البنوك السعوديه
 

السلام عليكم ورحمة الله وبركاته

الموضوع يا غالين للفايده عن ربط حساباتك البنكيه في بعض للراحه الماديه والنفسيه

عشان تقدر تسهل عليك امور كثيره من ناحية الحوالات اللي تجيك من السعوديه وانت خارج السعوديه

او من الحوالات من حساباتك وانت بالخارج

تفادياً لبعض الرسوم مثل سعر الصرف القليل او عمولة تحويل عمله او عمولة سحب والخ..

اللي انا مسويه إن عندي (6) حسابات بنكيه سعوديه مختلفه وكل بنك له تطبيق عندي شغال
وكل حساب ضايف حساباتي الخمسه فيه كا مستفيد بنك محلي

مثلاً :
البنك الاهلي مضاف فيه كا مستفيد حسابي بالراجحي والعربي والاستثمار والبلاد والبنك الاول

وبنك الراجحي مضافه حساباتي كا مستفيد بنك محلي البنك الاهلي والعربي والاستثمار والبلاد والبنك الاول

وهكذا على نفس سحاباتي الثانيه

والطريقه جدا سهله وانت قاعد بالبيت افتح تطبيقات البنوك اللي لك فيها حسابات وابدأ اربطها في بعض
مثل اضافة مستفيد من نفس البنك
بس بتكون اضافه من بنك محلي

ملاحظه الحواله من بنك لبنك ماتوصل الا وقت دوام البنوك من 9 صباحاً الى 4 عصرا

يعني مثلاً انت حولت بعد الساعه 4 العصر بتجيك الصبح ولو حولت وقت الدوام تجيبك بنفس الوقت او بالكثير نص ساعه

بقولكم ليه انا سويتها او ايش الفايده منها :

اولا عندي حساب ويسترون يونيون وسويته من تطبيق بنك البلاد واضفت اسمي بالانجليزي من نفس التطبيق

مره من المرات نقصت علي فلوس كاش بس في حسابي البنك العربي فلوس

قمت حولت على البلاد من للتطبيق

حولتها على البلاد عشان كان سعر الصرف للدرهم ممتاز ويوم وصلت الفلوس حولتها على نفسي ويسترون يونيون وبنفس الوقت توصل ورحت سحبتها كاش ولا تاخذ منك دقيقتن كل هالشغله

وبكذا تفاديت الرسوم الطويله والعريضه من البنك السعوديه والمغربيه

وقد سويتها حولت على السعودي للاستثمار وحولتها على بطاقة العملات وكان سعر الصرف جداً ممتاز بس ماسحبتها كاش كنت اتعامل بالبطاقه.

ماتاخذ منك دقايق بس قول بسم الله وشغل تطبيقاتك واربطها

معلومه : ويسترون يونيون اقصى حد للتحول 7500 دولار تقريبا 28 الف ويال

صدقني انت اللي تقرأ الموضوع لو ما طبقته بيمر عليك وقت وتتذكر الموضوع وتقول ليتني سويتها وارتحت

وسلامتكم وان شاء الله افدتكم واسف على الإطاله

[emoji106][emoji106][emoji106][emoji106][emoji106][emoji106][emoji106][emoji106]

موضوع مهم وللأمانة أفدتني كثير .. شكرا كوفيد

ممكن عن طريق stc bay تحول الي ويسترن اونيون الي حد ١٠٠٠٠ ريال بالشهر
و تستخدم الفيزا او بطاقة الصراف مدى
او بتحويل من حسابك و عمولة اقل و خلال ٣ ثواني توصلك هذي عن تجربة استخدمتها بالاردن .

اشكر الاخ كوفيد ٢٠ حرصه على المتابعين

Stc pay
عيبها ماتقدر تعبيها اكثر من20 ألف ريال كل شهر
فما فيه مثل بطاقة السفر من السعودي للاستثمار اضف عليها الدرهم وحول لها المبلغ وكل ماانتهى اشحنها وعيش حياتك وفيه برضه عندك بنك البلاد تقدر تحول لويسترن يونيون وأيضآ بنك الأهلي والموني قرام مدري عن باقي البنوك

وعلى فكره ميزة بطاقة السفر حقت السعودي للاستثمار تقدر تسحب كاش عن طريق صرافات الشركة العامة societe general الى 8000 درهم بالسحبه وقد سحبت كذا مره منها والعمولة 22 ريال البنك السعودي والشركة العامه 30 درهم يعني كلها على بعضها اذا بتسحب 8000 درهم العموله 35 ريال تقريبآ ولكن بطاقات مدى ماتسحب لك من نفس البنك الا 4000 درهم فقط

هلا ومرحبا
أخي متى آخر مرة سحبت منها 8000؟ شي طيب اذا انها تسحب هالمبلغ دفعه وحده. ممتازة.

شهر أكتوبر بآخر سنه كنا نسافر فيهاهههههههههه
وللتوضيح بطاقة مدى من نفس البنك السعودي للاستثمار جربتها ماتسحب الا 4000 درهم بنفس الصرافات حقت الشركة العامة ولكن بطاقة السفر حقتهم تسحب لك 8000 لأنها تعتبر فيزا مو حساب جاري

والله وانا اخوك البطاقه معي من زمان واستخدمها دايم وفي جميع صرافات المغرب بس ماتسحب 8000 درهم دفعه وحده!! فقط على الفين درهم

وقد سحبت منها على الفين الفين درهم لين 10 الاف درهم بنفس الوقت

والعموله مثل ماتفضلت على كل سحبه 20 درهم للبنك المغربي
و البنك السعودي ياخذ 6 دولار يعني 22.5 والمجموع الكلي على كل سحبه 30.5

اذا متاكد من اسم البنك اللي سحبت منه 8000 درهم دفعه وحده شي ممتاز وبحفظ اسمه

انا ماقلت كل البنوك حددت صراف بنك محدد هو الوحيد اللي تسحب لك منه مبلغ 8000 درهم مغربي بالسحبه الوحده

وبالنسبه لبطاقات مدى فالبنك هذا تسحب لك 4000 درهم بالسحبه الوحده