قررت اعيش بالمغرب عندي سؤال
 

خلاص طابت معاي وقررت اهاجر للمغرب و عندي ولدين روضة وثاني ابتدائي حابب اي معلومة عن ألية الدراسة ايش الخطوات من وين ابداء اجراءات نقلهم للدراسة بالمغرب؟؟
وهل تؤيد ام لا؟ ولماذا ؟

أؤيد اذا:

- مقتدر (جدا) مادياً
- عارف وين بتروح بالضبط (محدد المنطقة والمدينة)
- دارس الموضوع من كل جوانبه مادياً واجتماعياً لأسرتك ونفسياً (غربة الخ)
- عندك المرونة انك تقدر ترجع اي وقت لو قدر الله وما عجبك اي شيء او ما تأقلموا اولادك

لا اؤيد اذا:

- القرار متسرع وممكن يترتب عليه استقالة او تقاعد من عمل بدون دراسة
- غير مقتدر مادياً
- ما درست تأثيره على أولادك

وبخصوص المدارس والنظام الدراسي في المغرب فيه المدرسة السعودية بالرباط هذا موقعهم تقدر تتواصل معهم ويفيدونك:

المدرسة السعودية في الرباط

وهذا موقع الملحقية الثقافية وبرضه يقدرون يساعدونك:

الملحقية الثقافية فى المغرب

وتقريبا الرباط افضل مدينة مغربية من ناحية المدارس والمعيشة وغيرها فأرشح لك الرباط اذا جزمت يعني


تحياتي
وبالتوفيق

حبيبي اول شي شاكر ومقدر لك ردك واهتمامك الله يجزاك خير
انا كنت عايش في تطوان قبل الاولاد مايدخلو للمدرسة والحمدلله عندي بيت وسيارة والامور تمام بس رجعت لجل المدرسة والاولاد والان تغيرت نفسيتي وظروفي ولكذا بروح هناك وبسوي مشروع اتسلى عليه عندهم وفي اي وقت تطيب معاي لاسمح الله تذاكر وارجع لبيتي وحياتي هنا بدون اي ضرر
انا كنت بهاجر امريكا كمستثمر لانها افضل بس مانفعت الفكرة لانها بتكلفني مبالغ فوق 250 الف دولار ولايمكن تعويضها لو طابت معاي وقررت ارجع لبلادي ولكذا بروح المغرب بأذن الله بس شايل هم يقولو الدراسة بالفرنسي ولا اقدر اعيش بالرباط لاني ما احبها ولكن نتوكل على الله وندخل الاولاد يتعلموا فرنسي ومدارس خاصة والتوفيق بيد الله.

كنحناق على السردين التطواني
موفق خير اخوي كان خوال العيال من المغرب امورك زينه وعروقك واصله المويه ان شاء الله

العفو يا صاحبي
ماشاء الله جدا ممتاز
اجل توكل على الله وبيني وبينك لو كنت مكانك ما رجعت اصلا ولا فكرت مرتين
وعلى فكرة انا اخطط للانتقال للعيش بتطوان بالذات لاني احبها واحب جوّها واهلها واجواءها وهدوءها وكل شيء فيها لكن باقي نحتاج سنوات رغم اني غير متزوج او موظف

- بخصوص المدارس فالمدارس الممتازة موجودة بكل مكان والمدارس الاجنبية موجودة بكثافة بالمغرب والفرنسي برضه حلو لكن ترى فيه مدارس انجليزية والمغرب محافظ على فرنسيته لكن فيه توجّه من الشعب والمدارس للانجليزي. تطوان بالذات فيها معاهد تعليمية مميزة شفتها بنفسي فأكيد فيها مدارس مميزة.

- بخصوص أمريكا انا عشت فيها سنوات وبولايات غالية جدا وولايات متوسطة وقريب من الاستثمار فيها احب اقولك المغرب افضل بكثير لعدة اسباب:

1. المعيشة جدا جدا جدا غالية بأمريكا خاصة للعائلة (بولاية زي كاليفورنيا آجار شقة لعائلة متوسطة 2000$/شهريا بالراحة) عدا عن الفواتير الثانية عاد المدارس حاجة ثانية (10,000$ بالسنة للطالب الواحد هذي عادية جدا).عاد شوف التأمين الطبي ووووو. التأمين لحاله حكاية. فيه ولايات أرخص لكن الجودة أقل وبنفس الوقت تبقى غالية.

2. البزنس بأمريكا صعب جدا. اذا ما كنت دارسه دراسة وافية وكاملة صعب تنجح. البزنس مكثف بأمريكا والمنافسة عالية واستحواذ السوق واضح وهامش الربح صعب. لكن اذا درسته دراسة عميقة ونجحت عز الله انه نجاح فاخر و $$$ زي الرز. لكن يبقى ان العملة صعبة جدا وثقيلة واي خسارة محسوبة. مرهقة. أمريكا بلد مرهق جدا ابدا غير مريح. وكل يوم طالعين بنظام جديد للهجرة.

3. البعد الجغرافي والبعد النفسي والاجتماعي. امريكا غربة حقيقية. ناس مختلفين تماما مجتمع مختلف العلاقات بمجملها مادية بحتة (مصالح). المغرب بلد اجتماعي قريب منا وآخرته زي ما قلت ست ساعات وانت بجدة او الرياض. بس انا شخصياً مستحيل تطيب نفسي من تطوان.


لقيت حساب المدرسة السعودية بتويتر:
https://twitter.com/ksa_school_rbt?lang=da

اغلبها سعوديين واكيد يعرفون الاجراءات المطلوبة
اختي قد نقلت لبريطانيا والاجراءات كانت بسيطة ورق مختوم من التعليم وشهادات واعتقد شهادات تطعيم
وعلى قولة اخونا مقيم بمراكش امورك هانية
كل التوفيق لك ولعائلتك الكريمة

اويلي على السردين والبجوق فرش وحي كنت اخذه من الشبك على النار ولا احلى
وبالضبط مثل ما قلت ياخوي خوال العيال مغاربة ولكذا الحياة اسهل وتطوان أجمل
ويسعدك ربي حبيبي على التشجيع وبامر الله ماشي في يناير

حبيبي اخ ( مرتاح أحبك) الله يسعدك ويجمل حالك ويرحم والديك على تفاعلك
القرار تم اتخاذه بامر الله الهجرة في يناير ولتطوان ( الحمامة البيضاء )
ولقيتهم فعلا في تويتر وراسلتهم بس لسى ماجاء الرد لان ويكند عندهم...
لكن بصراحة انا عشت في امريكا في فلوريدا وعشت في المغرب في تطوان وعشت في القاهرة امريكا تتفوق على الجميع من نواحي عديدة ولاتخفى عليك ... المغرب في شوية عنصرية وهمجية وانا عصبي مستحيل احد يخطي عليه ولا ارد عليه لكن امريكا يبغالها قوة كاش وماتنفع مع عائلة وتبداء حياتك بيها لان بتكون تكلفه جدا مرتفعة رغم ان البزنس فيها قوي وفي مجالات احبها مثل السوبرماركتات العربية والذبايح على الطريقة الاسلامية والمطاعم العربية لكن كمستثمر لابد تدخل ب250 الف دولار وتحتاج مية جنبها ترستك الحياة ولو ابسوي كذا اضطر اغامر وابيع بيتي واتخلى عن اشياء تهمني في السعودية واعتبرها مخاطرة غير مضمونة لأن مثل ما قلت الانظمة تتغير والسياسات تتغير ولكذا نرضى بالمغاربة ونقول يامحلاها الحياة في تطوان طبيعة فتاكة وبحر واسبانيا جنبك تفر على اوروبا وترجع سريع سريع وانا سئلت عن الدراسة لاني اعرف العرب تهاويل في الأنظمة والقوانين غير اوربا وتطوان فعلآ فيها مراكز ومدارس مميزة وربك ييسرها

الكيف بورد عندي قلب الميم نون والكبر شين خاصه هواء الصخيرات
موفق خير أنا حجزت عن طريق الخطوط المصريه ب2يناير

انا بحجز على السعودية بأذن الله
وينك يا يناير انتظره بقوة

اللهم لا تقدمنا إلى شر و لا تؤخرنا إليه ..