو المسافر يهمه كثير سعر الصرف وعنده استعداد يغامر يقدر يسويها وهو مرتاح بنسبه كبيرة لأنه ما راح يتفتش وهو داخل إلا ما ندر ولما يوصل يفتح حساب في وفاكاش ورغم أني ضد التفكير هذا ولا احب اشيل كاش معي مو بس بالمغرب ولكن حتى بغيرها إلا انه جرى توضيح الموضوع للفائدة واتمنى مشاركة وتفاعل الاعضاء بهذا الخصوص |
مثل ماتفضلت اذا كان الفارق بس 200/300ريال او بالنسبه لي 400ريال ههه ماتفرق ولا تسوى القروشه لكن اذا كانو قروب اربع اشخاص مثلا والفارق بين مطار كازا وصرافين مكه 25سنتيم تصير محرزه حسب قطتهم بالنسبه للجمارك المغربيه المسار السريع 200درهم وانسى الموضوع
|
اقتباس:
|
والله مخاطرة بحمل مبالغ كبيره
والفرق مايسوى وتلاقية همه وتفكيره بالفلوس لين ينزل المطار في المغرب ولا ينام بالطياره هههههههههههه هواجسس انواع التخيلات |
اقتباس:
وبعد ما يوصل تطير الفلوس منه والحرص الكبير على الصرف يصير بخبر كان |
المخاطره كبيره جدا صراحه وانا مجربها رحت لحالي وكان معي 15 الف ريال كاش وحولتها دراهم في المطار صارت رزمتين ورق كثيره ، وطبعا كانت النية اني افتح حساب فلوسي في بنك وفاء كاش واودعهم بس قالت لي الموظفة ان البطاقات مخلصة ، واضطريت اشيل كل هالمبلغ كاش معي وفعلا فكرت أكثر من مره اني لحالي ولو انسرق مني هالمبلغ في بداية السفرة راح اكون في وضع سيء
ما أنصح أحد ياخذ معه مبالغ كبيرة كاش. |
اقتباس:
هذا والله اللي ما حسبنا حسابه |
قبل كم يوم نزلت مطار اكادير وصرفت من وفا كاش واودعت المبلغ بالحساب
الف ريال تساوي 2584 درهم والسحب اليومي 6000 كذا الواحد يشتري دماغه من التنقل بالمبلغ من مكان الى مكان |
عزيزي تاكد من سعر الصرف
ماوصل لهذا الرقم الي الان ممكن الالف ب ٢٥٠٨ |
الصرف من مكة لاهل مكة ممكن اما من خارج مكة صعبة مشوار طريق وبنزين وهجولة صرافين اصرف من المغرب اريح لي
|
الساعة الآن 12:05 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط