|
الروز قاردن وماادراك ماالروز
السلام عليكم ...
موضوعي عن منتجع الروز قاردن بمدينة مراكش.... بصراحه انا من رواد هالمكان من حوالي 4 سنوات وكنت اجيه كل شهرين والثلاث سفرات الاخيره لاحضت انه هالمكان وصل لأسوء حالاته من .. غش + استغلال + نصب وبكل وضوح السبب كثرة الاقبال على هالمنتجع والعالم سراء عليه واحيانا تلاقي ناس نايمين الصباح على المسبح او قدام الرسبشن علشان ينتظرون فللهم تجهز وتتسلم لهم طبعا كل هالاقبال وجد بسبب فوبيا الامان والحريه مع ان مراكش صار فيها خيارات كثيرة بصراحه انا ماحطيت هالموضوع الا من شي شفته بعيني واللي خلاني انزل هالموضوع اني قبل اسبوع كنت فيه وصارت لي فيه مشكلة كالعاده وتناقشت مع واحد من ادارة الروز فا قالي بكل وضوح ان الروز عنده زباين كثير وعادي لو خسرنا كم زبون بسبب نصب او احتيال وكمان الرجل واثق من اقبال الناس على الروز قاردن طبعا هالثقه خلت الرجال ياخذ راحتة بالكلام لانه واثق من ان هالمنتجع مراح يفضى نهائي طبعا كلامه خلاني اكتب لكم هالموضوع ملاحظة طبعا هو قالي هالكلام وانا زبون من 4 سنوات وكل شهرين عنده! ولما شفت حقارته وعدم احترامه لي تهاوشت معهم وسويت مشكلة والحمدلله اخذت حقي بس بعد ايش بعد مانشف ريقي واخذت ساعات نقاش وجدال شكلهم ناسين ان زباينهم فقط خليجين واكثرهم سعوديين .. انا متاكد ان كل رواد الروز قاردن اللي هنا كل واحد منهم عنده قصص وبلاوي من هالمنتجع[emoji23] اترك للاخوان الكرام التعليق .... |
تكاتفو واتحدو ويفضاء المنتجع
بس حددلنا وش كانت مشكلتك عشان نعرف |
انا لطنحه الحين وكنت مخطط احيه السبت القادم بس مع كلامك بديت أتراجع لكن قلي وش البديل الدرقاوي يحذرون منه ملايا بعيد ولا فيه بقاله للزنقات والباقي جليز يشتكيك احد او اثاث تعبان او مكان مشبوه
|
أي مكان وأي منتجع فيه زحمه =
استغلال + جشع + عدم احترام ياخي غيرو اطلعو من جو الكذب هذا يلعبون على بعض الاشخاص تحت مسمى ( الأمان ) الامان لما تكون محترم وحتى لو تسهر بالفيلا محترم حدودك ومحترم العاملين وماتسوي شغل هياط ( محد بيتعرض لك ) هذي النقطة الي من سنين وحنا نقولها ولكن لاحياة لمن تنادي . عموماً عندك خيارات كثيرة جداً جداً جداً خصوصا في مراكش فلا تربط نفسك بأماكن بسبب كذبة الأمان . |
عليكم السلام ورحمه الله وبركاته
ممكن تحدد المشكله ونوعها مافهمنا من موضوعك الا انك تهاوشت معهم وماقدروا انك زبون لهم وووووو عشان ناخذ الحذر وندلي بدلونا بالموضوع ومثل ماقال mesh الامان لعبه والاختيارات كثيره وللاسف البعض خربوهم وعطوهم اكثر من حقهم وياليت يوقفون عند حدهم واتوقع فيه موضوع سبق اقفاله لانه تعرض للروز قاردن وقلل من مستواه . |
اقتباس:
سبق وان كتبت موضوع عن منتجع الروزقاردن وتم حذفه من قبل الادارة بالمنتدى اتمنى هالموضوع ما ينحذف ويعرفون الناس ان المجمع هذا فيهم استغلال وكذب ونصب على الزباين بشكل غير طبيعي مع احترامي للأخ الخلوق فصيل ابو ادم صاحب المجمع انا متاكد انه مايدري عن الي يصير من موظفين الاستقبال وعن مشاكلهم مع الزباين عند التشيك آوت اتحدى اي مجموعة شباب سكنو بالمجمع وهم طالعين ما اتهموهم بتكسير او حرق او ضياع مفاتيح الغرف وغيرها من افلام ابتعدو عن الروزقاردن قدر المستطاع المنتجعات كثيرة اوليفار بلص - منوار النخيل - ايدج بلص - مجمع العليا منتجع ملايا - سيكرت قاردن - سكرة وغيرها كثير.. |
اقتباس:
ولا تنسوا أن الروز كاردن تم بناءه فوق مقبرة ملاحظة: صاحب المجمع يعرف بما يقع من نصب واحتيال حق المعرفة. في أمان الله |
اخوي الكريم azoz108
اعتذر منك في اغلاق الموضوع لأن لم اجد شي واضح لأن لم تذكر المشكلة التي حدثت لك وبعدها اخبرك الموظف أن الموضوع عادي لو نخسر اي زبون بسبب النصب والاحتيال لأن زبائنا كثير. الموضوع يحتاج إيضاح وادلة واضحه من حقك تعلق على تصرفات الزبائن الي نائمين بالمسبح او عند الرسبشن بسبب تأخر بالدخول . |
| الساعة الآن 09:00 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط