تجربتي للقاهره وتحذير منها
 

اهلين يامزاعيط :maroc (1065):


رحت مصر من 8 شهور تقريبا والان بروح لها مره ثانية بعد كمن اسبوع ، اسوء مدينة زرتها في حياتي السياحية لكن مجبور اروح لسبب معين . المهم مالكم بالطويله ، لما رحت لها اخر مره كنت مسافر لحالي وانا امشي بشارع الدول العربية الساعة 11 صباحا وانا طالع من مصرف اصرف دولارتي مع انها كانت حوالي 100 دولار يعني شي بسيط مااخذ معي فلوس كثير ودايما حريص المهم قرب من عندي اثنين شباب مراهقين ويشحتون مني المهم قلت لهم ماعندي بنفس خايسه ولاعطيتهم وجه وحاولي يضربوني يفكروني بخاف وبهرب لكن قاومتهم وخافوا ومشوا :maroc (1065): الغريبه مافي احد بالشارع مع انه صباح وشارع عام . المهم ياشباب الحذر لما تمشي لحالك في القاهرة وخاصتن شارع جامعة الدول العربية يعني الي حصلي في عز النهار كيف في اليل ؟



ومن حركات النصب الي مرت علي ، اخذت اوبر ووصلني المكان الي ابي لكن ماقفل الرحله وكان ينتظر برا والحسابه بتحسب وانا ماقلت له ينتظر وكنت مخزن بطاقتي الائتمانية بتطبيق اوبر يعني ماادفع كاش ، المهم السواق غبي ، رفعت شكوا في اوبر وعوضوني عن الرحلة وحاسبوا السواق ورجعت فلوسي ببطاقتي :maroc (1065): . الي يروح مصر لازم الواحد يكون مفتح ولا يثق في احد ولا تروح عليه .

في حاجه نسيت اذكرها ، لما كنت بالمقهى كان فيه واحد من الي يشتغل في المقهى يدور ومعه ايباد ويركز على الخليجيين ويكتب حاجه وكل شوي يجي عندي يطالعني ويكتب حاجه بالايباد ويمشي ، طبعاً ربعنا مفهيين وخاشين جو مع الاغاني والطيور هههه لكن انا ماتركته ورحت تهاوشت معه ، حسيت نوع من انواع المراقبة بدون مااسوي شي ، لما رحت له يقول (انتا عام حاجه ياباشا ؟ انتا خايف ليه؟) انا بالعكس ماني خايف بس يمكن انه صورني بدون ماانتبه بدون وجه حق ، وليه يركز علينا احنا الخليجيين فقط ؟ ماطلعت منه بااجابة وتضايقت من التعامل والوقاحة والرقابة علينا يالخليجيين بدون سبب وطلعت . اعتبرها عنصريه مااردي

تحذر من القاهرة كلها وعشان كذا
ياخوي لاتكتب مواضيع

مايحدث بمصر يحدث بأي دولة اخرى سواء شي سلبي او شي ايجابي

تضخيم مواضيع وامور جدا سطحيه

لاتسافر سياحه لاي دوله اذا هالامور البسيطه تشوفها كبيره

انت حساس قوي يابرنس مش كل حد باصص فيك يبقى هيصورك عشان انت خليجي والشباب اللي شحتوك دول بيهزرو ياعم متخدش الحجات على صدرك كدا

من محقي اكتب الي ابي ، من انت تجبرني اكتب او لا ،اذا مااعجبك الموضوع مااحد اجبرك تشارك ! ملقوف

من قالك يحدث في دول ثانية ؟ لاتدافع على باطل ، روح مثلا فانكوفر مااحد يقدر يتجراء ينصب عليك لان في قانون يحميك ويحمي السائح . ايه نعم اشوفها كبيرة شخص يتهجم عليك وتقول ماهي كبيرة وسطحية ؟ تعال اضربك وسامحني وقول بسيطة وشي سطحي :morocco_5 (105):

من حقك تكتب تجربتك وتبدي رأيك .

فيه كثير مايحب مصر عشان النصب وحركات الأستغفال واحيانا الهمجية من البعض .. لكن في النهاية بلد فيه حضارة وتاريخ وترفيه ويستحق الزيارة لكن لاتنسى انك تزور بلد فيه فقر كبير ،ونسبة امية تعادل ٤٥ مليون حسب بعض الاحصاءات، اضافة الى البطالة، يعني اكتمل مثلث الخطر:
فقر+بطالة+امية=جريمة

لذالك السائح الذكي يحاول ان يسكن في مكان راقي ويتعامل مع ناس ثقات .
اذا جيت مصر خلك وسيع صدر وفهلوي ولاتدقق كثير لأنك بتتعب ، اذا من النوع الحساس والزعول احجز على اقرب طيارة.
بخصوص موقفك كان بامكانك تبلغ عليهم الشرطة لانهم في صف السائح عموما

مصر ولى زمانها ايام التسعينات شارع الهرم المهندسين ويمبي المهندسين ووووو وفلل يابلاش وايام ام بطه ( دول بياكلوا الوقت دا عاوز تشوفهم بياكلو هههههه ) ومافيش وسايل تواصل اجتماعي واسماك الاسماعيليه والفونص يامنغى هههههه و اوعى ياحسني. ولى زمانها زمان الفورد بوش وصلب دركسونه .
مغرب جنه عيش واتهنى الله يعمرها دار

ذكرتني بموقف في شتاء 2015 وكان برد المهم طفشان الساعه ثمان الصبح قلت اطلع افطر في العمودي لما رحت حصلته مقفل ولايقدم وجبة افطار قلت اروح مطعم ثاني .. لفيت على حاجه فخمه في جامعة الدول ما حصلت الا جاد هو اللي فاتح وهو ممتاز فطرت وطلعت اتمشى شوي ما كان في الشارع احد الا انا سكون يجلب القلق المحلات كلها مغلقة حتى المقاهي في وقت بريك وتنظيف.. فرجعت على طول.. جامعة الدول ما يشتغل الا بعد الظهر خلها قاعدة عندك
بخصوص ملاحظاتك كان المفروض تكتب اسم المقهى واما التسول ظاهرة متعبة في مصر ومن الروتين اللي تشوفه في اماكن السياحه